لمن .. أشكو حبيبي .. ! الجزء العاشر ..

البارت العاشر .^_^.

معاذ مسك رقبتها : سكتي ولا قتلتلك ..
جنى جلست تحاول توخره عنها لما حست بانها تختنق .. مع انها تبغي تموت .. بس مثل مايقلون الحياه حلوه .. فصار جسمها يدافع عن نفسه بنفسه .. بس بعد ثواني مو عدم حصول الجسم للاكسجين .. فبدأت قوى جسمها تخبو .. وتضعف .. الي ان تحولت الي جثه هامده ..
معاذ حس انها ماقامت تتحرك .. فتركها وصار يهزها .. بس بدون فايده .. صار الخوف يتسلل لقلبها .. قتلها .. قتلها ..
معاذ : جلسي .. سمعتيني قلتلك جلسي .. ليش ما تجلسين ..
صار يضغط علي صدرها علشان يرجع الاكسجين الي جسمها .. ويدينه ترتعش وترتجف .. بس سرعان مادب الحياه في جسمها من جديد وصارت تكح .. هنا هو جلس على الارض وحس براحه مو طبيعيه اول مره يخاف من شي الي هذي الدرجه ما توقع انه في يوم راح يتجرأ في يوم من الايام ويحاول يقتل احد .. حط يدينه على راسه الي يحس انه صار يدور .. من الرعب الي حس فيه ..
اما هي فصارت تطالع برعب وحقد .. وقهر .. اول مارافع راسه وشاف نظرات الرعب الي موجهه له .. حس لاول مره انه وحش .. فبسرعه خذ اغراضه ومشى ..



_-_-_-_-_-_-_-_-_-_-_-_-_-_-_-_-_

بيت بو معاذ ..

ليلى ورغد كانوا يطالعون مجموعة صور قديمه ..
ليلى : اووووووه .. تذكرين هذي الصوره ..
رغد : أي مو هذي لما رحنا استراحه ..
ليلى : أي .. اتوقع كان عمري في هذي الصوره 8 سنوات ..
رغد : ياربي شوفي جواد ..
ليلى : جواد في اغلب الصور يبكي ..
رغد : اذكره من أي شي يبكي .. واذكر ان معاذ .. مهما يصير له ما يبكي ابدا ..
ليلى : معاذ الشي الي شاطر فيه هو الضرب .. ودايم يضرب جواد علشان كذا كان جواد دايم يبكي ..
رغد : ليلى شوفي هذي الصوره .. مين هذا ..؟
ليلى : هذا معاذ لما كان عمره سنه ..
رغد : ياربي يهبل .. يجنن .. كانه لعبه .. توقعته انتي شكله مثل البنت ..
ليلى : ههههههههه .. لو تشوفينه الحين كان تخافين صار وحش .. طيب شوفي هذا الصوره .. هذا الصوره يوم نجاح جواد في ثالث موسط كان جايب الاول على فصل ..
رغد : ههههههههههه .. ليلى شوفي صورتك وانتي تاكلين الكيكه .. والله انها تحفه ..
ليلى : جيبيها .. انا توقعت اني حرق الصوره هذي .. كيف طلعت ..
رغد : هههههههه .. والله حرام تحرقينها خليها ذكره ..
ليلى : علشان كل الي يشوفها يضحك ..
رغد : هههههههههه ..
ليلى : وجع لا تضحكين ..
رغد : خلاص .. خلاص بسكت ..



_-_-_-_-_-_-_-_-_-_-_-_-_-_-_-_-_-_-_-_-_

في بيت بو سعد ..


جنى جالسه في زاويه .. وتبكي .. دخل جدها وشافها .. حس ان قلبه تقطع من شكلها .. شاف اثار الضرب على يدينها واضحه .. قرب منها ورفع راسها .. بس هي رفضت .. وضمة نفسها اكثر ..
بو سعد : جنى حبيبتي ..
جاوبته بصوت صياحها الي زاد ..
بو سعد : قولي لي شنو اقدر اسوي علشان اسعدك .. انا طول عمري وانا امشي يم الجدار .. مامره اذيت احد ولا في احد اذاني .. والحين لما كبرت وعجزت وصرت مااقدر ادافع عن نفسي .. يجي احد ويسوي في اغلى مااملك كذا .. ياريتني ميت قبل ما شوفك مذلوله وكسيره كذا ..
جنى ارفعت راسها : جدي كان بيقتلني بيدينا .. يبغي يقتلني .. انا خايفه ..
بو سعد شاف اثار يدين على رقبة جنى ..
بو سعد : الحقير .. انا الي بروح اقتله ..
جنى مسكت يده : تكفى يا جدي خله .. يكفي الي سواه فيك .. خله يسوي فيني الي يبغي بس انت لا ..
بو سعد : ليش انتي تبغيني اجلس واتفرج علي وهو يقتلك ..
جنى : اذا تحبني .. أي خله يقتلني انا راضيه بس لا يصير فيك شي ..
بو سعد : مااقدر انتي امانه في رقبتي ..
جنى : انا موافقه على كل شي يسويه فيني .. بس ان سوى فيك شي انا الي راح اقتل نفسي ..
بو سعد : لا تقولين هذي الكلمه مره ثانيه ..
جنى : جدي تكفى لا تعذبني اكثر من كذا .. اذا شفته مره ثانيه لا تكلمه لا تقوله أي شي حتى اذا كان يضربني .. خله على كيفه ..



_-_-_-_-_-_-_-_-_-_-_-_-_-_-_-_-_

معاذ وصل البيت وراح سلم على عمه ..
بو رغد : شفيك اليوم صاير مفهي .. ؟؟ !
معاذ : ما فيني شي .. بس تعبان شوي ..
بو معاذ : شكلك سهران طول اليوم ..
جواد حب يغير الموضوع قبل ما يكبر ويدأ ابوه يخانق معاذ : الا من زمان ما راحنا مكان مع بعض .. شرايكم نروح الشاليه ونعزم العيله كلها ..
بو رغد : والله فكره حلوه ..
بو معاذ : بس مو الحين خلوها الشهر الجاي ..
جواد : ليش ؟؟
بو معاذ : هل فتره عندي ضغط عمل ..
بو رغد : خلاص أشهر الجاي نروح الشاليه من يوم الأربعاء الي يوم الجمعة ..
بو معاذ : على خير ..
معاذ : أنا بروح ارتاح شوي ..
بو معاذ : شنو تروح ترتاح .. ؟
معاذ : والله تعبان ..
بو رغد : خله يروح ..
بو معاذ : خلاص روح ارتاح ..


_-_-_-_-_-_-_-_-_-_-_-_-_-_-_-_-_-_-_

في غرفة ليلى ..

رغد : لولو .. خلينا ننزل تحت ..
ليلى : ما سرع ما مليتي مني ..
رغد : أكيد بمل أنتي جالس على ألنت وتاركتني .. لك نص ساعه .. خلينا ننزل على الأقل نتسلى من سوالف الحين ..
ليلى : قولي انك مشتهيه تسمعين حش الحريم ..
رغد : طيب قومي خلينا ننزل ..
ليلى : طيب مشينا ..
وهم طالعين .. معاذ كان صاعد .. وصادفهم .. بس معاذ ما أنتبه عليهم لان كان تفكيره مو معه مع الي سواه في جنى .. كان طول الوقت يسأل نفسه .. أنا كيف سويت كذا .. كيف فقدت السيطرة كذا .. لو أن صار لها شي شنو راح يصير فني .. شنو راح أسوي .. ؟؟!
ليلى : شفيه هذا ؟؟
رغد : هذا معاذ ؟؟
ليلى : أي ..
رغد : بصراحة أخوك هذي يجنن ..
ليلى : جنيتي أنتي الجالسة تتغزلين في اخوي ؟؟
رغد : مالت عليك وعلى أخوك فوقك .. كل الي قلته انه حلو ..
ليلى : أقول امشي بسرعة ..
رغد : أنزين ..



_-_-_-_-_-_-_-_-_-_-_-_-_-_-_-_-_-_-_-_-_

اليوم الثاني .. ألمانيا ..
ملاك جالسه من النوم وتحس بثقل كبير على صدرها .. خايفه من المستقبل .. الحين هي هنا ما أختلف في حياتها غير أنها صارت تلبس عباية وما تلبسها عدل .. أجل شنو راح تسوي إذا رجعت السعودية .. كيف راح تختلط في المجتمع .. كيف راح تتأقلم مع وضعها الجديد .. أهلها شلون راح يستقبلونها .. وجواد .. أي جواد يعني ما راح أشوفه نهائيين .. أنا متعودة أني أروح وأجي معه .. كيف يبغوني ما أشوفه .. طيب ما فيها شي ألبس ملابسي القديمة .. ما راح يحس .. دقيقه .. دقيقه أهلي أكيد قالوا له أني مت .. يعني مستحيل راح أشوفه .. كيف كانت ردت فعله لما قالوا له .. يمكن يكون أفتك مني .. لأنه من عرفته وهو يقولي عدل أسلوبك .. الرجال ما يتصرفون كذا .. هتان غلط الي تسويه .. طلعت يا جواد حركاتي وأسلوبي صح .. بس في المكان الغلط .. ما كان مكاني مع الأولاد .. كان مع البنات .. جواد طلعت بنت .. يع أنا بنت .. ياربي كل ما فكرت في الموضوع أكثر كل ما حسية أني بختنق .. بنت ولا أعرف أتصرف مثل البنات .. الحين إذا رجعت أكيد بجلس مع البنات .. يع .. يع .. أنا طول عمري أطنز على البنات وأفكارهم وتصرفاتهم الغريبة .. وهذرتهم الي ما تخلص .. لا .. ما أتخيل نفسي وسطهم .. ياربي رأسي بينفجر من التفكير .. يعني إذا طلعت الشارع وشفت واحد من الي كنت اعرفهم والله إحراج .. الكل راح يضحك علي .. الكل راح يأشر علي ويقول هذي البنت الي كانت ولد ..
الجوري : ملاك شنو فيك ؟؟
ملاك : هااا .. ما فيني شي ..
الجوري : لك ساعة سرحانة ..
ملاك : الصراحة أحس إني مسخ أو شي قذر ..
الجوري : شنو هذا الكلام .. ؟
ملاك : مدري بس حاسة أن ما في أحد راح يتقبلني ..
الجوري : أنا معك و ونايف معك .. وأبوي وأمي ..
ملاك : أبوي وأمي ما بعد يشوفوني بعد التحول ..
الجوري : أنتي ما سويتي شي غلط .. أنتي كنتي فتاه عاشت 21 سنه في جلباب ولد .. أصلا أي احد يتذكر كيف كنتي تتصرفين قبل راح يعرف أنك بنت .. وهذي الي تمرين فيه حاله مثل أي حاله من التشوه ..
ملاك : بس لو أني كنت متشوها جسدين كان المجتمع ما شاف فيها شي .. بس التشوه الي أعاني منه حساس كثير .. صحيح أن أحنا القرن الواحد والعشرين .. بس لسى عقول بعض الناس منغلقة ولا ترغب في النقاش في هذي المواضيع ..
الجوري : علشان كذا لازم تصيرين قويه ولا تخلين هذا الانغلاق يؤثر على حياتك ..
ملاك : بس كيف ..؟
الجوري : الحين لازم تتصرفين على طبيعتك .. طول 21 سنه حبستي البنت الي داخلك علشان المجتمع ونضرتهم السلبية .. الحين لازم تطلقين صراحها وتخلينها تعبر عن نفسها .. وتنسين هتان نهائيين .. أنتي الحين ملاك .. ملاك البنت الناعمة .. خلاص يكفي لا تقاومينها أكثر من كذا ..
ملاك : الجوري ..
الجوري : نعم ..
ملاك : أبوي .. قال لناس أني مت صح ..
الجوري : أي ..
ملاك : يعني عرف ..
الجوري باستغراب : مين الي عرف ..
ملاك : هاا .. لا و لا شي ..
الجوري : تكلمي اعترفي مين كنتي تقصدين ..
ملاك : أقولك شي بس لا تتعلقين ..
الجوري : قولي ..
ملاك : اشتقت لواحد ..
الجوري : واحد ..!!
ملاك : أي اشتقت لأعز أصدقائي ..
الجوري : ما أذكر أن لك أصدقاء .. أذكر أنك كنت منعزل على نفسك .. ودايم لحالك ..
ملاك : لأن أبوي طرده من بيتنا .. وقالي لا أماشي وهو صديقي الوحيد ..
الجوري : وليش طرده ..؟
ملاك : ما تذكرين مره سيارة أبوي أنصدمت .. أبوي عصب حيل ..
الجوري : أي ذكرت وكنتي أنتي الي صادمه أبها ..
ملاك : أي صح كنت أنا الي سارقه مفاتيح السيارة .. وصدمت فيها .. وأول ما صدمت راحت أنحشت لعند جواد ..
الجوري : صديقك أسمه جواد ؟؟
ملاك : أي .. المهم رحت وقلت له .. وأذكر إني وقتها كنت أبكي .. فراح جواد لأبوي وقال له أنه هو الي أخذ السيارة وصدم فيها .. وجبرني أني ما أتكلم .. عاد أبوي عصب عليه وطرده من البيت وقالي أني ما أماشيه مره ثانيه ..
الجوري : وطبعا أنتي صرتي تشوفينه بسر .. بصراحة صديقك هذا أثبت أنه ونعما الصديق ..
ملاك : ترى مو أول مره يدافع عني ..
الجوري : وعاد الحين شتقتي له ..
ملاك : اشتقت له حيل .. اشتقت لضحكته .. لعصبيته إذا سويت شي ما عجبه .. اشتقت لنومه في بيتهم ..
الجوري : تنامين في بيتهم ..
ملاك : أي عادي مو أنا كنت ولد .. ولا بعد كان يعطيني ملابسه ألبسهم .. وكانوا كبار علي حيل .. لان جسمه رياضي وعضلي وأنا جسمي نحيل .. آآآآآآه أحس قلبي صار يألمني لما ذكرته والله اشتقت له موت .. أبغي أشوفه ..
الجوري صارت تبتسم ..
ملاك : شفيك تبتسمين ..؟
الجوري : تحبينه ..
ملاك : أحب مين ؟؟
الجوري : جواد ..
ملاك : شنو أحبه أقول لك صديقي ..
الجوري : أراهن أن قلبك جالس يتفجر كل ما قلت أسمه وبطنك تحسين كأن أحد جالس يدغدغك .. وأصلا وجهك الحين أنقلب بلون الأحمر من الخجل .. وووواه على الحب شو بيذل ..
ملاك : أنا الغلطانه أني قلت لك شي ..
الجوري : هههههههههههههههه ...


_-_-_-_-_-_-_-_-_-_-_-_-_-_-_-_-_-_-_-_-_-_-_

نرجع للسعوديه عن معاذ ..


جلس على صوت الجوال ..
معاذ : الوووو ..
خالد : صح النوم ..
معاذ : نعم ..
خالد : قول صج بدنك ..
معاذ : اخلص شنو تبغي ..؟
خالد : أفاا .. أنا خالد .. حبيبك ..
معاذ : ضف وجهك بس ..
خالد يستهبل : شفيك علي أنا أحبك .. ليش ما تحبني ..
معاذ سكر في وجها .. فرجع خالد يدق ..
معاذ : نعم .. شنو تبغي داق .. ؟
خالد : مشتاق لك .. أبغي أشوفك .. يلا قوم ..
معاذ : وينك أمس والي قبله ..
خالد ارتبك : هااا .. كنت .. كان عندي ضروف في المنزل ..
معاذ : ليش مقفل جوالك .. ؟
خالد : مو مقفل ..
معاذ : لا تكذب .. دقيت عليك فوق المليون مره ..
خالد : قلتلك ضروف في البيت .. ولا انا اقدر ما اكلمك يوم واحد .. يلا عاد لا تزعل علينا ..
معاذ : طيب وينك الحين ؟
خالد : قريب من بيتكم ..
معاذ : عطني نص ساعه بخذ شور سريع والبس واطلع لك ..
خالد : خذ راحتك ..



_-_-_-_-_-_-_-_-_-_-_-_-_-_-_-_-_-_

بيت بو سعد ..


جنى جلست وهي تحس بدوخه .. وحرارتها نار .. وما في أحد في البيت .. فمسكت الجدران علشان تخذ لها شور يمكن تنزل الحراره .. بس في نص الطريق خارت قواها .. ونسدحت على الارض ..



_-_-_-_-_-_-_-_-_-_-_-_-_-_-_-_

في سيارة خالد ..


خالد : اعترف شنو سويت من دوني ..
معاذ : عادي ما سويت شي ..
خالد : بس باين أنك تحبني ..
معاذ : تخسي .. أصلا ما حسيت بعدم وجودك ..
خالد : أفاا .. طيب وين رحت ..؟ وين جيت .. ؟
معاذ : ابد رحت بيت عدوي ..
خالد : بيت بو سعد ..
معاذ : أي شايب النحس هذا ..
خالد : حرام عليك .. طيب ما قلت لي متى ناوي تطلق بنته ..
معاذ : ومين قال أني راح اطلقها ..
خالد : ما راح تطلقها .. ليش ..؟
معاذ : اصلا الشايب يبغي يبوس رجولي علشان أطلقها .. بس والله ما اطلقها الا لما تطلع روحها ..
خالد : حرام عليك .. ليش كل هذا الشر فيك ..
معاذ : ما ادري بس صرت استمتع وانا اعذبها .. تخيل .. امس كان ماتت بين يديني .. كنت راح اقتلها ..
خالد : استغفر الله .. هاااي أنت اصحى لنفسك .. ترى هذي روح .. تحس .. من لحم ودم .. حتى الحيوان ما في احد يتلذذ بقتله .. وأنت تقول هل كلام عن بنت .. طيب اذا تكرها لهذي الدرجه طلقها .. لا تقتلها ..
معاذ : قلتلك ما عندي نيه اطلقها ..
خالد : طيب ليش ؟؟
معاذ : لاني ما ابغي ..
خالد : الله يهديك ..
معاذ : ودني بيت الشايب ..
خالد : ليش ؟؟
معاذ : بس كذا .. يلا ودني ..
خالد : حاضر .. بس انتبه لا تقتل احد ..



_-_-_-_-_-_-_-_-_-_-_-_-_-_-_-_

في غرفة ليلى ..

ليلى : حبيبي .. مو لازم ..
سلطان : الا لازم رسليها ..
ليلى : ياربي ..
سلطان : هذي والصوره صورة وجسمك بس مو طالع وجهك ومتردده كل هذا التردود .. ترى ان ما رسلتيها بزعل ..
ليلى : لا.. لا.. خلاص برسلها ..
ورسلتها ..
سلطان وهو يطالع الصوره .. والله بنت الكلب مقبول جسمها ..
ليلى : حبيبي ..
سلطان : عيونه ..
ليلى : شفتها ..
سلطان : خيرا كحلت عيوني بشوفت جزاء منك .. آآآآه متى راح اشوفك واحط ايدي في يدك ..
ليلى : وناسه راح يكون احلى يوم في حياتي ..
سلطان : بس متى ..؟
ليلى تغير الموضوع : طيب حبيبي .. أبغي أشوف صوره لك ..
سلطان : بس صوره .. والله لو تبغي أجيك أنا .. مو صوره ..
ليلى : لا الحين تكفيني صوره ..
سلطان : أحبك ..
ليلى : مي تو ..



_-_-_-_-_-_-_-_-_-_-_-_-_-_-_-_-_-_-_-_

وصل خالد بيت بو سعد ..


خالد : أمشي ولا أستناك ..
معاذ : لا أستناني ماني متأخر ..
خالد : شنو بتسوي ؟؟
معاذ : أمس نسيت ما أخذة المحفظه حقتي .. من السرعه خذة المفاتيح وطلعت .. بروح أخذها وارجع ..
خالد : خلاص أستناك ..
ونزل معاذ .. وطق الباب .. ماحد رد ..
في الداخل جنى كانت منسدحه في الارض ..سمعت صوت الجرس بس مو قادرها تتحرك .. وكل ما حاولت تشيل جسمها طاحت .. بس صوت الجرس وضرب الباب خلاها تقوم غصب عنها وصارت تمشي وتجلس .. حست أن المسافة أبعد من المعتاد ..
معاذ عصب حيل .. وهو عارف أنها موجوده فحس انها ما تبغي تفتح .. فقام يضرب الباب أقوى ..
خالد : ياأخي كسرت الباب .. يمكن ما في أحد ..
معاذ : الا في أحد .. هي ما تطلع من البيت أصلا ..
خالد : طيب خلاص يمكن تخاف تفتح حق أحد وجها مو موجود ..
معاذ : مو على كيفها تفتح الباب ولا انط من فوق الجدار ..
خالد : عنيد .. ورأسك يابس ..
وكمل معاذ ضرب على الباب ..
كلها ثواني وأنفتح 

نهاية البارت .^_^.