لمن .. أشكو حبيبي .. ! الجزء السادس عشر ..

البارت السادس عشر .^_^.

بعد شهر .. 

يوم زواج معاذ وجواد .. 

اليوم كان يمشي بسلاسه عند الكل .. الكل فرحان ومبسوط .. حتى ام معاذ ما كانت تتقدر تخفي فرحتها لان عيالها اخيرا كبروا وتزوجوا .. حتى لو ما كانت هي الي مختاره لهم ..

رغد ورهف كانت تلتف حول قوبهم الفرحه ومعها رهبت العروس الا لابد منها .. 

معاذ كان يتصرف بطريقه عاديه لان ولا شي هامه .. 

جواد الربكه لاحسه مخه .. مو عارف شنو يقول شنو يسوي .. 

_-_-_-_-_-_-_-_-_-_-_-_-_-_-_-_-_

في بيت بو سعد .. 

بو سعد : جنى تعالي بقول لك شي .. 

جنى : امر .. 

بو سعد : في شي انا كنت مخبيه عليك من فتره بس الحين لازم تعرفينه .. 

جنى : خير ان شاء الله .. 

بو سعد : معاذ .. 

جنى بدأ قلبها يدق بسرعه : شفيه ..؟ 

بو سعد : امممممممممممممم ... اليوم ....

جنى : جدي تكفى تكلم شفيه ..! صار له شي ..؟

بو سعد : اليوم زواجه ..

جنى بصدمه : شنو قلت .. زواجه .. زواج مين ..؟ 

بو سعد : معاذ اليوم بيتزوج .. 

جنى حست بماي بارد انصب عليها : الله يوفقه .. 

بو سعد : الله لا يوفقه .. حسبي الله عليك .. 

جنى قامت وراحت غرفتها وجلست على طرف سريرها كلها دقايق ونزلت دمعتها على خدها ... صارة الدنيا في عيونها سوده .. كل ما خدعت نفسها ان الظروف راح تتحسن بالعكس تزيد سوء .. حتى لما حبته راح في حضن وحده ثانيه .. كلها كم يوم او كم شهر ويرميها .. ويتركها وحيده .. 

_-_-_-_-_-_-_-_-_-_-_-_-_-_-_-_

في الفندق .. 

جلس على السرير ويفكر فيها .. مع انه المفروض اليوم بذات ينساها ويفكر بس برغد الي قدامه جلسه بكل انثتها .. ليش جالس يفكر فيها الحين .. ليه شاغله تفكيره .. طيب لو عرفت بزواجي الحين شنو راح تسوي .. كيف ردت فعلها .. راح تتضايق ولا ما راح تهتم .. بس هي تقول انها تحبني .. يعني المفروض تتضايق .. طيب لو عرفت شنو بتسوي .. طبعا بتبكي لانها ماعندها شي غير انها منزله هذي الدموع .. او يمكن تكون تكذب ولا تحبني بالعكس بتفرح ويمكن تحاول تخرب حياتي .. صح ليه لا .. شفيني انا شاغل مخي فيها اصلا ما تقدر تسوي أي شي .. 

رغد : معاذ ماراح تجي تتعشى ..؟ 

معاذ : الا بجي .. 

رغد : اجل يلا تعال انا جهزت العشا .. 

معاذ : ليه تعبتي نفسك .. 

رغد : تعبك راحه ..

معاذ : انا المفروض اخدمك اليوم يا عروس .. 

رغد ضحكت .. 

معاذ : يالبى الضحكه .. 

_-_-_-_-_-_-_-_-_-_-_-_-_

اليوم الثاني .. 

جواد : صباح الخير يا حياتي .. 

رهف : صباح النور .. 

جواد : يا حلو الصباح الي فيه اصبح على هذا الوجه الي يسعد النفس .. 

رهف انحرجت .. 

جواد : ودي اجلس العمر كله كذا ما نتحرك من السرير .. بس انا جايع وطلبت فطور قومي يا حلوه نفطر .. 

رهف : من عيوني .. 

جواد : تسلم عيون الحلوين .. 

توها بتقوم مسكها ورجعها في حضنه مره ثانيه .. 

رهف : شفيك مو تقول تبغي تفطر .. 

جواد : ابغي بوست صباح الخير اول .. 

رهف : ياربي جواد اعقل .. 

جواد : بسرعه ... 

قربت منه رهف بسرعه وباست خده .. وقامت .. 

جواد وهو يضحك : هذي مقبوله بس اليوم .. فاهمه .. 

_-_-_-_-_-_-_-_-_-_-_-_-_

عند رغد ومعاذ .. 

رغد : معاذ لي ساع هوانا احاول اصحيك يلا قوم عاد .. 

معاذ : اقولك وخري مالي خلق اجلس .. لسى بدري .. 

رغد : بس حبيبي انا سويت لك الفطور .. معقوله راح تخليني افطر لحالي في اول ايام زواجنا .. يلا قوم .. 

معاذ : اذا ما تبغين تفطرين لحالك انسدحي وكملي نوم واذا جلست نفطر مع بعض .. 

رغد : لا ما في انا جوعانه الحين .. يلا قوم بلا كسل .. 

وشالت البطانيه عنه .. 

معاذ بصراخه وعصبيه مفاجئه : اقووووووووووووووووول اذا ما نقلعتي عن وجهي الحين وخليتيني انام وربي راح يجيك كف ينسيك اسمك فاااااااااهمه .. 

رغد تجمدة مكانه .. هذي اول مره احد يصارخ عليها .. فصارت تبكي .. 

معاذ انتبه على نفسه ان هذي الي يكلمها رغد مو جنى .. وقام بسرعه وحضنها .. بس رغد وخرته عنها .. 

معاذ : حبيبتي والله انا اسف .. 

رغد : وخر عني ماابغيك .. 

معاذ : هلا حبيبتي والله انا اسف .. بس مو متعود ان احد يجلسني من النوم .. تدري انا اول انام في الوقت الي ابغيه واصحى متي ماابغي .. وربي انا اسف .. خلاص حياتي لا تبكين .. 

رغد : بس انت خرعتني .. هذي اول مره احد يصارخ في وجهي .. 

معاذ : انا اسف خلاص مسحي دموعك .. 

وطبع بوسه على جبينها .. ومسح دموعها .. 

معاذ : يلا خلينا نروح نفطر الحين .. 

رغد : لا تصارخ علي مره ثانيه .. 

معاذ : من عيوني .. اقطع لساني لو اصارخ عليك مره ثانيه .. فديتك يلا ضحكي .. 

رغد : طيب .. 

معاذ : يلا وريني الابتسامه .. 

رغد ابتسمت في وجهه .. 

معاذ : يالبى هذي البتسامه الي ترد الروح .. 

رغد : خلاص ترى استحي .. 

_-_-_-_-_-_-_-_-_-_-_-_-_

في بيت بو سعد .. 

جلس بو سعد من النوم وما شاف جنى مجهزه الفطور مثل عادتها .. فراح لباب غرفتها وضرب الباب بس مافي احد جاوبه .. ففتح الباب ودخل .. 

بو سعد : جنى .. انتي جالسه .. 

جنى : أي .. 

بو سعد : وليه طيب ما قمتي من السرير .. ؟ 

جنى : تعبانه شوي .. 

قرب منها بو سعد وحط يده على راسها : شنو فيك ..؟ 

جنى : راسي مصدع .. 

بو سعد : كنت تبكين .. ؟ 

جنى : جدي طلبتك خلني انام بس اليوم .. 

بو سعد : كنت تبكين عليه طول الليل .. تبكين على واحد ما ستاهل شعره من راسك .. 

جنى نزلوا دموعها : جدي تكفى لا تتكلم عنه .. 

ولفت وجها للجها الثانيه وغطت نفسها وكلمت صياح .. 

بو سعد : انا بخليت تبكين على كيفك .. بس حطي في بالك ان هذا الشي الي صار ممكن يكون من صالحك .. يمكن الحين يطلقك ونفتك منه .. 

جنى : ومين قال لك اني ابغي افتك منه .. بالعكس انا ابغيه .. 

بو سعد : انا اعرف الي في قلبك واعرف انك من داخل ماتبغينه بس تكابرين .. ترى قلبي يتقطع على حالتك .. ماابغيك تضلين كذا .. ابغي اطمئن عليك .. 

وطلع .. 

جنى .. بالعكس انا ابغيك .. بكل جوارحي .. 

_-_-_-_-_-_-_-_-_-_-_-_-_-_-_

عند معاذ .. 

كانوا جالسين يفطرون .. 

معاذ : يلا فتحي فمك .. 

رغد : خلاص والله شبعت مااقدر اكل اكثر من كذا .. 

معاذ : يعني تردين يدي ..؟ 

رغد : لا ..

معاذ : اجل اكليها .. 

رغد : باكلها بس هذي اخر لقمه خلاص بطني بينفجر .. 

معاذ : هههههه .. سلامة بطنك من الانفجار .. رغد حبيبتي .. 

رغد : عيوني .. 

معاذ : تسلم عيونك .. حبيبتي لسى زعلان مني .. لاني صرخت عليك .. 

رغد : لا وانا اقدر ازعل من حبيبي .. 

معاذ : فديتك انا .. 

رغد : أحبك يادب بس لا عاد تصارخ علي مره ثانيه .. 

معاذ : قلت لك اقطع لساني لو اسويها مره ثانيه .. 

رغد : تحبني ..؟

معاذ تفاجئ من السوال وصار يفكر .. هل يحبها ..؟ 

رغد : معااااذ .. يعني لهذي الدرجه السوال صعب ..؟

معاذ : اكيد احبك .. بس كلمة احبك ما تفيك حقك .. كنت ادور كلمه اكبر من كذا بس عجزت افكر في كلمة ثانيه الحين .. 

رغد حطت راسها في حضنه : تكفيني كلمة أحبك .. 

معاذ حط يده على شعرها وصار يمسح عليه بهدوء .. 

_-_-_-_-_-_-_-_-_-_-_-_-_-_-_

بعد اسبوع .. 

في سيارة معاذ .. 

رغد : ما راح تنزل ..؟

معاذ : بروح مشوار مهم وبرجع ماني متاخر كثير .. 

رغد : لا عاد .. لازم تنزل معي شنو اقول لهم اذا سألوني عنك .. 

معاذ : قولي لهم راح مشوار وبيرجع .. يلا حبيبتي .. لازم اروح .. 

رغد : طيب لا تتاخر .. 

معاذ : بحاول .. 

رغد : طيب احبك .. 

معاذ : وانا بعد ... 

رغد : انتبه على نفسك .. 

معاذ : حاضر .. 

ونزلت ودخلت بيت بو معاذ .. 

اما معاذ في على طول توجه لبيت جنى .. 

لما دخل شافها جالس تشوف تلفزيون .. تذكر اول يوم شافها فيه .. كنت جالس بنفس الوضعيه .. ومو منتبه عليه .. ضل واقف يطالعها كانت تبدوا طبيعي حيل .. مافي شي ختلف فيها .. الا يحس بأحد يحط يده على كتفه .. 

بو سعد : شنو تسوي هنا ..؟ مو الفروض تكون مع عروستك .. 

معاذ : جاي اشوف زوجتي الثاني ولا هذا عيب .. 

جنى : اخير جيت .. توقعتك نسيتنا .. 

بو سعد : جنى روحي دخلي غرفتك بيني وبينه كلام .. 

معاذ : أي شي تبغي تقوله تقدر تقوله قدامها .. 

بس جنى ما عطته وجهه وراح غرفتها .. هذي الحركه قهرته .. وعصبته .. وكان وده يلحقها ويعطيها كف بدال ما لفت وجها عنه .. 

بو سعد : ممكن تجلس الحين ..؟ 

معاذ : نعم شنو بغيت ..؟ 

بو سعد : اتوقع الحين بعد ما تزوجي لازم تطلق جنى .. 

معاذ : وليه لازم اطلقها ترى الشرع حلل اربع .. 

بو سعد : اول لما كنت عزوبي كنت تقدر تجي هنا بدون مايحاسبك احد او يحس فيك .. الحين لما زوجتك تسئلك ليه ما نمت في البيت اليوم شنو راح ترد عليها بتقول لها انا عند زوجتي الثانيه الخبيتها عنكم .. طيب ولنفرض لاسمح الله جنى حملت شنو راح تسوي ..؟ ولا بتخليهم بعد سر .. فكر بعقل الي تسويه مو من صالحك .. اتوقع انك انتقمت منا بما فيه الكفايه الحين جى الوقت الي تنسحب من حياتنا .. 

معاذ : انت تحلم صح .. ؟ اقول وخر بس .. 

وقام وراح لجنى .. 

بو سعد : تعال ما كملت كلامي معك ..

بس معاذ سكر الباب في وجهه .. ولف على جنى وصار يطالعها من فوق الي تحت .. 

جنى : شفيك ..؟ 

معاذ : ما فيني شي .. 

جنى : أجل ليه تناظرني كذا .. 

معاذ : لاني اشوف ان لسان يبغيه قص وتصرفاتك صارت وقحه .. 

جنى : ومنكم نستفيد .. ليه تتوقع اني بضل طول حياتي تحت رحمتك .. 

معاذ : طيب شنو قلب حالك الحين .. مو كان قلتي انك تحبيني وبسوين أي شي علشان تخليني احبك .. 

جنى : صح .. وعلشاني احبك لازم احب لك الخير حتى لو كان مع غيري .. اوووه نسيت اقولك مبروك يا عريس .. الصراحه فرحت لك كثير .. حبيبي شفيه وجهك كذا .. شكل عروسك ما تاكلك عدل .. نحفان حيل ووجهك اصفر .. 

وقربت منه وحطت يدها على وجهه .. 

جنى : حبيبي انت مريض ..؟ تعال نسدح ليه واقف .. 

معاذ : وخري عني .. على فكره انت تقرفيني اذا سويتي هذي الحركات .. 

جنى : ليه بس تبغي عروسك هي الي تقولك حبيبي وتمسح عليك .. طيب وانا .. هي احلى مني .. صح .. 

معاذ صار يطالعها .. ويقول في نفسه مني قال انها احلى منك بالعكس انتي ما خذه كل الحلى .. مع هذا مو هذا الشي الي محليك .. في شي ثاني مخليك في نظري احلى بنت شفتها في حياتي بس ياريتني اعرف هذا الشي .. مع هذا ماابغي احبك ماابغي اقرب منك ما ابغي ..

معاذ : سمعي من اليوم ورايح راح اجيك بس العصر .. كلام جدك صح .. مااقدر انام هنا .. زوجتي حبيبتي راح تخاف علي وبعدين مااقدر اخليها تنام لحالها .. 

جنى حز هذا الكلام في خاطرها حيل وكل الجرئيه الي كانت عندها راحت ونزلت راسها في الارض : تخاف عليها .. 

معاذ حس بالقوه لما شافها انكسرت : اكيد اخاف عليها اذا ما خفت عليها هي اخاف على مني .. 

جنى صار جسمها يرجف .. 

معاذ : شفيك سكتي ..؟ ولا مو عاجبك كلامي ..؟ 

جنى : تبغي تاكل شي .. 

معاذ : تعالي لا تغيرين الموضوع .. 

جنى : ما اغير الموضوع بس الموضوع انتهى .. 

معاذ : انتي الي قلتي لجدك انك تبغيني اطلقك ..؟

جنى : لا .. 

معاذ : كذابه .. 

جنى : انا ما قلت له .. تبغي تصدق صدق ما تبغي براحتك .. 

_-_-_-_-_-_-_-_-_-_-_-_-_-_

وبكذا كرت الايام والشهور .. جواد كانت الفرحه مو شايلته وهو يعيش احلى لحظات مع حبيبتي وحياته رهف .. الي كان معيشها كنها ملكه .. كل طلابته وجابه وكلامها اوامر بنسبه له .. يتالم لالمها ويحزن لحزنها .. ويفرح لفرحها .. ويضحك لضحكتها .. 

اما رهف فكانت مبسوطه حيل .. وتحب جواد مووووت .. وتسوي أي شي علشان تسعده .. وبعد كم شهر من زواجهم حملت .. وزادت فرحتهم .. الي الحين تذكر جواد لما جات وقالت له انها حامل كيف طار فيها .. كان شكله كانه رابح كنوز العالم كلها .. كانت اثمن لحظه في حياتهم .. الكل فرح لهم وتمنى ولهم السعاده .. 

ومن جها ثانيه معاذ كان مو مرتاح في حياته نهائين .. كان يجلس مع رغد الي كانت شايته في عيونها .. بس عقله في مكان ثاني .. والي زاد الضيق في قلبه انها بعد ما شافت رهف حملت صارت تبغي تحمل .. وهو مو مستعد نهائين لطفل .. 

رغد .. كانت مبسوطه حيل بمعاذ الي مو مقصر عنها بشي .. بس في شي واحد كان زاعجها .. وهي طلعاته المستمره وغيابه عن البيت .. تتمنى تعرف وين يروح شنو يسوي مع مين .. 

_-_-_-_-_-_-_-_-_-_-_-_-_

في بيت بو معاذ .. 

جواد : حبيبتي .. شنو تسوين ..؟

رهف : جالسه ارتب السرير .. 

جواد : تركيه انا ارتبه انتي روحي رتاحي .. 

رهف : والله تعبت من الجلسه خلني اسوي شي .. 

جواد : ما في تبغي تتعبين نفسك انتي .. 

رهف : ياربي منك .. 

جواد حط راسه على بطنها كنه يسمع .. 

جواد : شفتي حبيب قلب بابا تعبان يبغي يرتاح .. يلا بسرعه روحي جلسي .. 

رهف : جواد ليه دايم اذا تتكلم عن البيبي تناديه بصيغت المذكر لنفرض كانت بنت .. 

جواد : الي يجي من الله حياه الله بنت ولا ولد .. بعد خلها تصير بنت اذا بتطلع تشبه امها ..

رهف : لا ان شاء الله ولد يشبه ابوه .. 

جواد : قلت لك الي يجي من عند الله حياه الله .. طيب ليه ما نروح ونشوف جنس المولود ..

رهف : لا ما في .. 

جواد : ليه ..؟

رهف : كم مره قلت لك ابغيها مفاجئه ...

جواد : طيب يلا روحي ارتاحي وانا راح اكمل ترتيب .. 

رهف : عنيييد .. 

جواد باسها : طالع على حبيبتي .. يلا روحي ارتاحي .. 

رهف : طيب .. 

_-_-_-_-_-_-_-_-_-_-_-_-_-_

في غرفة ليلى .. 

ليلى : حبيبي شفيك الحين بعد ..؟

سلطان : ليلى كم لي من عرفتك .. 

ليلى : اممممم .. فتره طويله .. يمكن ثلاث سنين تقريبا .. 

سلطان : ومتى ناويه تخليني اشوفك .. 

ليلى : رجعنا .. هذا انا ارسلك صوري تقريبا كل يوم .. 

سلطان : صورك بدون وجه او متلثمه .. بعدين انا ابغي اشوفك على الطبيعه مو صوره .. 

ليلى : سلطان حبيبي لا تحرجني تدري اني ما اقدر .. وبعدين كلها كم سنه وتتخرج وتجي تخطبني مثل ما وعدتني ولا انت ناسي ..؟

سلطان : بس انت عارفه اني ادرس طب يعني يبغيلي تقريبا ثلاث سنوات بعد علشان اتخرج .. 

ليلى : عادي انا بصبر عليك العمر كله .. 

سلطان : بس انا ما اقدر اصبر .. ابغي اشوفك .. 

ليلى : سلطان ما نبغي نتخانق انا اكثر من مره قلت لك اني مااقدر .. 

سلطان : اذا ما تقدر اجل انسي انك تعرفيني وهذي المره اتكلم جد انا مااقدر اصبر اكثر من كذا وعاد انتي اختاري .. 

ليلى : سلطان .. 

سلطان : بسرعه قرري يا تقابليني ولا مع السلامه .. 

ليلى : خلاص بقابلك .. 

سلطان : متى ..؟ 

ليلى : مدري خلني اشوف ضروفي واقولك .. 

سلطان : اليوم .. 

ليلى : لا عاد مو اليوم .. 

سلطان : ما ابغي أي عتراض انا صبرت بما فيه الكفايه .. ما اعتقد ان في واحد بيصبر ثلاث سنوات مثلي .. 

ليلى : ودامك صابر كل هذا الوقت يعني ما راح ياثر يومين ولا ثلاثه اكثر .. 

سلطان : الا بياثر .. وقلتلك اليوم في مول "....." الساعه 4 ونص .. ابغي اشوفك في الكافي .. مجرد ما توصلين تعطيني اتصال .. باي ..

وسكر .. 

ليلى : ياربي الحين شنو اسوي .. ما ابغي اخسره والمشكله هل مره شكله جاد .. شنو اسوي .. مااقدر اروح لحالي المول .. ومافي احد اثق فيه يروح معي .. ياربي .. 

الا ينضرب باب غرفتها .. 

ليلى بدون نفس : مين ..؟ 

رهف : انا .. ممكن ادخل .. 

ليلى : اووووف شنو تبغي هذي ... دخلي .. 

رهف : زهقت وانا جالسه لحالي واخوك مو راضي يخليني اسوي شي .. ورغد طالع مع معاذ يتغدون برا .. فقلت خلني اجي عندك اسولف معك من زمان ما سولفت معك .. 

ليلى : طيب .. 

الا جاتها فكره .. 

ليلى وهي تبتسم : رهف .. انتي في أي شهر الحين ..؟ 

رهف : شفيك نسيتي انا في الشهر السادس الحين .. ليه تسئلين ..؟ 

ليلى : لاني مااشوفك شريتي شي حق البيبي .. 

رهف : لان الي الحين ما نعرف جنس المولد .. 

ليلى : ليه ..؟

رهف : نبغيه مفاجئه ..

ليلى : اهاا .. بس لازم تشترون شي .. 

رهف : ادري بس ما معي احد يروح معي ومستحيه اقول لجواد يوديني .. 

ليلى : اوما مستحيه الحين لكم من تزوجتوا سنه وشوي وتقولين الي الحين مستحيه والله انك غريبه .. طيب عندي فكره شايك نروح اليوم السوق انا وانت لحالنا .. 

رهف : اليوم ..!

ليلى : أي اليوم انا مشتهيه اطلع .. والحين جاني حماس اروح اشتري ملابس للبيبي .. 

رهف : امممم ..!

ليلى : يلا عاد .. مو تقولين انك حتى انتي طفشانه خلينا نروح .. 

رهف : خلاص اقول لجواد يودينا .. 

ليلى : لالالا .. خلنا بس انا وانتي نروح مع السواق .. 

رهف : ليه ..؟ 

ليلى : علشا نسويها مفاجئه لجواد .. 

رهف : خلاص بروح اتجهز ..

ليلى : يس .. 

_-_-_-_-_-_-_-_-_-_-_-_-_-_-_-_

نهاية البارت السادس عشر .. 

البارت الرابع عشر

البارت الخامس عشر .^_^.

وفتحت الباب .. 

معاذ دخل : السلام عليكم .. 

رغد : تفــضــ .. قصدي وعليكم السلام .. 

معاذ : اخبارك ..؟

رغد : الحمد لله .. وانت ..؟

معاذ : بخير ... 

رغد : شنو تبغي تشرب ..؟

معاذ : هههههههههه .. قهوه ..

رغد : طيب دقايق .. 

معاذ : خذي وقتك .. الجو حلو هنا .. 

ودخلت وخلته يم الباب .. 

رغد : يبغي يشرب قهوه .. 

بو رغد : طيب وهو وينه ..؟ 

رغد استوعبت الي سوته : اووووووووه لا ..لا ..لا .. نسيت اقوله تفضل .. خليته يم الباب .. 

بو رغد : هههههههههههههههههه .. 

رغد صارت تبكي من الفشيله .. 

بو رغد : خلاص انا بروح ادخله .. 

وراح .. 

أم رغد : خلاص روحي مسحي دموعك .. ترى ما صار شي .. 

رغد : شنو ما صار شي اقوله شنو تبغي تشرب وهو واقف على الباب ..

*على الباب .. 

بو رغد : حياك ادخل .. 

معاذ : هههههههه .. كنت اعتقد اني راح اتعشا وانا هنا .. 

بو رغد : اقول ادخل .. 

معاذ : انت متعود تستقبل ضيوفك يم الباب .. 

بو رغد : خلاص لا تدخل روح اطلع برا .. 

معاذ : خلاص والله اتوب .. بدخل .. 

ودخلوا .. 

_-_-_-_-_-_-_-_-_-_-_-_-_

جواد جالس على السرير ويتكلم مع رهف بالرسايل .. 

جواد : 

مو ناويه تعزميني في بيتكم ..؟ 

رهف : 

ليش ..؟

جواد : 

شنو بعد ليش ..؟ ابغي اشوفك والله مشتاق لك .. انا حتى يوم الملكه ما شفتك عدل .. 

رهف : 

والله استحي .. 

جواد : 

بس ترى حلوه الضربه ..

رهف : 

أي ضربه ..؟ 

جواد : 

نسيتي .. لما قربت منك يوم الملكه ضربتيني .. 

رهف : 

اووووه .. والله انا اسفه .. بس تفاجئت .. 

جواد : 

مو مشكله .. اصلا انا مو زعلان .. بس يلا ابغي اشوفك مره ثانيه .. 

رهف : 

طيب خلاص بكره تعال بيتنا .. 

جواد : 

والله ... شكلك ناويه تضربيني مره ثانيه ..

رهف : 

دوووب .. خلاص لا تجي .. 

جواد : 

لا بجي .. 

رهف : 

خلاص استناك .. 

جواد : 

فديتك .. احبك .. تحبيني .. 

رهف : 

اوك امي تناديني اكلمك وقت ثاني .. 

جواد : 

عاش المصرف .. يلا بعديها لك .. بس بكره بجي اتغدا .. وابغيك انتي الطبخين .. 

_-_-_-_-_-_-_-_-_-_-_-_-_-_-_-_-_

بيت بو رغد .. 

بعد جهد جهيد قدرت رغد تدخل وتجلس يم معاذ .. وتدريجين نست السالفه وصارت تسولف معه طبيعي .. بعدين حطوا الغدا .. وبدأوا يتغدون .. 

معاذ اول ما ذاق الاكل ما عجبه نهائين .. بس جبر نفسه ياكل .. وصار يفكر الحين فهمت ليش عمي ما رضى يتغدا معنا .. لانه كان يدري ان الاكل راح يكون كذا .. 

رغد : ما قلت لي شرايك بالاكل ..؟

معاذ : حلو .. 

رغد : يسلموو انا الي مسويته ترى .. هذي اول مره ادخل فيها المطبخ .. دخلته علشانك بس .. 

معاذ : تسلم يدينك الحلو .. بس ليش ما تاكلين ..؟ 

رغد : مااعرف اكل يمك .. انت اكل ما عليك مني .. جرب الورق عنب ما اشوفك تاكله .. 

معاذ : الصراحه انا ما احب الورق عنب .. 

رغد : بس انا تعبت وانا اسويه ما تاكله على شاني على الاقل .. 

معاذ وهو يحس انه بيرجع : علشانك بجرب واحد .. 

وخذ له واحد وصار ياكل له .. وهو يتخيل نفسه انه جالس يشرب علاج .. كان اسوء شي ذاقه في حياته .. 

رغد : هااا شرايك فيه ..؟

معاذ وهو يحس انه بيختنق : يجنن .. روعه .. يهبل لانه من ايدك .. بس ممكن تجيبين لي ماي ..؟ 

رغد : حاضر .. 

وطلعت .. 

معاذ اول ما شافها طلعت خذ صحنه وراح رمى الي فيه في الزباله .. ورجع جلس مكانه ... 

صار يفكر بطباخ جنى .. كان كل يوم جي لها تطبخ له طبخه في حياته ماذاق احلى منها .. وحتى ريحت الاكل حقها ماايقدر يقاومه .. كان مايقوم من مكانه الا وهو مخلص صحنه كله .. بس هذا الاكل القدامه اسوء اكل شافه في حياته .. مافي أي وجه مقارنه بينه وبين طباخ جنى ... 

رغد : وين سرحان ..؟

معاذ : هاا .. لا ولا شي .. 

رغد : اشوفك خلصت اكلك كله .. تبغي احط لك بعد .. 

معاذ قام على طول : لا شكرا اصلا انا شبعت .. الحمد لله .. بس انتي ما اكلتي شي .. مو جواعانه .. 

رغد : يكفي انت تاكل .. وانا اشبع .. 

معاذ : شكلك ناويه تخليني اسمن .. 

رغد : لا والله اصلا جسمك حلو حييل .. 

معاذ صار يطالعها وهو رافع حاجبه : كانك جالسه تتغزلين في جسمي .. 

رغد صار وجها احمر .. ونزلت راسها ... 

معاذ : ههههههه .. روحي لبسي عبايتك .. 

رغد : ليه ..؟

معاذ : أنتي الي الحين ما اكلتي شي .. علشان كذا انا عزمك على المطعم .. 

رغد : لا ما يحتاج في اكل باقي في المطبخ .. اذا طلعت اكله .. 

معاذ : لا مستحيل لازم تخليني اغديك .. يلا عاد مشتهي اطلع معك .. 

رغد : طيب بروح استأذن من بابا .. 

معاذ : ليه انا ولي امرك الحين مو البابا .. 

رغد : ولو احتراما لازم اروح استأذن منه .. 

معاذ : طيب الي يريحك .. 

وطلعت راحت تستئذن من ابوها ... 

أم رغد : هااا أكل الي انتي مسويته ..

رغد : مو أكله بس الا لحس اصابعه من حلاوه .. طلعت طباخه ماهر هوانا مدري .. 

أم رغد : هههههههههههه .. ليه انتي ماجربتي اكلك ..؟

رغد : ليه شنو فيه المهم عجبه ... 

أم رغد : روحي تذوق اكلك بعدين قولي انه عجبه ... 

وراحت المطبخ وتذوقت الاكل .. 

رغد : يع طعمه مقرف .. 

أم رغد : هههههههههههههههه ..

رغد وهو تبكي : كيف أكله اجل .. 

أم رغد : هذا دلاله على انه يحبك .. قومي لا تبكين ورحي له .. 

رغد : ياربي اولا ماادخله واخليه على الباب والحين .. اسوي له اكله مو حلو بالمره .. 

أم رغد : يلا عاد قومي .. ولا تبغين تسوين غلطتك الثالثه اليوم .. وتخلينه جالس ينظرك في المجلس وانتي ساحبه عليه .. 

رغد : طيب هو يبغي يوديني المطعم ممكن اطلع ..؟

أم رغد : اكيد بس لا تتاخرين .. 

رغد : حاضر ... 

_-_-_-_-_-_-_-_-_-_-_-_-_-_-_-_-_

في اليوم الثاني راح جواد بيت رهف .. وكان كل ماتحركت قلبه تحرك معها .. 

جواد : شفيك ساكته ..؟

رهف : مافيني شي .. 

جواد : طيب أحبك .. 

رهف : شكرا .. 

جواد : لا قولي احبك .. 

رهف : لا مابغي .. 

جواد : لا بتقولين ولا بزعل .. 

رهف : يلا عاد لا تسوي كذا .. 

جواد : قولي بحبك ولا بزعل .. 

رهف : طيب أحبك .. 

جواد : يابعد قلبي انتي .. هاتي بوسه .. 

رهف : جواد اعقل .. ولا ترى بطلع .. 

جواد : انا من اول ماشفتك وعقلي طار خلاص .. 

رهف : اجي اجلس لحالك .. 

جواد : مو على كيفك انا مو جاي اجلس لحالي انا جاي علشان اجلس مع حبيبتي وعمري وحياتي وروحي وقلبي ودنيتي .. ترى من جد احبك .. احبك .. والله احبك .. 

رهف : خلاص طيب ادري .. 

جواد : يلا عطيني بوسه .. 

رهف : لا .. 

وقرب منها وباسها .. 

رهف : جواد حرام عليك ..

جواد : ليه حرام علي ..؟ 

رهف صارت عيونها تدمع .. 

جواد : اووه ... خلاص اسف بس لا تبكين .. يلا عاد حياتي .. 

رهف : لا تسوي هذا الحركه مره ثانيه .. 

جواد : صعب مااسويها .. انا لو اقدر ان اخذك في حضني طول العمر .. 

_-_-_-_-_-_-_-_-_-_-_-_-_-_-_-_-_

في غرفة معاذ .. 

معاذ يكلم نفسه : وين هذا ..! من الصباح ادق عليه ما يرد .. ليكون صاير له شي ..؟

ورجع يدق عليه .. الي ان رد .. 

معاذ : اخيرا رديت .. 

خالد : معاذ ..!

معاذ باستغراب : أي معاذ ليه توقعت شخص ثاني .. بعدين ليه نايم الي الحين .. 

خالد : معاذ تكفى راسي مصدع حده .. كلمني في وقت ثاني .. 

معاذ : شنو فيك ..؟ 

خالد : ما فيني شي .. بس ابغي انام .. 

معاذ : طيب .. تطلع معي في الليل ..؟ 

خالد : اليوم لالا مقدر .. 

معاذ : ليه شنو عندك ..؟

خالد برتباك : هااا عندي .. اليوم .. اهلي .. أي صح اهلي يبغوني اسوي لهم شغله مهمه .. فماا اقدر اطلع معك عذرني .. 

معاذ : خالد شفيك هل فتره الاخيره صرت تتهرب مني .. ودايم تقول عندك شغل .. لي اسبوع مشفتك .. 

خالد : ليه انت فاضي لي .. انت يا انك مع بنت بو سعد او معه الحبيبه الجديد ..

معاذ : خالد .. 

خالد : معاذ .. ما يحتاج نتخانق الحين انا راسي مصدع وابغي انام اكلمك بكره .. مع السلامه .. 

وسكر .. 

معاذ : طيب يا خالد تسكر في وجهي .. بس اموت واعرف انت شنو تسوي من وراي .. 

الا يرن جواله .. " رغد " ..

معاذ : هلا حبيبتي .. 

رغد : اهلين .. اممم حبيبي .. ممكن خدمه ..؟ 

معاذ : امري عيوني لك .. تدللي انتي بس .. 

رغد : ابغي اروح بيت عمي ام محمد .. ولا في احد يوديني .. فلو سمحت اذا جيت تودي ليلى ودني معها .. 

معاذ : ومين قال اني بودي ليلى ..! اذا تبغين ما يحتاج تروحين بيت عمي تعالي اطلع ونجلس مع بعض احسن .. 

رغد : لا ابغي اروح البنات كلهم بيكنون موجودين .. 

معاذ : بس جواد كان رايح بيت عمتي .. 

رغد : الحين طلع .. 

معاذ : شنو يدريك ..؟

رغد : توها منال داقت عليه وقالت لي انه انطرد شر طرده .. 

معاذ : وليه ..؟ 

رغد : شكله قال شي احرج رهف بقوه .. وطردته .. مسكين يبغي له وقت طويل قبل ما تتعود عليه رهف .. 

معاذ : ههههههههه .. ما علينا منهم .. اهم شي احنا .. على فكره ترى انا اليوم كلمة ابوي وقلت له انه يخلي زواجنا الشهر الجاي شرايك ..؟

رغد : لالالالا .. وين الشهر الجاي ..! لا ما ابغي .. 

معاذ : وليه ..؟ 

رغد : ما يمدي اتجهز .. لالا خلها بعد على الاقل اربع اشهور خمس .. 

معاذ : يا سلام احسن لا نتزوج .. 

رغد : والله ما يمدي اني اشتري لي شي واتجهز .. 

معاذ : خلاص انتهى الموضوع انا قلت لابوي وابوي موافق وبيكلم ابوك اليوم .. 

رغد : طيب وجواد ورهف .. معنا ولا لحالهم ..؟

معاذ : اتوقع انهم معنا .. بس مدري يمكن بعد الطرده حق اليوم يطلقها جواد .. 

رغد : ليه تفاول بشر دايم انت .. بعدين اخوك يموووووت فيها ماا يقدر يتخلى عنها .. 

معاذ : وانتي شنو يدريك ..؟ 

رغد : الكتاب واضح من عنوانه اولا ثانيا منال تقولي لي انه كل دقيقه راسل لها مسج .. وتبغيني اجي اليوم بيتهم علشان توريني المسجات والفضايح اخوك .. 

معاذ : علشان كذا تبغين تروحين اليوم .. اجل ماني مخليك تروحين .. 

رغد : لا عاد حبيبي تكفى .. احبك انا .. 

معاذ : فديتك .. الحين اجي ووديك بس هااا .. لازم تدفعين اجرت التوصيله .. 

رغد : هاااااااااااااا .. 

معاذ : يلا 10 دقايق بالكثير وانا يم باب بيتكم .. 

وسكر ... 

_-_-_-_-_-_-_-_-_-_-_-_-_-_-_

في بيت بو رغد .. 

وصل معاذ وجلس يستنى رغد في الحوش الي ان طلعت .. 

معاذ : ربع ساعه وانا انتظر ..!!

رغد : بعد كنت اتجهز ولا تبغيني اروح بعفستي .. 

معاذ : طيب وريني خليني اشوفك .. 

رغد : لا الحين بنتاخر .. 

معاذ : لا مافي روحه الي ان اشوفك .. 

رغد : طيب .. 

وشالت عباتها .. 

معاذ : حلو حلو .. خلاص ما في روحه .. 

رغد : شنو الي ما في روحه .. 

معاذ : ما في روحه ما ابغي احد يشوفك ويحسدك على كل هذا الحلى .. 

رغد : معااااااذ .. 

معاذ : عيون معاذ قلب معاذ .. روح معاذ .. حياة معاذ .. امر .. تدللي .. ترى طلباتك اوامر .. 

رغد : ابغي اروح بيت عمتي والله تاخرت .. 

معاذ : طيب بس وين اجرتي .. 

رغد طلعت فلوس من محفظتها .. 

معاذ : شنو هذي ..؟

رغد : اجرتك .. 

معاذ : ومين قال اني ابغي فلوس .. !

رغد : اجل شنو تبغي ..؟

معاذ : ابغي بوسه .. 

رغد : لا عاد .. 

معاذ : يلا بسرعه ولا مافي روحه .. 

رغد بسرعه قربت منه وطبعة بوسه على خده .. 

معاذ : هإإإإإإي انتي .. الناس ما يبوسون على الخد .. 

رغد : اجل وين يبوسون .. ؟ 

معاذ : على الشفايف ..

رغد : خلاص انا عطيتك البوسه وانتهى الوضوع يلا مشينا .. 

معاذ : خلاص روحي مشي ... ما راح اوصلك .. 

رغد : معااااااذ .. يااااربي منك .. 

معاذ : انتظر بوستي .. 

رغد : طيب ما يصير احد بيشوفنا هنا .. 

معاذ : الي الحين ترى انا انتظر بوستي .. 

رغد : ياااااربي .. 

وقربت منه وباسته .. 

رغد : هااا رضيت ..

معاذ : فديتك .. يلا بسرعه ركبي السياره ... خلنا اوديك .. 

رغد : اخيرا .. 

ووصلها بيت عمتها .. وراح هو بيت جنى .. 

اول ما دخل وشافته جنى .. قامت تسرع له وحضنته حيييل .. 

جنى : حبيبي اخيرا جيت ..

معاذ وهو يحاول يوخرها : شنو فيك انتي ..؟ 

جنى شالت يدينها وحطتهم على كتفه وصارت تتمايل بخفه : حرام عليك .. تحرمني منك اسبوعين كاملين .. ليه انت دايم تحاول تخلي قلبك قاسي علي .. 

معاذ كان دايخ فيها .. 

جنى : ما شتقت لي ..؟ حبيبي رد علي .. 

معاذ : الا مشتاق لك موووت بعد .. 

جنى : اجل مين شاغلك عني ليه ما جيت لي .. كنت استانك تجي كل يوم .. قولي مين بس الي حارمني منك .. 

معاذ انتبه لنفسه .. فشال يدينها من عليه وبعدها عنه .. 

جنى : حبيبي .. 

معاذ : لا تقولين حبيبي .. 

جنى : مو على كيفك .. انا احبك ولازم اقولك حبيبي .. حبيبي حبيبي حبيبي .. 

معاذ مسكها من شعرها ورفعها : قلت لك لا تقولين هذي الكلامه .. انا مستحيل اسمح لحثاله مثلك انها تحبني .. 

جنى : آآآآآآآآآآآآه ... بس انت ما تقدر تمنع قلب هذي الحثاله من انه ينبض بحبك .. مهما سويت حتى لو ضربتني واهنتني خلاص قلبي صار يحبك فما عاد ياثر أي شي .. 

معاذ حب يكسرها : يحبني .. ههههههههههه .. ليه انتي نسيتي اني غتصبتك في هذا المكان بالضبط .. نسيتي اني ضربتك وسحقتك انتي وجدك مثل الحشرات .. والي الحين ما شفتوا شي مني .. 

جنى بخوف : لا خل جدي بعيد .. اسحقني انا .. انا راضيه بالي تسويه بس جدي لا .. 

معاذ : اذا ما تبغيني اسوي شي خلاص بطلي هذا التمثيل .. 

جنى : ما اقدر .. 

معاذ : وليه ما تقدرين ..؟

جنى : لان هذا مو تمثيل هذا حقيقه .. انا احبك .. ولا شي من الي راح تقوله او الي راح تسويه راح يخليني اغير رايي .. 

نهاية البارت الخامس عشر ..