لمن .. أشكو حبيبي .. ! الجزء السادس ..

البارت السادس .^_^.

بعد ماوصل أمه واخته توجه للمطعم الي ينتظره فيه خالد .. توه بيوصل إلا رن جواله .. وشاف المتصل وستغرب ..

معاذ : الووو .. الهنوف ..؟

الهنوف : احم .. صباح الخيير ..

معاذ واستغرابه زاد : صباح النور .. الهنوف فيك شي ..؟؟

الهنووف : لا .. بس ..

معاذ : بس شنو كملي ...  تبغين شي محتاجه شي .. أمري ترى عيوني لك ..

الهنوف : أنا أمس مانمت طول الليل جالسه أفكر ..

معاذ : تفكرين ..؟؟

الهنوف : كنت أفكر بخالد ..

معاذ : طيب ..

الهنوف : أنا حبيت خالد من كل قلبي .. مع إني مامره شفته .. حبيته لقلبه الحنون .. ورقته .. حبيته لطيبته الي في داخله .. مع انه مايحب يطلع هذا الشي لأحد .. بس كان واضح في كل كلمه قالها لي .. مع إني ماعرفته أكثر من ثلاث شهور .. بس ماكنت محتاج أصلا إلا يومين علشان اعرف هو قد ايش إنسان رائع بكل ماللكلمه من معنى .. وادري إني مستحيل راح أحب واحد كثر الحين الي حبيته لخالد .. وهو خالد وراح .. بس خلد حبه في قلبي للأبد .. أمس طول الليل كنت جالسه أفكر كيف شكله .. كيف لو عيونه .. انفه .. كيف كانت ابتسامته .. لأني أتوقع انه إنسان دايم يبتسم .. مع إني كنت أحس من صوته انه يعتقد انه إنسان سيئ بس هو إنسان مو سيئ .. بالعكس .. هو الشخص اصح في المكان الغلط .. بس هذا كل الموضوع .. ماراح انسى أول يوم دق علي فيه .. وكيف عصبت عليه وكيف صار يضايقني فتره طويله الي إن قدر يملك قلبي في النهاية .. أنا دقيت عليك الحين لأني خفت إن فكرت في الموضوع أكثر راح اتردد ولا راح اقدر اطلب الشي الي أبغيه منك ..

معاذ كان يسمع كلامها كلمه كلمه .. كل شي قالته عن خالد صح .. خالد إنسان طيب حييل .. من وهم صغار ما كان يحب احد يتألم .. أو يتعذب .. كان يدافع عن الي اصغار منه .. كان عكسه تمامه .. حتى مع ظروفه الصعبة الي مرت فيها عايلته كان دايم يبتسم ولا مره شافه يعترض على شي أو يقول ليش أنا يصير فيني كذا .. ويذكر إن هو السبب في انحرافه .. وكيف انه جره للغلط بنفسه .. بعدها خالد تغير صار كلامه قاسي وتصرفاته قست .. مع انه لو يطالع في عيونه راح يشوف فيهم نظرات العذاب بسبب الي شي الي سواه أو الي قاله .. معاذ عرف إن هذي البنت حبت خالد من جد .. وانه بغباء ضيعها .. صحيح أنها غلطت لما كلمته بس من فينا مايغلط .. حسد خالد على طيبته تمنى إن احد يحبه مثل ماتحبه هذي البنت .. عمره ماحس بطعم الحب .. وشكله ماراح يتذوقه أبدا..

الهنوف : الووو .. اخوي أنت معاي ..؟؟

معاذ انتبه عليها : أي معاك ..

الهنوف : احل شنو قلت .؟؟

معاذ ستغرب : على شنو ..؟؟

الهنوف : ابغي صوره لخالد ..

معاذ : صوره ..؟

الهنوف : أترجاك ابغي صوره تذكرني فيه .. بعدها ماراح تسمع عني ولا شي ..

معاذ : طيب كيف اعطيك اياها ..

الهنوف : راح ارسل لك ايميلي تقدر ترسلها عليه ..

معاذ : طيب من عيوني ..

الهنوف : شكراً ..

معاذ : أنتي ماطلبتي شي ..

الهنوف : اخوي بعد عندي طلب ثاني ..

معاذ : الي هو ..

الهنوف : اخوي تكفى لاتدق علي مره ثانيه .. لا تحسبني لأني كلمت أخوك راح أكلمك .. احبيت أخوك .. مااقدرة اتحكم بقلبي صحيح .. بس عقلي الحين صحى بعد موت خالد .. أنا مو مثل البنات الي يخونون ثقة أهلهم فيهم .. فأترجاك تتركني في حالي ..

معاذ : طيب ليش حبيتي خالد .. وانا حتى مو راضيه تعطيني فرصه اثبتلك إني مثله ..

الهنوف : أولا لان هذا الشي الي حنا نسويه غلط .. ثانيا قلبي ساكنه واحد ولا راح يطلع منه أبدا .. وثالثا وهو الأهم أنت مو خالد ولا تشبه خالد في أي شي .. أنت صحيح تتصنع الرقة في كلماتك وبس أنت غير .. من صوت احسك شخص حاقد على العالم كله .. خالد كان غير ما كان يقول كلام منمق خالد كان يتكلم ببرائه بعفويه .. حتى لو كانت يختار كلمات قاسيه ما كانت تجرح بالعكس كانت تداوي .. خالد من الناس القليلة .. الي يدخلون القلب ويحتلونه ولا يطلعون منه أبدا .. اما أنت فلازم تهدم السور الي عازل نفسك فيه علشان تشوف الناس حقيقتك وممكن في ذاك الوقت راح تشوف الانسانه الي راح تملك قلبها .. ولا راح يقدر احد يطلعك منه .. وعلى كل حال .. حتى لو دقيت أنا مااراح أرد .. يلا مع السلامه ..

وسكرت وخلت معاذ في دوامته الي هذا الدرجه هو إنسان كريه .. شرير .. وحده ما كلمته إلا كذا مره قدرة تعرف كل هذا الشي بس من الصوت ..

اشوي الي ينرسل له مسج منها ..

"اخوي لاتزعل مني على الكلام الي قلته لك ..

أنا حبيت اجلسك من النوم الي أنت فيه ..

  انتبه لنفسك .. "

XXXXXXXXXX@hotmail.com

وصل معاذ المطعم ودخل وشاف خالد وجلس بدون حتى مايقول ولا كلمه ..

خالد باستغراب : شفيك اليوم ..؟ لا سلام ولا كلام ..؟

معاذ : خالد أنا إنسان سيئ حيل ..

خالد ستغرب : ليش هذا السؤال ..؟؟

معاذ : قلي أنا إنسان سيئ ..؟؟

خالد بتسم : أنا مااعقد إن في إنسان سيئ وإنسان حسن .. أنا اعتقد إن في إنسان تصرفاته سيئة وإنسان تصرفاته حسنه ..

معاذ : وانا من الي تصرفاتهم سيئة ..

خالد : بس مثل ماقلتلك هذا مايعني انك إنسان سيئ .. هذا يدل على انك اختيار في طريقتك لتعاملك مع الأمور سيئة .. طبعا كلنا نقدر نغير تصرفاتنا ونحسن اختيارنا .. بس غريبة ليش هذا السوال ؟؟

معاذ : بس كذا .. فطرت ؟؟ تراني فطرت في البيت

خالد : أي .. ولا تبغيني أموت جوع جالس استناك من ساعة ..

معاذ : طيب يلا قوم ..

خالد : بس ماقلت لي وين تبغينا نروح ..؟؟

معاذ : بنروح نسوي تحاليل ماقبل الزواج ..

خالد : الحين ..؟؟

معاذ : على مانروح بيت بو سعد وناخذهم وعلى مانروح المستشفى وعلى مانمسك دور ... صارت الساعة 1 .. طالع ساعتك ترى الساعة الحين 11 ونص ..

خالد : طيب بعد اشوي بتصير الصلاه خلنا نصلي ونروح ..

معاذ : من متى تصلي ..؟

خالد : أنت تعرفني عدل أنا مستحيل افوت فرض .. أنت الي ماتصلي ويمكن حتى ماتدل القبلة وين ..؟؟

معاذ : طيب صل في بيت بو سعد ..

خالد : يؤيؤيؤ فشيله ادخل بيت الرجال وانا مااعرفه ..

معاذ : لا فشيله ولا شي .. يلا قوم ..

_-_-_-_-_-_-_-_-_-_-_-_-_-_-_-_-_-_

في بيت بو معاذ ..

جواد : ماتقوم تذلف بيتكم الحين .. ؟؟

هتان : ليش مضايقك ..؟؟

جواد : أي وجالس على قلبي ..

هتان : افاااا ..

جواد : طيب حس وانقلع بيتكم ..

هتان : ماني رايح .. ابغي اجلس ..

جواد : طيب روح اخذلك شوور .. من متى ماسبحت ..

هتان : من ثلاث أيام ..

جواد : ياوسخ وانا أقول من وين هذي الريحه .. وليش ماسبحت ..؟؟

هتان : منحاش من البيت ..؟

جواد كان يعرف إن علاقة هتان بأبوة سيئة حييل .. وكل مابين فتره وفترة هتان كان ينحاش من البيت ..

جواد : طيب روح اخذ لك شوور .. وانا برواح اجيب لك ثياب .. خذ راحتك نرى البيت مافيه احد ..

_-_-_-_-_-_-_-_-_-_-_-_-_-_-_-_-_-_

وصل معاذ بيت بو سعد ...

بو سعد : حي الله من جانا ..

خالد\ معاذ : الله يحيك ..

خالد : ممكن عمي توريني دورة المياه .. ابغي اتوضى ..

بو سعد : الباب الي على يمينك .. وأنت معاذ ماراح تروح تتوضآ ..

معاذ : بستنى خالد يجي وانا أروح ..

بو سعد : أنا أخليكم .. دقايق بس .. خذوا راحتكم ..

خالد : قوم صل ..

معاذ : ماني مصلي ..

خالد : قوم لاتفشلنا .. شنو بيقول الرجال إذا جى وشافك ماصليت ..

معاذ : يعني شنو بيقول .. ماراح يزوجني بنته .. أحسن .. وصلاه ماني مصلي ..

خالد : كيفك .. بس إن شاء الله الرجال يتأخر الي إن اخلص أنا صلاه علشان يقول انك حتى أنت صليت ..

معاذ : صل صل ..

عند بو سعد ..

بو سعد : يلا عاد يابتني .. قومي لبسي ..

جنى : ماابغي أروح ..

بوسعد : كيف بتتزوجين إذا ماراح تروحين تسوين التحليل ..

جنى : خلنا نروح بتكسي مو لازم معاه ..

بو سعد : ليش .. طيب ؟؟

 جنى رتبكت : امممم .. استحي ..

بو سعد ابتسم : أقول بلا دلع بنات وقومي تجهزي ..

جنى ستسلمت : حاضر ..

_-_-_-_-_-_-_-_-_-_-_-_-_-_-_-_-_-_-_-_

جواد : نعيماَ ..

هتان بابتسامه : الله ينعم عليك .. بس ماعندك ملابس أصغير أحس إني ضايع في هذا التي شرت ..

جواد : هههههههههه ... والله شكلك تحفه ..

هتان : لا تضحك يالقرد .. مو ذنبي انك عريض مثل اللوح .. وكل هذي العضلات ..

جواد : على الأقل أنا عريض .. وهذا الشي حلو  .. مو مثلك ... هتانوه  شوف بطنك كيف صاير تقول كوره صغيره .. ترى جسمك قام يترهل .. ههههههههه .. صديقي عجزت قبل أوانك ..

هتان صار وجهه احمر : اسكت .. لا طالع في جسمي ..

جواد : أنت الي بدية .. ماشاء الله على جسمي روعه .. تعال بس المس هل عضلات ..

هتان : أنا ماشي ..

جواد : تعال امزح ..

هتان قام يصيح ..

جواد : هتان ياربي منك بزر .. بكيفك ابكي الي إن تشبع ماني قايلك شي ..

_-_-_-_-_-_-_-_-_-_-_-_-_-_-_-_-_-_-_-_

في سيارة معاذ ...

جنى من طاحت عينها على معاذ ودموعها صارت تسيل .. وجسمها يرتجف وذاكرتها تعيشها لحظه بلحظه لحظات ذاك اليوم المشؤم ..

اما معاذ فكان يسوق وهو مو مهتم ببركان المشاعر الي يتفجر وراه .. الي ان وصلوا المستشفى .. نزلت جنى وهي مو قادره تشيل عيونها عن معاذ .. كان ودها تضربه .. كان ودها تقتله .. كان ودها تصارخ وتقوله ليش سويت فيني كذا .. ليش دمرتني .. شنو الذنب الي انا اذنبته ..

بس انصدمت لما طالعها معاذ بنظرات تكبر وغرور وسخريه وستحقار .. وعلى فمه ارتسمت ابشع ابتسامه شافتها في حياتها .. هل بتسامه قتلة شي في داخلها .. احست فيه وهو يتحطم ويختنق الي ان مات .. البتسامه قتلت روحها ..

بو سعد : شفيك واقفه امشي ..

صارت تمشي وهي تجر رجولها وتدعي ربها ان ماتخونها وتطيح .. لانها اذا طاحت راح يتشمت فيها اكثر واكثر ..

_-_-_-_-_-_-_-_-_-_-_-_-_-_-_-_-_-_-_-_-_-_

مشى باقي الاسبوع بطيئ على بعضهم وسريع على البعض الاخر ...

_-_-_-_-_-_-_-_-_-_-_-_-_-_-_-_-_-_-_-_-_-_

 جلست جنى من النوم وهي محتاره ما تدري شنو تسوي .. صارت تروح وتجي .. على كبر البيت ..

بو سعد : شفيك اليوم ..؟ جلسي ..

جنى : متوتره ياجدي ..

بوسعد ابتسم : ارتاحي هذا الشي طبيعي .. حبيبتي .. انتي متاكده انك ماتبغين تسوين لك عرس او على الاقل حفله صغيره تعزمين صديقاتك فيها .. انا الي اعرفه ان كل بنت حلمها انها تلبس الثوب الابيض ..

جنى : أي صديقات ياجدي .. انا ماعندي صديقات لا من المدرسه ولا من حارتنا ... وعلى الثوب الابيض هذا الشي مو مهم .. وهذا انت بتعز مجيرانا اليوم .. خلاص هذا كفايه ..

بوسعد : والله احس اني مقصر في حقك .. لا عرس بنسوي لك ولا جهزتك عدل .. انا حتى المهر ماسئلة عنه .. مدري كيف نسيت هذا الشي ..

جنى : هذي الاشياء ماتهمني ياجدي ..

بو سعد : بس هذا حقك ..

جنى حبت تغير الموضوع : طيب ماقال متى بيجون ..؟؟

بو سعد : بعد صلاة المغرب على طول .. طيب ماراح تروحين تتعدلين .. انت حتى مارضيتي تشترين لك فستان ..

جنى : اول مااعرف اللبس فساتين .. ماعرف الا اللبس جلابيات .. وثانيا مااحب اصبغ وجهي بحط لي كحل وكافي ..

بو سعد : والله بكيفك .. انا لو اعرف في هذي الامور كان انا رحت وجبتهم لك بدل عنادك .. بس للاسف مااعرف ..

_-_-_-_-_-_-_-_-_-_-_-_-_-_-_-_-_-_-_-_

ليلى كل عاده من تجلس من النوم مسكت الجوال وتدق على سلطان الي مارد عليها طول هذا الاسبوع .. هذا الشي مو خليها تاكل ولا تشرب .. وكل تنتظر انتصال منه .. وكل ماسمعت جوالها يرن مسكته وكلها امل تشوف المتصل حبيب قلبي .. بس كل مره يخيب ضنها ..

_-_-_-_-_-_-_-_-_-_-_-_-_-_-_-_

ومن جها ثانيه معاذ مانام طول الليل .. طول وقته يفكر بالشي الي راح يصير اليوم .. وجاته الف فكره وفكره انه مايروح ويسحب عليهم .. في النهايه جلس على النت علشان يروح هذي الافكار عن مخه ... وهو جالس تذكر الهنوف .. وراح خذ جواله وأضاف ايميلها عنده .. على طول شافها متصل عنده ..

 بُـعِدڪٌ  .. نَشفٌ الدٍمْ بـِ / عُروَقيْ ، !

مين معي ..؟؟

آذآ جآآڪَ حَبيبڪَ بعد فرقـآآ يَطلبْ آلرُجُۈع ..! قــلـﮧ آنـآ من آلنۈع آذآ ضـآآعت جزمتي رميت آلثـآآنيـﮧ..

انا معاذ .. اخو خالد .. عرفتيني ..

 بُـعِدڪٌ  .. نَشفٌ الدٍمْ بـِ / عُروَقيْ ، !

هلا والله .. توقعتك ماراح تدخل ولا راح ترسل الي قلتلك عليه ..

آذآ جآآڪَ حَبيبڪَ بعد فرقـآآ يَطلبْ آلرُجُۈع ..! قــلـﮧ آنـآ من آلنۈع آذآ ضـآآعت جزمتي رميت آلثـآآنيـﮧ..

انتي ماقلتي شي .. وانا عادي متقبل رايك فيني .. وان شاء الله راح اقدر اغير هذي الفكره الي كونتيهاا عني ..

 بُـعِدڪٌ  .. نَشفٌ الدٍمْ بـِ / عُروَقيْ ، !

طيب وين الصور ..؟

آذآ جآآڪَ حَبيبڪَ بعد فرقـآآ يَطلبْ آلرُجُۈع ..! قــلـﮧ آنـآ من آلنۈع آذآ ضـآآعت جزمتي رميت آلثـآآنيـﮧ..

دقيقه بس ..

" وراح فتح مستند فيه صور لخالد وختار احسن ثلاث صور ورسلهم لها " ..

" الهنوف اول ماشافته انزلت دموعها .. "

 بُـعِدڪٌ  .. نَشفٌ الدٍمْ بـِ / عُروَقيْ ، !

مثل ماتوقعت .. البسمه ماتفارق شفايف .. يلا مع السلامه وامسح ايميلي ..

وطلعت .. وانقهر معاذ منها حيل مو عارف كيف يجيب راسها كل مالمها قالت خالد وخالد ..

_-_-_-_-_-_-_-_-_-_-_-_-_-_-_-_-_-_-_-_-_-_

شخص ثاني ماقدر ينام طول الليل .. بس مو من التفكير .. من الالم الي فيه .. هتان كان يصارخ من الالم الي في بطنه .. ويحس ان سكاكين تقطع فيه ..

الجوري <<< اخت هتان الاكبر منه : يمه .. يمه ..

أم عزام : شفيك تصارخين ..؟؟

الجوري : يمه لحقي على هتان ..

أم عزام : شفيه ..؟؟

الجوري : جالس يصارخ ..

أم عزام ماستنتها تخلص راح تسرع لولدها .. دخلت عليه الغرفه وشافته ماسك بطنه ..

أم عزام بخوف : هتاان شفيك ..؟؟ ياقلب امك انت شنو صار لك ..

هتان : يمه لحقي علي بمووووت .. بطني يتقطع ..

أم عزام : جعل يومي قبل يوم .. الجوري سرعي نادي ابوك او واحد من خوانك خليهم يودونه المستشفى .. سرعي ..

الجوري راح تسرع ..

هتان : لا يمه ماابغي اروح المستشفى ..

أم عزام : شنو ماتبغي تروح تبغي تموت .. انت .. لا يمه لازم تروح ..

وجات الجوري تسرع معاه خوانها نايف و نواف ..

نايف : يمه شفيه هتان ..

أم عزام : والله مدري .. بسرعه شيلوه خل نوديه المستشفى ..

هتان : مااااابغي .. آآآآآآآآه ...

_-_-_-_-_-_-_-_-_-_-_-_-_-_-_-_-_-_-_-_-_

في المستشفى ..

أم عزام : هااا شفيه يادكتور ..

نهاية البارت السادس