البارت الثاني عشر .^_^.
وصل معاذ الشاليه ..
بو معاذ : ليش تأخرت ..؟
معاذ : كان الطريق زحمه ..
بو معاذ : طيب روح ود الاغراض لامك ..
معاذ : طيب ..
وراح .. ولما وصل قسم الحريم .. دق على أمه ..
أم معاذ : نعم ..
معاذ : جبت الاغراض .. خلي ليلى تجي تخذهم ..
أم معاذ : أنت دخلهم المطبخ ..
معاذ : طيب ..
ودخل المطبخ وجلس يحوس في الثلاجه..
رغد لما سمعت ان معاذ راح يدخل الاغراض في المطبخ قامت تبغي تشوف من اخر مره شافته فيها .. وهو مو مفارق خيالها ولا احلامها ..
معاذ شاف آيس كريم فجلس ياكل فيه .. ورغد جالسه تطالع من فتحت الباب ..
ليلى انتبهت ان رغد طلعت .. فطلع وراها .. وشافتها تطالع في المطبخ وتراقب احد ..
ليلى : شنو جالسه تسوين ..
رغد رتبكت .. وصار وجها احمر ..
ليلى : مين في المطبخ ..؟
معاذ سمع أخته تتكلم فتوقع انها تكلمه .. فطلع من المطبخ وصار وجها لوجه قدام رغد .. وما عرفة وين تروح .. أما معاذ هذا الشي ما أثر فيه بما انه دايم يطلع مع بنات .. ولا اهتم ان البنت الي قدامه بنت عمه جلس بطالع فيها بكل وقاحه ..
ليلى : معاذ .. شنو جالس تسوي هنا ..؟
معاذ : جالس أدخل الاغراض ..
رغد أنتبهت ان وقفتها غلط .. فسرعة ودخلت الغرفه الداخليه ..
معاذ : مين هذي ..؟
ليلى : ما عرفتها هذي رغد بنت عمي ..
معاذ : والله صارت حلوه ..
ليلى : جالس تغازل قادمي .. يا قليل الادب..
معاذ : شكلي بقص لسانك يوم من الايام أنا ..
ليلى مشت من غير ما ترد عليه ..
_-_-_-_-_-_-_-_-_-_-_-_-_-_-_-_-_-_-_-_
في الليل ..
وصلت عمتهم وعيالها .. الي عندها ثلاث بنات واربع اولاد ..
محمد : 27 سنه ..
ناصر : 23 سنه ..
منال : 20 سنه ..
رهف : 18 سنه ..
ياسر : 16 سنه..
جهاد : 9 سنوات ..
ماريا : 5سنوات..
_-_-_-_-_-_-_-_-_-_-_-_-_-_-_-_-_
منال تحضن رغد : أخبارك يا دبه شتقنا لك ..
رغد : لو مشتاقه لي جد كان جيتوا بيتنا ..
منال : والله اشغلتنا هذي الجامعه ..
رغد : اقول لا تتعذرون .. هذا تروحون حق ليلوه ..
منال : طيب حتى أنتي ما تزورينا .. ولا تجين بيتنا ..
رغد : شفتكم قاطعيني .. قطعتكم ..
ليلى : طيب خلاص .. باقي اشوي وكل واحده تعطي الثانيه كف ..
منال : مستحيل .. رغد حبيبت قلبي مستحيل ارفع يدي عليها ..
رغد : فديتك .. رهف ..
رهف : هلا ..
رغد:شنو فيك ساكته ..؟
رهف : ما فيني شي ..
ليلى : رغد يعني انتي ينقالك ما تعرفين ان بنت عمتك ما تحب تتكلم .. وشعارها في الحياه خير الكلام ما قل ودل ..
رهف صارت خدودها حمر .. لانها ما تحب احد يتكلم عليها .. هي كثير حساسه وخجوله ..
رغد : ما راح عنك هل خجل الي بيذبحك ..
منال : أقول خلوا أختي في حالها .. لا حد يكلمها ..
الا ينط في وسطهم جهاد ..
جهاد : شنو تقولون ..؟
منال : جهادوه شنو تسوي هنا ..؟
رغد : أنت الحين ما كبرت المفروض تجلس مع الرجال ..
جهاد : هناك زهق .. ابوي وخوالي يهذرون في شي ما افهمه ..
ليلى : اجلس مع الشباب ..
جهاد : مالت عليهم .. واحد نايم .. والثاني على التي في .. والثالث جالس على الجوال .. والرابع بعد نايم .. والاخير جالس على الابتوب ..
ليلى : طيب روح نام مع الي نايمين ..
جهاد : لا والله أنا جاي استانس ولا أنام .. يلا قوموا معي ..
منال : وين ..؟
جهاد : قوموا لعبوا معي كوره ..
رغد : ويع .. ويع ..
منال : روح العب لحالك ..
جهاد : اوووف منكم .. طيب أنا جايع ..
رغد : شايف وحده منا مهتما اذا أنت جايع ولا لا ..
جهاد : لا..
ليلى : أجل طس عنا ..
جهاد : بجلس على قلوبكم .. كملوا سوالف .. شفيكم سكتوا ..
منال : روح أنقلع عني .. أحس ما افقع وجهك ..
جهاد : تكفون خلوني جالس معكم .. والله زهقان .. حتى النتفه ماريا نايمه ..
رهف : حبيبي .. تعال معي ..
جهاد : وين ؟؟
رهف : المطبخ .. أنا مسويه كيكه راح تاكل أصابعك وراها ..
جهاد نط بفرح .. وسبقها للمطبخ ..
ليلى : جيبي لنا معكم .. اوك ؟
رهف : من عيوني ..
ليلى : تسلم عيونك ..
رهف لحقته .. وطلعت الكيكه وصارت تقطعها ..
جهاد : حطي لي أكبر قطعه ..
رهف : بحط لك أكبر قطعتين شرايك ..
جهاد : والله أنتي أحسن أخت في العالم ..
رهف : فديتك ..
جهاد خذ صحنه وراح لعند الرجال ..
محمد : كأني أشم ريحت أكل .. جهاد شنو عندك ..؟
جهاد : كيكه ..
محمد : تعال عطني منها ..
جهاد : لا ..
محمد : تعال لا ادوس بطنك الحين ..
جهاد : بس بعطيك قطعه صغيره ..
وعطاه ..
جواد : وحنا ما لنا نصب ..
جهاد : تبغون روحوا قولوا للبنات يجيبون لكم ..
جواد : مين الي مسويتها ..؟
جهاد : رهوفتي ..
جواد : طيب روح قول لرهوفتك عمك جواد يبغي كيكه ..
جهاد : ما ني رايح ..
محمد : خلصنا روح قول لهم احنا ميتين جوع نبغي شي تعبي بطنا فيه ..
جهاد : روحوا انتوا قولوا .. انا مشغول ..
محمد : مشغول في شنو حبيبي ..
جهاد : مشغول في الاكل ما تشوف ..
محمد : جهااااااد روح جيب ..
ناصر صاحى من النوم : اوووووهوووو .. علينا .. الواحد ما يعرف ينام عدل معكم ...
جواد : نام أحد ماسكك ..
ناصر : كيف أنام على أزعاجكم ..
محمد : هذا ياسر نايم .. اسمع صوت شخيره ..
جواد : هذا حتى لو يجي زلزال ما يجلسه ..
محمد : جهااد ..
جهاد وهو يتلذذ بالكيكه وهذا الشي قهر محمد أكثر
جهاد : نعم .. ؟!
محمد : قوم جيب لي ..
ناصر عصب وخذ جواله ودق على منال ..
منال : هلا والله ..
ناصر : مين فيكم مسوي الكيكه الي عند جهاد ..
منال : هذي رهف ..
ناصر : خليها تجيب حق محمد وجواد ازعجونا .. كانهم ما عمرهم شافوا كيكه ..
منال : من عيوني ..
رغد : شفيهم ..؟
منال : محمد وجواد يبغون كيكه ..
رهف : الحين أودي لهم ..
منال : محمد من يشوف أكل قال يبغي حتى لو أنه مأكل وشبعان .. وشكل جواد مثله .. صح ؟!
ليلى : لا جواد اصلا ما يحب الكيك عريبه هل مره قال يبغي ..
منال : رهف روحي سرعي ودي لهم .. قبل ما ياكلون جهاد ..
وراحت رهف وحطت لهم من الكيك .. ودقت على محمد علشان يجي يخذهم ..
محمد : امممممم .. والله يالبى اليد الي سوتها ..
رهف : يسلمو ..
محمد : هذا كل لي أنا ..؟
رهف : لا عاد مو كل لك أنت عط الشباب الي معك ..
محمد : لاحول .. وانا الي اقول اني اليوم باكل شي عدل ..
رهف : عاد انت لا تصير طماع ..
محمد : كيف ما تبغيني اطمع وانا اشوف هذا الاكل الحلو .. والله تسلم يدك ..
رهف : خلاص ترى استحي .. يلا روح ..
محمد يضحك : خلاص بروح لا تموتين علينا ...
وراح عند الشباب ..
جواد : يا سلام .. الصراحه ما شاء الله على أختك ..
محمد : الحين شفيك أنت رزية وجهك ..؟
جواد : ليش مو ناوي تعطيني ..؟
محمد : لا .. هذا لي أنا الحالي ..
جواد : اوما عاد .. كل هذا لك ..
محمد : خل أختك تسوي لك ..
جواد : يعني شلون بتعطيني ولا لا ..
محمد : أمسك كسرت خاطر .. شباب ترى حتى انتوا معزمين ..
ناصر : خلها لك أنا ما ابغي ..
محمد : وأنت معاذ ما تبغي ..
معاذ ما رد عليه .. وكمل طقطقه على الجوال ..
محمد : والله بكيفك أنتوا الخسراني ..
جواد : والله أختك جيده حيل في الطباخ .. تزوجني ياها ..؟
محمد ضربه على راسه : أقول ضبط حالك ..
جواد : نمزح يا أخي .. ما قلنا شي ..
محمد : شرايكم نلعب بلوت ..
جواد : حلو ..
محمد : نويصر تعال ألعب بلوت معنا ..
ناصر : بنام ..
جواد : لك ساعه وأنت تقول بتنام ..
محمد : تعل بس ألعب بعدبن روح نام ..
ناصر : أمري لله بلعب معكم ..
جواد : نناقصنا واحد .. معاذ تلعب ..
معاذ : لا .
محمد : تعال ألعب بدل هل المغازل ..
معاذ : ماني لاعب مع أحد ..
جواد : خله يولي جلس ياسر خله يلعب ..
ناصر : تبغون ياسر يقتلكم .. ياسر الي يجلسه من النوم يصير عدوه ..
محمد : يا بو محمد ..
بو محمد لف على جهت الشباب ..
محمد : يبه ..
بو محمد : نعم ..
محمد : ما ودك تجي تلعب معنا بلوت ..
بو رغد : والله أنكم فاضين ..
ناصر : أكيد فاضين .. يعني تبغي تقنعني أنك أنت الحين مشغول ..
محمد : خالي شرايك تترك السوالف الي ما منها فايده وتجي تلعب معنا بلوت ..
بو رغد : شنو قلت ..؟
محمد : اقول ناقصنا لاعب ما ودك تجي تكملنا ..
بو رغد : لا ..
محمد : أنت الخسران .. بو محمد .. شنو قلت تجي تلعب ..؟
بو محمد : والله ودي ..
بو رغد : من جدك .. ؟
بو محمد : والله من زمان ما لعب بلوت .. خلنا نشوف اذا ما نسينا العب ..
بو معاذ : الحين أنتوا ما تستحون على وجهكم ..
جواد : ليش يبه ..؟
بو معاذ : ما عزمتوني ..
محمد : والله يا خالي ما توقعتك تبغي تلعب معنا ..
بو محمد : نويصر قوم خل خالك يجي بدالك ..
محمد : أحلى .. كذا راح يصير تحدي اثنين شباب .. واثنين شياب ..
بو رغد : أحد قالك أنك ما تستحي على وجهك ..
محمد : أنت يا خالي .. طيب ولا تزعل .. اثنين شباب و اثنين شباب كبار ..
بو معاذ : جيب الورق خلني أوزعهم ..
محمد : تفضل ..
جهاد نط لهم : طيب لعبوني أنا بعد ..
محمد : أنقلع .. تراني حاقد عليك ...
بو محمد : ما عليك منه .. العبه الثاني نطرده ونجلسك مكانه ..
جهاد : يحيا العدل ..
وبدأوا العب .. وصاروا يلعبون .. وفلوها وناسه وضحك ..
_-_-_-_-_-_-_-_-_-_-_-_-_-_-_-_-_-_-_-_-_
اليوم الثاني .. بيت بو سعد ..
البيت كان هادي .. مثل أيام أول قبل ما تتعرف على معاذ .. جدها يفطر .. وهي ترتب البيت بهدوء .. لو هنا معاذ كان الحين جالس يطالع التي في وكل دقيقه علق أن ما فيه شي حلو .. وصوت جواله الي ما يسكت .. وكل دقيقه يقول لها ما تعبين أنتي من الشغل والتنظيف .. صارت تتذكره وتتسائل شنو جالس يسوي الحين .. طالعت الساعه شافتها 9 .. يمكن يكون نايم الحين .. تذكرت شكله وهو نايم وبتسمت ..
بو سعد : شفيك .. جالسه تتبسمين ..؟
جنى حست على نفسها وانحرجت : ولا شي ..
بو سعد : والله شتقت لهذي الضحكه .. جعلها دوم ما تفارق فمك .. جنى هل الأسبوع أحس نفسيتك مرتاحه .. صح ..؟
جنى : صح ..
بو سعد : بعد لو نفتك من هل العله معاذ .. ترجع بنتي جنى الي أعرفها ..
جنى أنقبض قلبها من فكرة أن معاذ ممكن يوم من الايام يتركها .. خافت من هذي الفكره .. هي صحيح في البدايه تمنت أنه يموت وتفتك منه .. بس الحين بعد ما تعودت على وجوده يمها .. تعودت على كلمة هذي زوجتي الي دايم يقولها اذا تخانق مع جدها .. خافت تفقد بعد ما صار يحتل مكان في قلبها .. أول ما تبغيه بعد الي سواه فيها .. الحين تبغيه لو يعذبها ويقتلها في اليوم الف مره .. ادمنة لمسته .. عشقت صوته .. وحبت وجوده يمها ..
بو سعد : جنى ..
جنى : نعم ..
بو سعد : تعالي جلسي في موضوع أبغيك فيه ..
جنى : حاضر " وجلست " .
بو سعد : أنا كنت موفر 30 الف للوقت الي نحتاجهم فيه .. وامس كلمة واحد من الناس الطيبه وقلت له عن الموضوع وقال أنه ممكن أنه يسلفني 50 الف .. وجارنا قال أنه راح يقول لولده يسلفنا 20 الف .. وبكذا دبرنا المبلغ كله .. مجرد ما يعطوني الفلوس ..
جنى قاطعته : تبغيني انفصل عن معاذ ..
بو سعد ستغرب .. حس أن وجها فجأه قلب أصفر ..
جنى : لا يبه أنا ما ابغيك تدين ريال واحد .. بعدين أنا ما ابغي انفصل عنه ..
وقامت ودخلت غرفتها .. وهي ما ستكه قلبها الي بيخنقها ..
بو سعد .. كان يفكر أنها ما تبغي تنفصل عن معاذ علشان ما تبغيه يدين من أحد .. ما يدري ان سببها مختلف .. عن هذا السبب .. " سببها قلبها " ..
_-_-_-_-_-_-_-_-_-_-_-_-_-_-_-_
في الشاليه ..
كانوا يفطرون كلهم .. ما عدا معاذ الي كان سهران الي الفجر .. ويحس داخله بركان بينفجر من العصبيه والتوتر .. عقله كل دقيقه يروح عند جنى .. حتى رجوله تبغيه يقوم من عنده ويروح لها .. طول الليل وهو يقاوم فكرة أنه يبغي يشوفها .. محتاج يلمها .. يعصرها بين ضلوعه .. يروي عطشه من شفايفها .. يتنفس أنفاسها .. يشم عطر جسمها .. يسرح في عيونها الي دايم غرقانه من الدموع .. فما قدر ينام الا الفجر ..
بو معاذ : وين معاذ ..؟
جواد : نايم ..
بو محمد : الي الحين نايم .. ؟
ناصر : هو نايم الفجر ..
محمد : أي صح أحنا جلسنا نصلي الفجر وهو توه ينام ..
بو معاذ : جواد روح جلسه ..
جواد : يبه ارحمني راح يعصب علي .. امس مزاجه كان معكر حده ..
بو معاذ : روح جلسه واذا عصب قوله ابوي قالي ..
جواد قام .. وراح للغرفه الي نايم فيها معاذ ..
جواد : معاذ قوم ..
فجأه سمعه يهمس بشي .. قرب منه اكثر علشان يسمع شنو يقول ..
جواد : معاذ .. اصحى ..
معاذ : جنى ..
جواد صار يهزا : معاذ قوم انا جواد مو جنى ..
معاذ صحى : اوف شنو تبغي ..؟
جواد : أبوي يقول لك اصحى ..
معاذ : لاحول ولا قوه الا بالله .. ما تخلوني الواحد يرتاح ..
وقام وتوه بيدخل دورة المياه " وانتوا بكرامه " ..
جواد : الا معاذ مين هذي جنى .. وحده من خوياتك ..
معاذ طالعه باستغراب : نعم ..!
جواد : لما جيت أجلسك كنت تقول .. جنى .. آآآآآه يا جنى .. جنى .. الي هذي الدرجه معذبتك ..
معاذ : بتسكت ولا شلون ..
جواد : احمد ربك اني انا الي جيت اجلسك مو احد ثاني .. تخيل ابوي يجي يجلسك ويسمعك تقول كذا والله ليعلقك في حبل المشنقه ..
معاذ دخل دورة المياه ولا عطاه وجه .. بس من داخله كان محتار من حالته كيف تعلق فيها في هذا الوقت القصير .. كيف صارت تسكن احلامه .. شكلها تبغي تعذبه حتى لو كان في الحلم .. شكل هذا عقابي بعد الي سويه فيها .. ينحكم علي بسهر والارق من التفكير فيها ..
جواد انسدح على السرير وجلس يطالع في جواله .. وفتح قائمة الاسماء .. وجلس يطالع في رقم واحد .. رقم هتان .. مر اكثر من شهرين والي الحين مو قادر ينسى اعز انسان له .. لا شعورين سوى اتصال .. بس الرقم مغلق .. الي متى راح يجلس دق على رقمه علشان يقتنع انه خلاص ما راح يشوفه .. متى راح يتقبل حقيقه ان هتان مات .. كل مره يفكر يمسح الرقم يتراجع .. وبدل ما يمسحه يتصل .. ليش يصير فيه كذا .. ليش مو قادر ينسى .. ليش مشتاق له حيل .. ليش انسى كل يوم انه مو موجود .. وانه راح من غير رجعه .. ليش كل يوم اجلس من النوم اتوقع انه يدق مثل العاده ..
_-_-_-_-_-_-_-_-_-_-_-_-_-_
عند البنات ..
ليلى كانت جالسه في الغرفه لوحدها وتكلم جوال ..
ليلى : حبيبي لازم اسكر الحين ..
سلطان : طيب ليش ..؟
ليلى : والله خايفه احد يدخل علي ..
سلطان : بس أنا مشتاق لصوتك .. أحبك ..
ليلى : حتى أنا احبك .. بس انت تدري صعب اكلمك الحين .. انا مو في البيت .. وممكن احد يدخل علي .. ويسمعني اكلمك ..
سلطان : ياربي متى أقدر اخليك لي انا وبس ..
ليلى : انا لك أنت وبس ..
سلطان : فديتك ..
الا انتبهت ان عندها مكالمه ثانيه من جواد ..
ليلى : أخوي يدق علي أكلمك بعدين باي ..
وسكرت وردت على جواد ..
ليلى : هلا والله ..
جواد : اهلين .. ليلى شنو عندك الحين ..؟
ليلى : ولا شي .. ليش ..؟
جواد : تعالي غرفتنا ..
ليلى : يؤيؤيؤ .. ما في احد يمك ..
جواد : ما في الا انا ومعاذ يسبح .. والباقي برى .. بسرعه تعالي ما عندي رصيد ..
وسكر ..
ليلى صارت تطالع الجوال باستغراب .. شنو يبغي منها جواد .. فتجهت لقسمهم ..
رهف : وين ..؟
ليلى : بروح قسم الاولاد .. دقايق وراجع ..
رهف : ليش ما في احد .. ؟
ليلى : لا كلهم برى شكلهم جالسي في الجلسه الخارجيه .. برجع بسرعه ..
وراحت .. ودخلت غرفة جواد ومعاذ .. شافت جواد منسدح على السرير ..
جواد : شفيك تطالعين .. تعالي دخلي ..
ليلى : فيك شي ..؟
جواد : لا ..
ليلى : تبغي شي ..؟
جواد مل من التفكير في هتان فقرر يلهي نفسه : كنت ابغي اطلعك ..
ليلى : وين ..؟
جواد : أنا ابغي رصيد .. فبروح السوبر ماركت قلت يمكن تبغين تروحين معي ..
ليلى : من جدك بطلعني ..؟
جواد : أي ليش شنو فيها ..؟
ليلى : غريبه هذي اول مره تقول تبغي توديني مكان من غير ما اقولك ودني ..
جواد : طيب تبغين تروحين ولالا ..
ليلى : اكيد ابغي اروح ..
الا فجأه أحد يفتح الباب عليهم ..
نهاية البارت الثاني عشر ..
ليست هناك تعليقات:
إرسال تعليق