الجزء الثاني .^_^.
في الليل في بيت بو معاذ
: خل الفلم لا تفره ..
: روحي انقلعي أنا ابغي أشوف المباره ..
: بس أنا جالسه قبلك ..
: وانا اكبر منك ..
إلا على دخلت معاذ عليهم ..
معاذ : اووووه الواحد مايعرف يرتاح في هذا البيت ..! ليلوه شفيك تصارخين ؟؟
ليلى : شوف أخوك أنا جالسه أشوف فلم وجى وفر عنه ..
معاذ : جويد رجع لها فلمها خلنا نخلص من صوتها ..
جواد : ياخوي هذا مبارة الهلال ..
معاذ : والله الحين المباره .. مو أنها الساعة 8 ونص ..
جواد : لا ..
معاذ يكلم ليلى : وخري أنتي خليني أشوف .. كم النتيجة الي الحين ؟؟
جواد : 0_0 ..!
._._._._._._._._._._._._._._._._._._._.
جواد <<< 21 سنه .. يشبه أخوه كثير في الشكل .. وبعض الناس إذا شافهم مع بعض يسألونهم إذا هم توأم .. مع هذا مختلف عنه في التصرفات لأنه طيب حيييل ولا يطلع الغلط منه ..
ليلى << 19 سنه .. مغرورة وأنانيه مثل أمها وتشوف أنها أحسن من الناس كلهم مايهمها احد ولا تحط حساب لأحد ..
._._._._._._._._._._._._._._._._._._._.
ليلى : لا والله .. أشوفكم خذتوا راحتكم .. مالي دخل ابغي أشوف فلمي ..
جواد : قومي شوفيه فوق ..
ليلى : مابغي ابغي أشوفه هنا .. أنا جيت قبلكم ..
معاذ : ترى إن ماسكتي بخلي وجهك احمر من الكف الي بيجيك ..
ليلى : أتحداك علشان أبوي يكسر يدك ..
معاذ توه بيقوم .. إلا هي خافت ونحاشت ..
جواد : ههههههههه ... بنات أخر زمن مايجون إلا بالعين الحمره ..
معاذ : اسكت بعد أنت خلني أشوف المباره عدل ..
إلا تجيهم أم معاذ وهي تسرع ..
أم معاذ : مين فيهم الي ضربك ؟؟
ليلى ورى أمها : معاذ ..
أم معاذ : جعل يدك القص قول أمين ..
معاذ : أنا ضربتها ..
جواد بصدمه : ليلوه يالكذابه متى الحين معاذ لمسك ؟؟
ليلى : مو بس معاذ الي ضربني حتى جويد صارخ علي .. مو مخليني حتى أشوف الفلم الي أبغيه ..
أم معاذ : بعد .. كان قتلتوها يلي ماتستحون ..
معاذ : الفروض نقتلها ..
جواد : عمري ماشفت وحده تكذب كذا ..
أم معاذ : أقول أنت وياه خلوها تشوف الفلم بسرعة ..
معاذ : إحنا جالسين نشوف المباره ..
أم معاذ : روحوا ذلفوا شوفوها في مكان ثاني ..
وترح وتفر على الفلم ..
جواد مسك معاذ : قوم بس خلنا نروح مكان ثاني خلها تولي مردها بتحتاج وبتجي لنا ..
_-_-_-_-_-_-_-_-_-_-_-_-_-_-_-_-_-_-_
في نفس الوقت في بيت بو سعد ..
جنى : شفيك ياجدي .. أكل ولا طباخي مو عاجبك ..
بو سعد : افاا يابنتي وانا القى مثل طباخك ..
جنى : اجل ليش ماتاكل ..؟
بو سعد : والله مدري بس حاس إني تعبان ..
جنى بخوف على جدها الي مالها في الدنيا غيره : سلامتك ياجدي .. قوم خلنا نروح المستشفى ..
بو سعد بابتسامه : لا شدعوه مستشفى مايحتاج ..
جنى : قوم ياجدي خلني اتطئن عليك ..
بو سعد : مافيني شي .. بس شكلي مانمت عدل أمس .. الحين أنام وبكره تشوفيني مثل الحصان ..
جنى قامت وحضنت جدها : الله يخليك لي ولا يحرمني منك قول أمين ..
بو سعد : أمين ..
_-_-_-_-_-_-_-_-_-_-_-_-_-_-_-_-_-_-_
في اليوم الثاني .. في احد المقاهي ..
خالد : معاذ أنت مجنون ..؟
معاذ : أنا مقهور .. ! لو مأسوي الي براسي بستجن ..
خالد : عاد بهذي ألطريقه .. لالا أصلا أنت جنيت من الحين ..
معاذ : خلاص أنا قررت وانتهى الموضوع ..
خالد : لا ماانتهى .. ماراح ينتهي الي إن تغير الي في راسك والله العظيم الشي الي تفكر فيه مو سهل .. بعدين شنو ذنب البنت .. انتقم من أبوها ماعليك منها .. ليش تدمر مستقبلها ..
معاذ : شفيه قلبك صار حنون .. نسيت كل البنات الي .......
خالد : كلهم هم الي جاو برضاهم مافي وحده منهم خذتها غصب .. لو واحد فيهم قالت لا مالمستها ..
معاذ : نفس الشي ..
خالد : لا مو نفس الشي ..
معاذ : اوووف .. ياخي تراك عورت راسي بحنتك .. بتسكت ولا أقوم امشي أنا أحسن ..
وتوه بيقوم مسكه خالد وجلسه ..
خالد : اجلس يارجال .. وخلاص ماني متكلم في هذا الموضوع وأنت بكيفك .. شوف مو هذا أخوك ..
معاذ : اووف .. شنو يجيبه هذا هنا بعد ..
خالد : حتى أخوك مالك خلقه ..
معاذ : إي عندك مانع ..
جواد انتبه على أخوه وراح له مبتسم ..
جواد : هلا والله .. وانا أقول ليش المكان منور ..؟
خالد : أكيد لأني أنا موجود .. حياكم جلسوا ..
جواد وهو يجلس : ومين الي كلمك أنت ..!! أنا كنت اكلم اخوي حبيبي .. بس غريبة ماشفت سيارتك برا ..
معاذ بملل : جاي بسيارة خالد ..
جواد وهو يفكر : إلا لي يومين ماشفت سيارتك وينها ؟؟
معاذ : لا حول في الورشة ..
جواد : ليكون صادم فيها ..؟ ترى أبوي بيذبحك ..
معاذ : تحقيق هو ..
خالد : أعصابك يارجال .. لا تنفجر علينا ..
جواد : شفيه معصب ..؟؟
معاذ : مافيني شي .. يلا خالد خلنا نمشي تأخرنا ..
خالد باستغراب : تأخرنا ..!! إي صح تأخرنا .. يلا أنا استأذن يا شباب .. !!
ومشوا ..
جواد يكلم نفسه : شفيه هذا ..؟؟
هتان : هاااي عبرنا شوي ولا أنا لوح جالس يمك ؟؟
جواد : ههههههههه .. أسف ..
_-_-_-_-_-_-_-_-_-_-_-_-_-_-_-_-_-_-_
في سيارة خالد
خالد يطنز : تأخرنا على شنو ؟؟ على الشركات حقينا ولا على أم العيال ؟؟
معاذ : تراني مو ناقصك الحين ..
خالد : شنو مسوي لك أخوك علشان تعامله كذا بعد ..
معاذ : مو مسوي شي ..
خالد : إلا مو أبوك قالك انه يبغي تشتغل معاه في الشركة ..؟؟
معاذ : إي ..
خالد : وليش مارحت اليوم ..!!
معاذ : مالي خلك ..
خالد : ماراح يسوي لك مشكله ..؟؟
معاذ : يعني شنو بسوي أكثر من الي سواه ..
خالد : ممكن يطردك من البيت ..
معاذ : يكون أحسن ..
خالد : تبغي تعيش مرد في الشارع ..
معاذ بعصبيه : خوييييلد ...
خالد : خلاص أعصابك ..
يرن جوال خالد .. الي طالع الرقم ورجعه الجوال مكانه من دون مايرد ..
معاذ : ليش مارديت ..
خالد : هذي خويتي مابغي اكلمها ؟
معاذ : وليش ..؟؟ تتغلى ..
خالد : مسويه نفسها شريفه .. أقولها طلعي معاي مو راضيه تقول تخاف .. وأنت تعرفني مااحب هذا النوع ..
معاذ : أنت تحب ألسهله ..
خالد : ايوه تكلم أبو التحديات .. خلاص أتحداك تخليها تطلع معاك .. تراني لي الحين 6 أشهور وانا اكلمها والي الحين ماادري عنها شي غير إن اسمها الهنوف ..
ويرن جواله مره ثانيه ..
معاذ : وانا قبلت التحدي .. أشوف جيب جوالك .. خلني أرد عليها ..
ويعطيه الجوال ..
معاذ : الوووو ..
الهنوف : خالد حرام عليك .. أسبوع ماسمعتني صوتك حرام عليك تعلقني فيك .. بعدين تسحب علي .. وين كلامك لي انك ماراح تتخلى عني مهما كان .. مو أنت حلف لي انك غير عن كل الي يلعبون ..
معاذ : الوو أختي ..
الهنوف انفجعت : مين معاي ؟؟
معاذ بحزن متصانع : أنا معاذ أخوا خالد ..
الهنوف برتباك : هاااا ..
وتوها بتسكر ..
معاذ : خالد عط عمره
خالد من سمع هذي الكلمة داس على ألبريك لدرجه انه كان بيصدم في سيارة .. ولف على معاذ وضربه على كتفه .. بس معاذ اشر عليه يسكت ..
الهنوف بصراخ : شنو فيه خالد وين خالد ؟؟
معاذ وهو يتصنع البكاء : أقولك خالد راح مات خالد خلانا وراح ..
الهنوف : لالا أنت تكذب .. أنت كذاااااااااااب .. كيف يموت ويخليني ؟؟ مااصدقك ..
خالد بهمس : شنو تسوي ؟؟
معاذ ماعطاه وجه وكمل : قبل أسبوع صار عليه حادث وتوفى قبل يومين ..
الهنوف : لالا مايصير يموت .. هو واعدني انه راح يعيش معاي الي إن تعجز ..
معاذ يوخر الجوال عنه ويهمس لخالد ..
معاذ : أنت واعدها انك تتزوجها ؟؟
خالد : وعدتها علشان اقدر اضبطها بس مافي فايده تقولي أول تعال خطبني بعدين تشوفني ..
معاذ يرجع الجوال : بعد هذا الشي مو بكيف غصب عنه ..
الهنوف كانت تصيح ..
معاذ : أختي ابغي اسئلك ؟؟
الهنوف وهي تشاهق من الصياح : نعم ..
معاذ : أنتي الهنوف ؟؟
الهنوف استغربت : إي .... أنا .. ليش ؟؟
معاذ : أخيرا ..
الهنوف : كيف تعرفني ؟؟
معاذ : أنتي وصيت المرحوم لي ؟؟
الهنوف : وصيت ..!!! أنت شنو جالس تخربط .. ؟؟
معاذ : خالد قبل مايموت قالي عنك وقالي انه يحبك حيل ووصاني عليك قالي إني أقولك ترى هذا الشي غصب عنه .. وانه كان ناوي يقول لأني يجي يخطبك لما تتحسن الضروف .. بس للأسف الله ماكتب حتى يشوفك .. الهنوف كان هذا أخر شي يقوله خالد قبل مايموت .. كان يقول معاذ وصيتي لك الهنوف .. لا تخليه تبكي ولا تحزن .. لأنه هذا الشي راح يعذبه في قبره حيل ..
خالد : إي .. الكذب .. !!
معاذ : أنا ادري انك مستحيل راح تنسينه بس أنا من كلام خالد عنك وتمسكه فيك الي أخر نفس عنده خلاني احبك ..
الهنوف : أنت شنو تقول ؟؟
معاذ : أنا بجي أخطبك علشان أنفذ وصيت المرحوم ..
الهنوف : لا ...لا لا لا .. أنا ماابغي غير خالد .. أنا ابغي خالد خالد وبس ..
خالد : ياولد أنت انجنيت ؟؟
معاذ : وخالد يبغيك تعيشن حياتك بسعادة .. وانا مستعد إني أعيشك احلى حياه ..
الهنوف : لا ماابغي .. يلا باي ..
معاذ : الهنوف فكري عدل ..
الهنوف بصياح أزيد : خلاص اسكت مااقدر أتحمل ..
معاذ : يلا مع السلامه ..
وسكر ..
خالد : أنت شنو سويت ؟؟
معاذ : ياغبي كيف أخليها تتعلق فيني إذا كانت تحبك ؟؟ خلنا نصبر عليها كم يوم بعدين اتصل عليهم ..
خالد : ترى بدية أخاف منك .. الحين وين نروح ؟؟
معاذ : ابغي أروح أنفذ انتقامي ..
خالد : من جدك أنت ؟؟ انهبلت أنت .. اليوم عاد ..!!
معاذ : إي اليوم الحين العجوز في الشغل .. وماحد يقدر يوقفني ..
خالد : أعقل ياولد ..
معاذ : بتوصلني ولا انزل الحين وأروح بتكسي .. بس لاتجي تكلمني مره ثانيه ..
خالد : خلاص بوصلك .. بس أنا مالي شغل في شي ..
_-_-_-_-_-_-_-_-_-_-_-_-_-_-_-_-_-_-_
بيت بو معاذ ..
ليلى : يمه شرايك في هذا الفستان ..؟؟
أم معاذ : مو كان الي قبل لونه احلى ..
ليلى : بس هذا قصته احلى .. !!
أم معاذ : والله معاكي حق .. حتى مطلعك اضعف ..
ليلى : يمه يعني أنا متينة ..
أم معاذ : ايوه .. شوفي حتى طالعلك بطن ..
ليلى : يمـــــــــــــــه ....
أم معاذ : أقول لاتصارخين .. نزلي وزنك بدال هذا الاصراخ ..
ليلى : يعني خلاص البس هذا الليلة ؟؟
أم معاذ : إي لبسيه ..
ليلى : إلا ماقلتيلي مين زواجه الي بنروحه اليوم .. ؟؟
أم معاذ : تعرفين جارتنا أم حمد تصير بنت أخوها ..
ليلى : إي وحده فيهم ؟؟
أم معاذ : والله ناسيه اسمها .. بس أنتي ذاك اليوم شفتيها .. في خطوبه بنت أم سلطان .. البنت الي لابسه اخضر ..
ليلى : إي عرفتها .. ويع هذي مين المجنون الي خذها .. الحين هذي تتزوج وانا ولا واحد جاي يخطبني .. !!
أم معاذ : هذا من قرادت حظك .. شكلك بتجلسين على قلبي ..
ليلى : يوووه بسم الله علي .. فال الله ولا فالك ..
أم معاذ : خلصي علي بس .. خليني أقوم أنا بعد اختار شنو البس ..
ليلى : إلا ليش ماتشترين لك شي جديد من أسبوع ماشرينا شي ..
أم معاذ : والله خوش فكره .. روحي دقي على السواق خلينا نروح السوق ..
ليلى بفرح : وبلمره اشتري لي اكسسوارت ..
_-_-_-_-_-_-_-_-_-_-_-_-_-_-_-_-_-_-_
نهاية البارت الثاني
ليست هناك تعليقات:
إرسال تعليق