رواية لمن أشكو حبيبي ! / بقلمي

لمن ... أشكو حبيبي !

* سأبوح لكم بسر مثير ..

في قلبي حب خطير ..

اقتحم قلبي .. دون سلاح .. دون تحطيم الأسرار أو حصون أو قلاع..

مهدت له الطريق .. أسلمته مفاتيح وجداني .. وغرقت معه في شهد لا مثيل له ..

لا تسألوني عن حبيبي ..

فهو مشغول عني .. اهتماماته أكبر مني .. وقته .. لا يتسع للرحيل معي ..

أعطيته فرصة ذهبية .. لمراجعة حساباته السلبية ..

سأرحل بعيداً عنه .. سألتقي بحبي الجديد ..

أكاد أموت شوقاً إليه .. أحلم بلحظة اللقاء .. بدوامة النظرة الأولى ..

أشعر بحريق العناق يلفحوني ..

أتحسس فوران عروقي يزلزلني .. في نعيم من القبل ..

أخاف عليه مني .. أخشى أن التهمه قبل أن اعتصره بين ضلوعي ..

سأعطيه شهداً شهياً من عمري .. فالعمر وحده لا يكفيه ..

سأعود حتما ً إلى حبيبي ..

منقول  .^_^.

-_-_-_-_-_-_-_-_-_-

اربع  سيارات من أفخم السيارات توقف في أفقر حي في المنطقة إمام عماره قديمه .. ونزلوا منهم مجموع من الشباب والبنات إلي يبدو من شكلهم أنهم صايعات ..

: ابغي اعرف إن مالقيت مكان أحسن من هذا ..

: يا أخي هذا مكان مؤقت بس هذي الفترة إلي إن الشرطة توقف مراقبة الشقة الثانية..

: بس ياحلو ممكن أهل هذا الحي يفضحونا بسرعة ..

: معاذ خلاص لا تخرب وناستنا خلنا الحين نستانس بعدين لكل حادث حديث ..

معاذ : اوووف .. اخلص فكان ادخل ليتجمعون علينا أهل الحي من منظر الصيعات المعاكم ..

: بما انك ما تحب هذي التجمعات ليش تجي معنا ؟؟

معاذ : خويلد متى سمعتني إني ماحب هذي التجمعات .. بس يا أخي نفسي مره تجيبون بنت ثقيلة شوي علشان يكون في تحدي في الموضوع .. مو من أول كلمه جات تركض ..

خالد : وليش نتعب نفسنا وعندنا شي سهل ..

أحمد : هيييي أنت وياه بدخلون ولا شلون ...

خالد يطالع معاذ : بتدخل ولا بتروح تدورلك بنت حق تتحداها ..

معاذ دخل بدون مايرد عليه ..

في الجها المقابلة لشارع رجال في 60 من العمر كان يطالعهم وهو يستغفر ربه .. بس لفت انتباها واحد منهم ..

الرجال : إن هذا الولد مو غريب علي .. مو  هذا ولد عبد الله .. ( ..... ) الي اشتغل عنده .. استغفر الله ربي وأتوب الله هذا وأبوه رجال مصلي ومؤمن ولده راعي هذي السوالف .. لا حول ولا قوه إلا بالله العلي العظيم ..

ودخل بيته ..

_-_-_-_-_-_-_-_-_-_-_-_-_-_-_-_-_-_-_

في شقه ..

خالد : الحين أنت شفيك اليوم ؟؟  مو عاجبك العجب .. قوم استانس ..

معاذ : والله مدري .. حاسس إن مصيبة بطيح على راسي .. والله هذا المكان مايطمن .. وبعدين كل البنات الي هنا مو داخلين مزاجي .. أحس أنهم قذارة ..

خالد : ترى كل بنت جبناها معانا من قبل قذارة مافي فرق إلا إن المكان اليوم بعد طالع عليهم قذر ..

معاذ : والله صح كلامك ..

خالد : يعني ماراح تخذ وحده منهم اليوم أنت ؟؟

معاذ : لا الصراحة مو جاي على بالي ..

أحمد : الحين انتوا ماعندكم شي ينشرب ؟؟

معاذ : لا ..

أحمد : والله مشتي شي يضبط راسي .. إلا ليش يا معاذ أنت ماتشرب ؟؟

معاذ : لان أحب إني أكون صاحي طول الوقت .. وانا أصلا احتقر الي يسكر ترى الفرق بينا وبين الحيوانات هو نعمة العقل إذا راحتي صرنا منهم ..

خالد : اوووف منك أنت اليوم صاير من جد ممل ... أقول أنا روح اخذ لي واحد من المزز الي يمنا أحسن من مقابل وجهك ..

أحمد : وانا بعد شنو يجلسني ..

ويقومون ويخلون معاذ لوحده جالس يطقطق على الجوال ..

كلها كم دقيقه وقربت منه وحده من البنات الموجودين .. وكانت لابسه بدي شفاف يبين كل شي و شورت يعني ملابس ماتستر كثر ماتفضح ..

البنت : هاي ..

معاذ مارد عليها وكمل طقطقه على الجوال ..

البنت : عاد لا تتغلى علينا ..

معاذ : مزاجي مايسمح لي أتعامل مع إشكالك الحين ..

البنت : افااا .. ترى اشكالي يعرفون يريحونك على الأخر حبيبي ..

معاذ : ياسلام .. ومين قالك إني ابغي ارتاح ..

البنت : والله أنا شفتك شكلك مهموم وتعبان .. قلت أجي أريحك على طريقتي ..

معاذ : روحي ذلفي عن وجهي ماني فاضي قلتلك ..

البنت : مالت عليك وعلى الي يجيك لا تتوقع بس الانك حلو بتترفع علينا .. لا ياعمي تراني إلف واحد يتمنا نظره من عيوني الحلوة ..

معاذ : ههههههههه إي باين .. أقول انقلعي ..

البنت راحت وهي معصبه ..

_0_0_0_0_0_0_0_0_0_

معاذ << 22سنه شاب مستهتر بحياته ماخذ الحياة لعب ووناسه وبس .. راعي بنات وصياعه على الأخر .. جسمه رياضي ووسيم على الأخر .. أبوه صاحب شركات كبيره وغني الي أخر درجه .. أمه إنسانه أنانيه ماتحب إلا مصلحتها علشان كذا ماعرفت تربي عيالها عدل ..

_0_0_0_0_0_0_0_0_0_

في البيت قريب من العماره ..

: شفيك ياجدي ؟؟ من جيت وأنت مو على بعضك ؟؟

الجد : والله مدري شنو أقولك استغفر الله ربي وأتوب إليه .. والله اليوم وانا داخل البيت شفت شي مايسر .. جنى ..

جنى باستغراب : شنو شفت ؟؟

الجد : والله هذا الشي ماينقال .. شفت شلت شباب صيع داخلين البناية قريبه من البيت .. معاهم استغفر الله .. استغفر الله .. بنات ..

جنى : استغفر الله .. والله الدنيا اختربت .. أنت ارتاح ولا عليك منهم ياجدي إحنا مو قد مشاكل ..

الجد : بس المشكلة إني اعرف أبو واحد منهم ..

جنى : أبو واحد منهم ؟؟

الجد : إي واحد منهم يكون ولد صاحب الشركة الي اشتغل فيها .. والله أبوه واحد يخاف ربه .. شلون ولده يصير كذا !!

جنى : لا حول ولا قوه إلا بالله العلي العظيم .. جدي مثل ماقلتلك إحنا مالنا دخل .. يكفينا مشاكلنا مانبغي مشاكل زيادة ..

الجد : مدري كيف راح أقابل أبوه بكره والله قلبي مايطاوعني إني أشوفه وانا ادري إن ولده يغرق في بحر المعاصي على الأقل أقوله علشان يمنعه عن بنات الناس ..

جنى : لا ياجدي هذولا ناس كبار إحنا مو قدهم يمكن يكون هو يدري بشي الي سويه ولده وبكذا راح يطردك من الشغل وحنا محتاجين للريال .. طاوعني ياجدي ماعليك منهم ..

الجد : طيب ..

_0_0_0_0_0_0_0_0_0_

جنى <<< 19 سنه .. بنت طيوبه وحبوب وتخاف ربها .. جميل حيل ونعوميه الي ابعد درجه تتميز بشعرها الطويل البني وعيونها العسلية الواسع وجسمها المخصر .. ماتوا أهلها في حادث سيارة وهي عمرها 10 سنين ومابقى لها إلا جدها الي رباها وعتنى فيها .. وهو يشتغل في شركة بو معاذ يصب القهوة ويهتم ببعض الأمور الي يقدر عليها ..

_0_0_0_0_0_0_0_0_0_

في اليوم الثاني في شركة أبو معاذ ..

بو معاذ : ناصر وين الملف الي قلتلك جيبه ؟؟

ناصر : هذا هو ياطويل العمر .. وهذي الأوراق تحتاج توقيعك ..

بو معاذ : حطهم خلني أقراهم أول .. يلا تقدر تروح لمكتبك .. وخل بو سعد يجيب لي القهوة ..

ناصر : حاضر طال عمرك ..

_-_-_-_-_-_-_-_-_-_-_-_-_-_-_-_-_-_-_

بعد ربع ساعة دخل بو سعد ( جد جنى ) وهو يشل صينية القهوة ..

بو سعد : قهوتك طال عمرك ..

بو معاذ بابتسامه : شخبارك اليوم ؟؟

بو سعد : والله نحمد الله ..

وجي بيحط القهوة على الطاولة بس يده هتزه وطاحت القهوة ..

بو سعد : أنا سف طال عمرك ..

بو معاذ : بو سعد شفيك اليوم ؟؟ هذي أول مره تطيح عليك قهوة ؟؟ أنت فيك شي ؟؟ تعبان مريض ؟؟

بو سعد : شكلي خرفت من الكبر ..

بو معاذ : لا تقول كذا .. تعال خل الي في يدك واجلس ارتاح ..

بو سعد : لا مايحتاج .. أكيد أنت عندك شغل كثير مابغي أعطلك ..

بو معاذ : والله ماتروح .. إلا لما تجلس وتقولي أنت شنو فيك اليوم شنو الي شاغل مخك اليوم ؟؟

بو سعد جلس وهو محتار شنو يسوي مو قادر يطالع بو معاذ في عيونه ووده يقوله عن ولده ..

بو معاذ : يلا قولي شنو فيك ؟؟ محتاج شي ناقصك شي ؟

بو سعد : لا والله طالع عمرك خيرك مكفينا وزيادة ..

بو معاذ : اجل شنو فيك ؟؟ ولا تقول مافيك شي .. واضح إن فيك شي .. يلا قول ..

بو سعد : استغفر الله .. والله مدري شنو أقولك طال عمرك ..

بو معاذ : قول الي فيك ..

بو سعد وهو محتار يقول له ولالا : الصراحة أمس شفت ولدك ..

بو معاذ باستغراب : ولدي أنا معاذ ؟؟ !! وين شفته ؟؟

بو سعد : في حارتنا ..

بو معاذ وزادت حيرته : وشنو يسوي في حارتكم ..

بو سعد : ......

بو معاذ : تكلم يا بو سعد شنو يسوي ولدي في حارتكم ؟؟

بو سعد نزل رأسه : كان داخل عماره هو ومجموعة شباب و ووو..

بو معاذ : و شنو ؟؟ تكلم !!

بو سعد : ومعاهم بنات ..

بو معاذ : أنت شنو جالس تقول ؟؟

بو سعد : والله هذا الي شفته ياطويل العمر ..

بو معاذ وهو في حالت صدمه من الكلام الي سمعه : ولد أنا مع بنات .. ولدي أنا ..

وجلس يتذكر إن ولده مانام أمس في البيت ولما طلع من البيت اليوم هو مارجع ..

بو معاذ وهو يصارخ : ناااااصر يا نااااااااصر ..

دخل ناصر يسرع : نعم طال عمرك ..

بو معاذ : شنو عنوان العماره ؟؟

بو سعد في قلبه الله يستر : حي ..... شارع ....... مافي إلا عماره وحده ..

بو معاذ يكلم ناصر : اسمع أبغيك تروح لهذي العماره وتدور لي على شقه يكون فيها ولدي معاذ ولا تجي إلا وأنت جايبه معاك فاهم ..

ناصر وهو مستغرب : حاضر طال عمرك ..

بو معاذ : شنو تنتظر الي الحين تحرك روح سو الي قلتلك عليه ..

وطلع ناصر يسرع ..

بو سعد بخوف : طال عمرك اقدر أروح لشغلي ؟؟

بو معاذ بعصبيه وهو مو منتبه على نفسه : لا اجلس الي إن نشوف صحت الكلام الي قلتله ..

بو سعد في قلبه لاحول ولا قوه إلا بالله العظيم لو إني سامع كلام بنتي جنى أحسن لي من هذي المشكلة الي حطيت نفسي فيها .. والله إن نطردت من الشغل راح نام أنا وجنى في الشارع .. الله يستر بس ..

_-_-_-_-_-_-_-_-_-_-_-_-_-_-_-_-_-_-_

بعد نص ساعة في العماره ناصر ماخلى باب ما دق عليه وهو يدور معاذ الي إن جي الشقة الي فيها معاذ .. وطق الباب ..

خالد صحى من النوم : اوووه ..

البنت الي يمه : مين الي جاي هذا الوقت ؟؟ ليكون الشرطة .. أنت روح شوف افتح الباب بسرعة ..

خالد فز من مكانه خايف وراح صوب الباب وبتردد : مين ؟؟

ناصر : ممكن تفتح الباب ياخوي ابغي اسئلك سؤال بس ..

خالد فتح الباب بشويش : نعم شنو بغيت ؟؟

ناصر : أنا أدور ...

في هذا الوقت خالد فتح الباب كله وبان الي داخل كانوا بنات مع أولاد نايمين يم بعض ..

ناصر اشمئز من النظر الي شافه ولف وجهه : أنا أدور واحد اسمع معاذ عبد الله ...(  .. ) هو موجود ؟؟

خالد : وأنت شنو تبغي فيه ؟؟

ناصر : مو شغلك أنا شنو ابغي فيه .. بس قلي هو موجود ولالا ؟؟

إلا في هذي ألحظه جاه معاذ وهو يفرك عيونه من النوم : خويلد مين على الباب ؟؟

ناصر أول ماشاف معاذ عرفه لأنه كذا مره جى الشركة : معاذ ..

معاذ : نعم !!؟؟

ناصر : أبوك يبغاك ممكن تجي معاي ؟؟

معاذ بصدمه : ابوووووووووووي .. كيف وشلون ؟؟

ناصر : لو سمحت تعال معاي لأنه ينتظرك ..

معاذ مو عارف شلون يتصرف .. وصار يفكر كيف أبوه عرف انه هنا كيف كيف ؟؟

معاذ : خلاص أنت روح وانا بجي بسيارتي ..

ناصر : أسف طويل العمر قالي ماارجع إلا معاك .. يعني ممكن تتفضل معاي أنت بسيارتي وانا بخلي احد من الشركة يجي يطيب لك سيارتك ..

معاذ ماحب يعاند أكثر وراح معاه ..

_-_-_-_-_-_-_-_-_-_-_-_-_-_-_-_-_-_-_

في مكتب بو معاذ ..

دخل معاذ ..

بو معاذ والشرار يطلع من عيونه : يعني صحيح الكلام الي سمعته ..

وراح لمعاذ وعطاه كف خلى خده يصير احمر ..

معاذ بصدمه : يبه ..

بو معاذ : ولا كلمه مابغي اسمع منك شي .. يلا بسرعة طلع لي مفاتيح السيارتين ..

معاذ : ليش ؟؟

بو معاذ بصراخ : قلتلك طلعهم بسرعة ..

معاذ طلع المفاتيح وسلمهم أبوه ..

بو معاذ : ومن بكره أبغيك تجي وتداوم بشركه .. وكل يوم ترجع البيت قبل الساعة 9 .. ولا ترى والله أنا أسلمك لشرطه وأقول خذوه تراه صايع ..

معاذ أنقهر من قلب ..

بو معاذ يكلم بو سعد : وأنت يابو سعد مشكور وما قصرت .. تقدر تروح بيتكم الحين ترتاح لك هذا اليوم ونشوفك بكره على خير  ..

بو سعد : حاضر طال عمرك ..

وطلع ..

بو معاذ يكلم ولده : وأنت  تروح البيت الحين على طول خليني أدق على البيت ويقلون لي انك مو موجود ..

معاذ وهو منزل رأسه : بس ماعندي سيارة ..

بو معاذ : اخذ لك تكسي .. إي صحيح ذكرتني .. عطني بطاقة البنك حقتك ..

معاذ : ليش ؟؟؟ هذا كثير عاد ..

بو معاذ : وأنت الي سويته قليل .. بسرعة طلعها ..

معاذ هو يعطي أبوه البطاقة : طيب وإذا كنت ابغي اشتري لي شي ...

بو معاذ : تجي لي وتقولي شنو هذا الشي الي تبغيه وانا احكم إذا هذا ضروري ولالا .. يلا انقلع ..

معاذ طلع وشر راكب رأسه .. وشاف ناصر في وجهه ..

معاذ : هي أنت ..

ناصر : نعم ..

معاذ : أنت تعرف مين قال لأبوي عن مكاني ؟؟؟

ناصر : بيت بو سعد قدام العماره شافك وأنت داخل العماره وجى وقال لأبوك ..

معاذ : الحين هذا الحمار مشى ولا لسى ؟

ناصر : مشى ..

معاذ راح يصرعه .. ووقف أول تكسي شافه ..

_-_-_-_-_-_-_-_-_-_-_-_-_-_-_-_-_-_-_

بو سعد توه واصل البيت وفتح الباب وجى بيدخل إلا بسيارة تكسي توقف .. وينزل منها معاذ ويجي يسرع لابو سعد ويمسكه من ثوبه ويرميه داخل البيت ويدخل ..

معاذ بصراخ : يا كـ## يا حيـ ### .. مسوي فيها انك مدين وتروح تقول لأبوي .. ابغي اعرف أنت شنو يدخلك .. شنو ستفدت لما قلتله هاااا .. تكلم قول ؟؟

بو سعد كان مرمي على الأرض من ضربت معاذ ..

معاذ : تكلم شنو يدخلك تقول لابوى ؟؟

ويرفس بو سعد برجله ..

معاذ : تكلم قبل لااطلع حرتي فيك  وأقتلك ..

بو سعد : هذا جزاتي إني ابغي مصلحتك وابغي أساعدك !!

معاذ : واحد شكاك الحال ؟؟ أنا قلتلك تعال ساعدني ؟؟ أنا واحد متاح كذا ..

بو سعد : أنت ماتعرف مصلحتك ..

معاذ يضربه مره ثانيه : انطم ولا كلمه .. والله إن ماسويت ديتك سوده ماكون معاذ ولد عبد الله ..

جنى أسمعت صوت صوت واحد يصارخ فخافت وراحت تشوف شنو صاير .. إلا تشوف كذا الشاب الي يضرب جدها .. بدون ماتحس أنها مو لابسه عبأتها .. راحت تسرع لجدها ..

جنى : وخر عن جدي يا حـقـير ..

ولاحت حضنت جدها .. الي كان يتألم حيل من ضرب معاذ له ..

معاذ أول ماشافها تجمد الدم في عروقه .. هذي أول مره يشوف ملاك في صورت إنسان ..

جنى : اطلع برا .. اطلع برااااااااااااا ..

معاذ انتبه لنفسه وجى يكمل ضرب بو سعد بس جنى وقفت قدامه بسرعة وعطته كف .. هنا معاذ لا شعورين امسكها من شعرها وضربها في الجدار ..

بو سعد : بس وقف حدك .. ياكلب .. ماحترمت الشيب الي في راسي ولا حترمت إني اكبر من أبوك ولا حترمتني وأنت واقف في بيتي .. بس تجيك الجرائه  وتضرب بنتي قدامي لا هذا كبيره .. اطلع بره لاتصل على الشرطة يجون يأخذونك أو الم عليك رجال حارتنا يا صايع .. يلا برا ..

وقام بوسعد وسحب معاذ من ثوبه وجره برا بيته بدون مقاومه من معاذ الي كان يفكر هو شنو سوى ..

بعد مامشى معاذ راح بو سعد وشال جنى ودخلها ..

جنى : مين هذا الحقير ياجدي ؟؟ وليش يتجرأ ويضربك في بيتك ؟؟

بو سعد : هذا الي قلتلك عنه أمس ..

جنى : الصايع الي تعرف أبوه ؟؟

بو سعد : إي ..

جنى : هذا الواطي .. وليش جاي بيتنا النذل الحقير ..

بو سعد : أنا ماتحملت أطالع أبوه بدون ما أقوله عن حراكات ولده .. وأبوه ماقصر فيه ..

جنى وهي تطالع جدها بحنيه : مو أنا قلت لك مالنا دخل فيهم .. يعني حلو الي صار لنا اليوم من هذا النذل ..

بو سعد : أنا أسف إني أعرضتك لموقف مثل هذا .. سامحيني يابنتي ,,

جنى : لو أنت الي تعتذر ياجدي ..

بو سعد : الله يخليك لي ولا يحرمني منك ..

_-_-_-_-_-_-_-_-_-_-_-_-_-_-_-_-_-_-_

في اليوم الثاني في شركه بو معاذ ..

معاذ جالس في المكتب الي عطاه أبوه وجالس يسمع ناصر وهو يعلمه على الشغل .. ومعاذ متملل ولاهي عنده

ناصر : انتبه علي شوي ..

معاذ : اوووف متى راح تسكت .. وتخليني في حالي ..

ناصر : بس أبوك موصيني أعلمك كل شي ..

معاذ : وانا ماابغي أتعلم إي شي .. أخي فك عني ..

إلا يرن جوال معاذ ..

معاذ : هلا والله بوجه النحس ..

خالد : أوف أوف .. شفيك ؟؟

معاذ : قول شنو الي مافيني ؟؟

خالد : هاا بشر شنو صار لك أمس ..

معاذ : تو الناس تسأل شنو صار ..

وقاله كل السالفة ..

خالد : بل بل بل .. والله انك رحت فيها ..

معاذ : بس أنا لسى مابردت حرتي من الكلب بو سعد ..

خالد : كل الضرب الي ضربته .. وضربت بنته ولا بردت حرتك .. كيف ناوي تبردها إن شاء الله ليكون ناوي تقتله مثلا ..

معاذ : أنا الي الحين مابعد أفكر ..

خالد : مو تقول إن عنده بنت .. خلاص روح واغتصبها وبكذا راح تحط رأسه في التراب الي الأبد .

معاذ : والله انك جبتها ..

خالد منفجع : هاااا ياغبي تراني امزح ..

معاذ : يلا يلا مع السلامه أكلمك بعدين ..

خالد : مععاذووووه ياغبي .. أعقل تراني امزح .. هذا جريمة كبيره .. خل البنت في حالها ..

بس معاذ سكر في وجهه ..

معاذ : والله فكره مو بطالة .. بنت حلوه حيل .. وبكذا اقدر أعذبه للأبد .. بس كيف ؟؟

_-_-_-_-_-_-_-_-_-_-_-_-_-_-_-_-_-_-_

 نهاية الجزء الاول ..