لمن .. أشكو حبيبي ..! الجزء الثالث ..

البارت الثالث .^_^.

قدام بيت بو سعد .. 

خالد : معاذوه فكر عدل .. ترى الي بتسوية ضرب من الجنون ..

معاذ : أنت قلتها الي بسوية أنا مو أنت .. أنت مالك دخل ..

خالد : طيب كيف راح تدخل البيت الحين ..؟؟ ولا تتوقع إن البنت راح تدخل البيت وتقولك تفضل .. حياك ..

معاذ : تطنز أنت واجهك ..؟؟!!

خالد : مدري عنك .. يلا قلي ياشاطر كيف بتدخل .. ؟؟

معاذ : أنت ماتشوف إن جدار البيت نازل .. اقدر بنطه وحده أتسلقه ..

خالد : بتخطر .. ؟؟!!

معاذ : إي ..

خالد : ماتخاف أنت .. لنفرض وأنت تتسلق شافك احد من الجيران وعلم الشرطة .. بتروح فيها ترى ...

معاذ بعدم اهتمام : أنت راقب الشارع بس ..

ونزل من السيارة وراح يسرع وتسلق الجدار بعد ماشاف إن مافي احد حوله ..

كانت جنى جالسه في الصالة تشوف التي في وكانت رافع على الصوت ومندمجة مع الفلم .. فما حست بالي دخل عليها ..

معاذ : ياسلام .. شنو جالسه تشوفين ..

جنى طاح قلبها .. وسلست تطالع في الي دخل وهي مو مستوعبه .. وتحس أنها جالسه تتخيل فصارت أو تحلم تفرك عيونها وتغمضهم وتفتحهم علشان تصحى ..

معاذ صار يضحك ضحكه كلها شر وحقد ..

معاذ : اجل أنا تعطيني كف .. ؟؟

جنى برعب : أنت ..  شلون ... " وبصراخ " شنو تسوي هنا ... اطلع برا ياحقير .. اطــــــــلع براااااااااااااااا ...

معاذ قرب منها ومسك شعرها : ماراح اطلع من هنا إلا إذا رديت لك الكف الي عطيتيني إياه ..

جنى صارت تحاول تخليه يتركها .. بس مافي فايده كان اقوى منها .. ويده قطعت شعرها ..

جنى صارت تصارخ عسى ولعلى احد ينقذها من هذا الوحش .. بس معاذ حط يده على فمها ..

معاذ : الصراحة أنتي اليوم طالعه احلى واحلى ..

جنى عضت يده .. فتركها ..

معاذ : آآآآآآآآآآي ... 

جنى : يا حقييييييييييير ..

ماتحس إلا بذاك الكف الي من قوته حست إن أذانها ترن ووجها صار نار ..

معاذ : أنتي شكلك يبغيلك تربيه من أول جديد ..

جنى : أنا الي يبغي لي تربيه ولا أنت يالي ماتخاف ربك ..

معاذ ضربها مسك شعرها مره ثانيه وقرب وجهها منه وهو يرسم ابتسامة استحقار على فمه :  انطمي خليني أعلمك مين معاذ .. الي أنتي وجدك تحديتوه ..

جنى صارت دموعها تنزل مثل السيل على خدودها : أنت مافي قلبك رحمه تتهجم على بنت .. أنت مو رجال علشان تسوي الي سويته ..

معاذ وهو يرفع شعرها أكثر لدرجه أنها صارت توقف على أطراف أصابعها : رجال غصب عن الي جابوك ولا تبغيني اثبتلك ..

جنى : والي يرحم والديك اتركني حرام الي جالس تسويه فيني ..

بس لا حياته لمن تنادي ..

بعد نص ساعة طلع وخلها مرمية بين احزانها وهمها الكبير الي خلفه لها ..

خالد بحزن وهو يطالع بيت بو سعد : سويت الي تبغي .. سويت الي في راسك .. دمرت البنت ..

معاذ : تكفى ترى راسي مصدع حدي .. اخلص امش ..

خالد : والله حرام الي سويته ..

معاذ : لاحول رجعنا لطيبت القلب .. ترى انتهى الموضوع ..

بعد ماطلع قامت وهي تحس إن كل جزء من جسمها يؤلمها من الضرب وصارت تطالع جسمها كله كيف انه صار بقع باللون الازرق .. صارت تسحب نفسها الي إن وصلت لدورة المياه ورمت نفسها تحت الماي البارد .. علشان توخر كل القذارة الي خلفها في جسمها .. بس للأسف ماتقدر .. لأنها صارت بصمه ماراح تنمسح منها طول حياتها .. صارت تبكي ضعفها .. تبكي قلة حيلتها .. أول مره تحس أنها يتيمة من جد .. أو مره تشتاق لأهلها .. لو أنهم موجودين ماصار فيها الي صار .. مع إن جدها حاول يحميها طول عمرها .. بس إلا هذي المرة ماقدر يحميها .. كان جسمها حار من اثأر الضرب .. مع إن الماي الي تنزل عليها كانت باردة حيل بس مع هذا ماقدرت تطفي النار الي فيها .. الحين شنو راح تسوي .. شنو راح تقول لجدها .. شنو راح يكون تسوي بهذي المصيبة .. شلون راح تواجه المجتمع وهي الحين بدون شرف ..

جلست تحت الماي لمدة ساعة كامله وهي تحس أنها قذرة .. بس مهما سوت مافي فايد .. طلعت ولبس ملابس تخفي كل اثأر الضرب .. ونسدحت على سريرها وحضنت صورة أمها وأبوها .. وصارت تبكي وتبكي الي إن نامت ..

_-_-_-_-_-_-_-_-_-_-_-_-_-_-_-_-_-_-_

في بيت بومعاذ ..

بو معاذ : وأنتي كل يوم يارايحه عزيمة أو عرس أو مدري شنو ..!! ماتجلسي أبدا في البيت .. على الأقل خصصي وقت لعيالك شوفيهم ..

أم معاذ بعدم اهتمام : عيالي رجال .. وبنتي هذي هي معاي وين مااروح ..

بو معاذ : لاحول ولا قوه إلا بالله .. يعني وإذا رجال ماتهتمين فيهم ..

أم معاذ : يؤيؤيؤ وأنت من تجلس في البيت فتحت لي محاضره .. يعني ماتبغيني اوجب الناس .. ولا ازور صدقاتي .. شكلك تبغيني أنحبس في البيت ..

بو معاذ :  أنا ماقلتلك انحبسي في البيت .. أنا أقولك جلسي اشوي معاي مع عيالك ..

أم معاذ : عيالي وينهم ماشوفهم جالسي في البيت أصلا .. وأنت إذا جيت ياتروح تنام أو تفتح لي محاضره وانا مالي خلق لوجع الرأس ..

إلا يدخل معاذ ..

معاذ : السلام عليكم ..

بو معاذ وأم معاذ : وعليكم السلام ..

بو معاذ : وين كنت ؟؟ وليش ماجيت الشركة ..؟

معاذ : يبه ممكن أقولك كلمه رأس بيني وبينك ؟؟

بو معاذ : مابيني كلام معاك الي إن تقول لي وين كنت ومع مين وليش ماجيت الشركة اليوم ؟؟

معاذ : كل شي بقوله لك .. بس لوحدنا ..

أم معاذ : والكلام هذا ماتعرف تقوله وانا موجودة ولا شكلي مو أمك مالت عليك .. هذا الي تبغيني اجلس معاهم .. شوف بعينك مسوي فيها أسرار مايبغي يقول لي شي ..

معاذ : والله مو هذا قصدي ..

أم معاذ : انطم ولا كلمه .. أنا خلني أقوم أتجهز حق العرس أحسن لي من مجابل وجهك .. مالت عليك ..

وطلعت ..

بو معاذ : لاحول ولا قوه إلا بالله .. استغفر الله .. يعني رضيت لما زعلت أمك ..

معاذ وهو منزل رأسه في الأرض : أنا أسف ..

بو معاذ : اخلص قولي وين كنت ..؟؟

معاذ : كنت مع صديقي خالد .. كان مسوي حادث ..

بو معاذ : سلامته إن شاء الله ماصار له شي ..

معاذ : لا جات سليمه بس خوفني عليه على الفاضي ..

بو معاذ : مايشوف شر .. وبعدين ليش ماجيت بعد ماتطمنت عليه ..

معاذ : ماقدرت اتركه تدري هذا عشرة عمر .. وهذي الدنيا نادر تلقى صديق الوفي ..

بو معاذ : طيب .. وشنو الشي الي تبغي تقوله ..؟؟!!

معاذ : على ذيك السالفة ..

بو معاذ : قصدك سواد وجهك ..

معاذ : يبه أنا ادري إني غلطت .. وانا مافي تبرير للي سويت بس صدقني إن هذي أول مره أروح فيها شقه فيها بنات ..

بو معاذ : ويعني تبغي تروح إلف مره علشان تستاهل العقاب يعني مره وحده عادي عندك ..

معاذ : لا والله مو عادي .. أصلا أنا ماكنت ادري إن الشقة فيها بنات ولا ادري إن هذا كله بيصير بس والله العظيم والي خلقني .. إني ماقربت من إي بنت مو الموجودين في الشقة ..

والله العظيم إني ماسويت شي .. أنا أول مادخلت وشفت البنات كنت بطلع بس السافل احمد الي كنت اعتبره صديقي مسكني ودخلني وأنت تدري إن الشيطان شاطر .. ودخلت بس وربي إني ما لمس ولا بنت من الي كانوا هناك .. أنا ماانكر إني غلطان .. بس ماابغيك تعتبرني إني مسوي شي لأي بنت .. والله العظيم .. جعلني أموت الحين قدام لو إني كذبت عليك بس والله العظيم مأسوي لأي بنت شي ..

بو معاذ حس إن ولده جالس يقول الحقيقة : بسم الله عليك فل الله ولا فالك .. بس هذا مايغفرلك انك ماطلعت من الشقة لا تقول لي خويك منعك .. تراك رجالك مايقدر احد يغصبك على شي ..

معاذ : وانا معترف بغلطتي .. بس إن شاء الله راح تكون أول مره وأخر مره .. بس أنت سامحني .. أبوس يدينك سامحني .. أنا مستعد أسوي العقاب الي تبغي وراح أداوم يومين في الشركة ولا ابغي إي شي غير انك تسامحني ..

بو معاذ : خلاص مسامحك .. بس حط نفسك في مكاني أنت ولد الكبير وابغيك تكون أحسن واحد .. مابغي احد يمسك عليك الغلطة وحده .. قلي أنا كيف كان موقفي واحد يشتغل عندي يصب قهوة ويقول لي ولدك صايع ..

معاذ مسك يد أبوه وباسها : تكفى يبه سامحني ماراح أعيدها مره ثانيه ..

بو معاذ : خلاص أنا مسامحك ..

معاذ : الله يخليك لي ولا يحرمني منك .. ويطول في عمرك .. يلا يبه استأذن الحين بروح اخذ لي شوور ..

وتوه بيمشي ..

بومعاذ : معاااذ ..

معاذ :  سم يبه ..

بو معاذ طلع مفاتيح وبطاقة البنك : امسك أخذهم ..

معاذ : لا يبه أنا ما عتذرة علشان ترجعهم لي أنا عتذرة لأني مابغيك تغضب علي ..

بو معاذ : وانا ماخذتهم إلا علشان تحس بغلطتك .. والحين بعد ماشفتك وأنت عارف غلطتك .. مافي داعي إني احرمك منهم ..

معاذ بفرح باس رأس أبوه وخذ الاغراض وراح يصرعه لغرفته وهو مرتاح انه قدر يقنع أبوه انه يسامحه ..

_-_-_-_-_-_-_-_-_-_-_-_-_-_-_-_-_-_-_

 

بو سعد من رجع البيت ماشاف جنى .. وراح غرفتها ولقاها نايمه .. ماحب يزعجها مع انه مستغرب منها هذي أول مره يرجع البيت وما يشوفها في استقباله .. في العادة تجي وتبوس رأسه وتكون مجهزه له الأكل .. ستناها تجلس بس مافي فايده .. فقرر يروح يجلسها ..

بو سعد : جنى .. جنى حبيبتي .. جلسي ..

وحط يده وهزها .. وحس إن جسمها حار .. حط يده على راسها شافها شابه نار ..

بو سعد بخوف : جنى .. جنى .. جلسي لا تخوفيني عليك أكثر من كذا ..

جنى : اممممم ..

بو سعد : شفيك ؟؟ شنو الي صاير فيك ؟؟

جنى بتعب : امم .. آآآه .. لا .. لا تـ خـ اا ف .. مـ ا فـ يني .. شي ..

بو سعد : إي مافيك شي .. وأنتي جسمك نار .. شنو صاير لك ..!!

جنى : ماافيني .. شي ..

وترجع يغمى عليها .. وبوسعد جن جنونه وراح يركض وجاب عبايتها ولبسها وشالها بيوديها المستشفى .. بس جنى انتبهت ..

جنى : لا .. لا .. لااا مابغي .. أروح ... لالالا مابغي أروح تكفى ياجدي مابغي أروح المستشفى ..

بو سعد : بس أنتي تعبان حتى مو قادرة قومين .. شلون مااوديك ؟؟

جنى : والله ماا فيني شي .. بس شويت برد .. صدقني ..

بو سعد : طيب خليني اوديك علشان اطمئن عليك ..

جنى : ماابغي .. إذا تحبني لا توديني .. تكفى جدي ماابغي أروح المستشفى ..

بو سعد ماقدر يضغط عليها أكثر من كذا .. امسكها ورجع سدحها مكانها .. وجاب لها علاج خافض حرارة وعطاها إياه وسوى لها كمادات ماي وضل طول الليل سهران عليها الي إن نزلت حرارتها شوي ..

_-_-_-_-_-_-_-_-_-_-_-_-_-_-_-_-_-_-_

اليوم الثاني في الشركة

معاذ كان جالس في مكتب أبوه ..

بو معاذ : الحين أنت ماتروح مكتبك أحسن من جلستك هنا .. لا شغله ولا مشغله بالعكس جالس تعطلني عن شغلي ..

معاذ : افااا .. وانا الي مشتاقلك وقلت بجلس معاك .. وبلمره أتعلم من أمور الشغل ..

بو معاذ : وليش ماتروح يعلمك ناصر ..

معاذ : أولا أنت خبره .. وتعرف أكثر وأحسن منه .. وثانيا هذا الإنسان غاثني مسوي روحه فاهم علي .. مو متحملة ..

بو معاذ : أقول عن العب وروح شغلك أحسن لك ..

إلا يسمعون ضربت الباب ..

بو معاذ : ادخل ..

ويدخل بو سعد وهو شايل صينية .. القهوة لابو معاذ .. وراح وحطها على المكتب .. معاذ جلس يطالعه من فوق لا تحت وجلس يقول في نفسه شكها ماقالت له لو أنها قايله له كان الحين ماجى على الأقل الشغل ..

بو سعد : طال عمرك..

بو معاذ : هلا بغيت شي ..

بو سعد برتباك : طال عمرك ممكن أروح اليوم البيت مبكر ؟؟

بو معاذ : ليش في شي ؟؟

بو سعد : لا مافي شي .. بس..

بو معاذ : بس شنو ؟؟

بو سعد : بس بنتي مريضه ابغي أروح اجلس يمها ..

بو معاذ : سلامتها شفيها ؟؟

بو سعد : والله مدري أمس لما رجعت البيت شفتها نايمه ولما رحت اجلسها شفت جسمها نار .. والله ياطويل العمر طول الليل وهي تهذي بالموت لما نذلت حرارتها ..

بو معاذ : ماتشوف شر والله يقومها لك بسلامه ..

بو سعد : أمين ..

بو معاذ : خلاص روح البيت وتطمن على بنتك ..

بو سعد : مشكور ياطويل العمر ..

وطلع ..

معاذ من سمع كلام بو سعد وهو في عالم ثاني .. حس بحساس أول مره يحس فيه خاف إن يصير فيها شي .. بعدها شنو راح يسوي ..

بو معاذ : معااااذ .. معيذ وصمخ ..

معاذ انتبه على أبوه :  هااا نعم .. بغيت شي يبه ؟؟

بو معاذ : لي ساعة وانا أناديك .. وين سرحت ..

معاذ : ولا شي .. أمر تدلل ..

بو معاذ : أنا أبغيك تروح تضف وجهك وتروح مكتبك ..

معاذ : طيب مايجوز أروح لصديقي خلودي اطمئن ..

بو معاذ : لا ..

معاذ : اهاا عاد خلني أروح .

بو معاذ بصراخ : أنا أقول روح مكتبك حسن ما أقوم عليك وضربك بالي في يدي ..

معاذ وهو طالع : طيب أعصابك ..

إلا يرمي عليه بو معاذ الدفتر الي قدام وجهه بس ماجى ليه لان معاذ كان أسرع وطلع ..

_-_-_-_-_-_-_-_-_-_-_-_-_-_-_-_-_-_-_

بعد ساعة في بيت بو سعد ..

بو سعد : الحمد الله على سلامتك ..

جنى : الله سلامك ..

بو سعد : كان وقفتي قلبي من الخوف عليك أمس ..

جنى : بعيد الشر عنك ..

بو سعد : إلا شنو صار لك أمس ..

جنى : شكلي أخذة برد أمس .. لأني سبحت بما بارد بعدين طلعت بدون مانشف نفسي وجلس تحت المكيف ..

بو سعد : الله يهديك يابنتي .. كم مره قلتلك اهتمي في نفسك .. زين لك الحين لما طحتي مريضه .. وخوفتيني عليك ..

جنى : أنا أسفه ياجدي ..

وبدأت تصيح ..

بو سعد بخوف : شفيك ..؟

جنى وهي تبكي : أمس تذكرت أمي وأبوي .. اشتقت لهم حيل ..

بو سعد قام وحضن جنى : افاا يابتني  .. تبكين وانا موجود .. أنا مقصر عنك بشي .. ؟؟

جنى : لا بس أمس حلمت بأمي ..

بو سعد : خلاص هدي .. بعد مانقدر نعترض على أمر الله .. قومي الحين ادعي لهم وصلي لك ركعتين واقرئي لك قرآن ويرتاح بالك .. يلا قومي ..

جنى وهي تمس دموعها : إن شاء الله ..

بو سعد : يلا أنا رايح اشتري لك شي تاكلينه .. ماني متأخر ..

جنى : لا ياجدي مايحتاج .. أصلا أنا مو مشتهيه أكل شي ..

بو سعد : مو على كيفك .. بتاكلين .. أنت الحين مريضه ومحتاجه الي يقويك على المرض .. وبعدين حتى أنا جايع ..

جنى : طيب ..

وانتظرت الي إن طالع جده وقامت من على السرير وهي تحس إن جسمها متكسر .. وأول ماوقفت حست بدوخة وجلست مره ثانيه .. وهي جالسه شافت نفسها في المرايه كيف إن وجها اصفر .. وانفها احمر من الصياح وفي هالات سود حول عيونها من الارهاق .. نزلت دمعه على خدها .. ولفت وجها عن المرايه وحاولت تقوم من جديد .. صارت تمسك الجدران الي إن وصلت الحمام .. وأخذة لها شوور سريع وتوضأت وراحت تصلي وتدعي ربها إن يطلع من هذي المصيبة ..

_-_-_-_-_-_-_-_-_-_-_-_-_-_-_-_-_-_-_

 

في احد المطاعم ..

هتان : كلها أسبوع وتبدأ الجامعه ويبدأ معاها هم المذاكرة ..

جواد : لا هم ولا شي بالعكس علي الأقل نتسلى بدل هذا الملل الي إحنا فيه ..

هتان : واحد يتسلى بالمذاكرة صحيح انك مو صاحي ..

جواد : أقول أكل وأنت ساكت ..

هتان : ملل ..

جواد : يؤيؤيؤ شفيك اليوم ؟؟

هتان : ودي أسوي شي مو صاحي .. شي جنوني .. شي كيف اشرحلك .. يعني شي فيه شوي خطر ..

جواد : هتانوه أعقل وخلنا من أفكارك الي بتودينا في داهية ..

هتان : الحين صارت أفكار تودينا في داهية ..

جواد : اجل شنو جنون وخطر وشغل العصابات الي عندك ..

هتان : سويتني من المافيه وأنت تقول عصابات ..

جواد : ههههههههه ..

هتان : طيب مشتهي أحب ..

جواد بملل : حبني أنا ..

هتان رتبك بشكل مفاجئ : شنو قلت ........ ؟؟؟!!! ويع مالقيت في الدنيا كلها إلا حبك أنت ..

جواد : فيك شي أنت اليوم مو طبيعي أبدا .. ساعة تبغي تصير مجرم .. وساعة تبغي تصير حبيب .. أذيتنا تراك ..

هتان : خلاص كلتنا .. سكت ..

جواد : إلا من جد ملل ..

هتان : وانا شنو أقول من صباح الله خير ..

جواد : طيب شرايك نروح البحرين ..

هتان تحمس : ماتعزم ..

جواد : قدام .. بس ترى كلها بنشوف فلم وبنجي ..

هتان : وانا قلت بسوي شي ثاني على الأقل شي جديد بدل هذا الروتين الممل الي بيموتنا ..

جواد : بس ترى صده ورده ماراح ننام هناك ..

هتان وهو يأشر على انفه : على هذا الخشم بس قوم قبل مايتأخر الوقت ..

يرن جوال جواد ..

جواد : الووووو ......

: هلا والله وينك يابو الشباب ..؟؟

جواد : هلا وغلا يابو العز .. والله جالس مع هتان ناوين تروح البحرين ..

عبد العزيز : اوووووف وأنت كل مع هل الغثيث .. !!

جواد : عزوز خلك محترم .. طيب تعزم معانا ..

هتان اشر له لا ..

عبد العزيز : متى بتمشون ..؟؟

جواد : الحين .. هااا تروح معنا ..

هتان يهمس : لالا مانبغيه تكفى جواد لا تخليه يجي ..

عبد العزيز : شنو يقول لك الي غثيث ... شكله مايبغيك ..

جواد : شفيك أنت طيب أنا أبغيك .. بتجي ... ؟؟؟

عبد العزيز : لا خلك مع المتخلف الي معاك ..

جواد : اجل انقلع ..

عبد العزيز : والله انك مصادق واحد يغث .. وشكله يفشل .. ياخي شوف وجهه كأنه بنت على هذا النعومه الي فيه .. ولا مغتر مايصادق احد غيرك .. ومسوي حساس زيادة عن الزوم .. حتى البنت شخصيتها اقوى من شخصيته .. ولا شوف بس هل الستايل الي لابسه ايمو .. كل اسود في اسود يجيب الكئابه لنفس ..

جواد : أقول مو فاضي .. ضف وجهك ..

وسكر  ..

هتان : شنو قال عني ..

جواد : ماقال شي ..

هتان : لا تكذب ادري إن الكل مايبغيك تصادقني وادري بالكلام الي ينقال مو ورى ظهري ..

جواد عصب : هتاااااااااان ... لا تصير عاد كذا خلك رجال مو مسوي نفسك بنت .. أكيد بيقلون عنك كلام مو حلو .. إذا أنت بتستمر كذا .. خلك رجال واثق من نفسك .. وخلك قوي ماتهزك ريح .. مو صاير لي على كل كلمه تزعل .. أو يجيك كتئاب ..

هتان : أنت ماتحس بالإحساس الي يجيني .. مدري له عندي احساس ان فيني شي غلط .. أحس إني أنا مو أنا .. مدري كيف أفسر لك هذا الشعور .. بس كل الي اعرفه انك أنت الشخص الوحيد الي أثق فيه .. واهتم لرايه فيني .. وأنت الوحيد الي كلامك مستحيل يزعلني .. علشان كذا ماابغي أخسرك ..

جواد : شنو هذا الكلام تخسرني ماتخسرني .. أصلا لو أنا ماابغي أصادقك كان تركتك من أيام المدرسة .. وبعدين إذا صحيح ما تبغي تخسرني حاول تغير من نفسك .. خل الكئابه وتشاؤم عنك .. وبعدين ترى إذا بتجلس أكثر ماراح نروح البحرين .. قوم قبل مااغير رأيي ..

هتان بابتسامه : لالالا تكفى يلا مشينا ..

_-_-_-_-_-_-_-_-_-_-_-_-_-_-_-_-_-_-_

معاذ بعد ماخلص دوام .. راح كل عاده يقابل صديقه خالد ..

خالد : شفيك اليوم بعد ..؟؟

معاذ : مافيني شي ..

خالد : أنا مدري شنو مصبرني عليك .. كل يوم معصب ومالك خلك إي شخص مشتهي مره لو بالغلط اطلع معاك وأنت مستانس ..

معاذ يبتسم بالغصب : هااا كذا تبغيني يعني ؟؟

خالد : أي كذا  .. اخلص قلي شنو فيك ؟؟

معاذ : طاحت مريضه ..

خالد ستغرب : مين الي طاحت مريضه ؟؟

معاذ : تصدق مااعرف حتى اسمها .. !!

خالد : جالس تتكلم بالإلغاز أنت وجهك .. اخلص قلي عن مين تتكلم ..

معاذ : عن بنت بو سعد ..

خالد : يعني بعد كل الي سويته فيها ماتبغيها تمرض .. أنا مااستغرب لو تموت أو تنتحر بعد الي سويته .. يعني الحين صحى ضميرك من نومه بعد ماسويت جريمتك ..

معاذ : مين قالك إن ضميري صحى ..

خالد بطنازه : اجل أكيد حبيتها ..!!

معاذ : فال الله ولا فالك أنا أحب بعيد الشر أنا قلبي حجر مستحيل يدخل فيه الحب ..

خالد : في هذي صدقت .. بس قلي ليش مهتم ؟؟

معاذ : خايف يصير فيها شي وانا اتورط ..

خالد : لا الحين غيرت رأي أنت قلبك مو حجر أنا أصلا ماعندك قلب من الأساس .. يعني البنت تموت عادي بس أهم شي انك ماتتورط ..

معاذ : ليش اهتم فيها أنا أصلا ابغي جدها يتحسف انه حط رأسه في راسي بس للأسف الحقيرة ماقالت له .. علشان كذا لو تموت كذا يكون أحسن ..

خالد : حرام عليك يااخي .. أنت متأكد انك بشر مثلنا .. ؟؟

_-_-_-_-_-_-_-_-_-_-_-_-_-_-_-_-_-_-_

في بيت بو معاذ ..

ليلى بهمس : الوووو  ..  حبيبي ..!!

: هلا والله بهذا لصوت ..

ليلى بضحكه : اخبارك ؟؟

: والله أنا تمام بس لأني سمعت هذا الصوت .. يلبى هذا الصوت .. أروح أنا فدوه لصاحبة هذا الصوت ..

ليلى : هههههههه .. سلطان ترى استحي ..

سلطان في نفسه ويييع شنو هذي الضحكة تقول غراب مو بنت : يالبى هذي الضحكة فديت الي يستحون أنا .. وينك أمس دقيت عليك ما رديتي ..

ليلى كنت رايحه زواج أنا والماما ..

سلطان : وان شاء الله تكونين ستانستي ..

ليلى : لا ويع كان يلوع الكبد .. العروس تقول مهرج ولا الفستان تقول حق جدتها .. ولا الأجواء فوضى ولا في ترتيب .. يع يع صدع راسي من الإزعاج ولا الرائح حدث ولا حرج ..

سلطان : ياريتك مارحتي ..

ليلى : والله تمنيت إني ماسمعت لام أمي ورحت .. كان الوضع لا يطاق .. المهم ماعلينا منهم خلهم يولون .. أنت قولي شنو كنت تبغي أمس ..

سلطان : لا بس كنت مشتاق لك موووت وتمنيت اسمع هذا الصوت الحلو ..

ليلى : وااااااه فديتك ..

سلطان : أنا الي فديتك ..

إلا تسمع أمها تناديها ..

ليلى : حبيبي أمي تناديني يلا عن إذنك ..

سلطان في نفسه فكه : بشتاق لك ياحياتي ..

ليلى : وانا أكثر .. يلا باي ..

سلطان : مع إني ماودي اسكر بس ماابغي اسبب لك مشاكل مع أمك يلا باي ..

وتسكر وتنزل لامها ..

أم معاذ : ليلوه لي ساعة وانا أناديك ولا تردين .. شنو كنتي جالسه تسوين ..

ليلى : كنت جالس اكلم صديقتي .. هااا بغيتي شي .. ؟

أم معاذ : إي بغيتك تجلسين معاي .. مليت وانا جالسه لحالي ..

ليلى : غريبة ماطلعتي ؟؟ ..

أم معاذ : مافي مكان اروحه ...

ليلى : وين صديقاتك ..؟

أم معاذ : كلهم معزومين في بيت أم عبدالكريم وأنتي تدري إني مااواطنها في عيشة الله وفوق كل هذا توني طاردتها من بيتي ...

ليلى تكلم نفسها : اوووف شنو يجلسني الحين مع هل عجوز ..

أم معاذ : قلتي شي ..؟؟؟!!

ليلى وهي تجلس : لا سلامتك ..

_-_-_-_-_-_-_-_-_-_-_-_-_-_-_-_-_-_-_

 نهايه البارت الثالث ..