البارت الخامس .^_^.
بو سعد : يقول جاي يخطب ..
جنى : يخطـــــــب .. يخطب مين .. ؟؟
بو سعد : يعني مين يخطبك أنتي ؟؟
جنى بدون شعور منها كان احد ثاني يتكلم عنها : انااا يخطبني انااا .. قوله موافقة ..
بو سعد : يؤيؤيؤ ليكون جالك من جنونه .. شفيك قلبتي توك قبل اشوي تبغيني اطرده والحين تبغين تتزوجنه والله أنا اشك إنكم صاحين .. بعدين مستحيل أوافق أهله مايدرون يعني يبغي الزواج يكون بالسر ..
جنى صارت تبكي : تكفى جدي وافق .. أنا عمري ماطلبت منك شي .. هل مره ابغي اطلب منك انك توافق .. تكفى روح قول له إن حنا موافقين ..
بو سعد : جنى بنتي فيكري شوي ترى هذا زواج مو لعبه ..
جنى : جدي أنا أبغيه .. أنا من شفته أخر مره وانا مو قادرة أناسه أخاف إذا طلع الحين مايرجع .. ترى إن مازوجتني إياه راح أسوي في نفسي ..
بو سعد : بسم الله عليك .. خلاص هدي نفسك .. ومايصير خاطرك إلا طيب مسحي هذا الدموع أشوف خلاص بقوله إني موافق ..
جنى راحت غرفته وزاد بكائها ..
بو سعد وهو داخل على معاذ : لاحول ولا قوه إلا بالله ..
معاذ وقف وخذ الصينية الي في يده : شفيك ياعمي ..
بو سعد : مافيني ..
معاذ : هااا شنو قلت على الي قلتلك .. ؟؟
بو سعد : موافق .. وتوني سائل البنت وقالت أنها هي موافقة ..
معاذ : الله يبشرك بالخير .. خلاص اجل بكره راح أجيب الشيخ معاي ونملك ..
بو سعد : شنو بكره ..
معاذ : عمي خير البرى عاجلا ..
بو سعد : لا بكره لا خل البنت تجهز نفسها وتتعدل.. وبعدين أنت ناسي إن في شي اسمه التحليل ما قبل الزواج .. أنت حلل وخل البنت تحلل ... وان شاء الله الملكة يوم الخميس الجاي .. وغير هذا الكلام ماعندي ..
معاذ : خلاص الي تشوفه .. اجل أنا استأذن الحين ...
بوسعد : وين ؟؟
معاذ : والله مابغي أزعجكم أكثر من كذا ..
بو سعد : أي ازعاج أنت حتى ما شربت القهوة حقتك ..
معاذ : إن شاء الله اشرها يوم الخميس ..
بو سعد : يعني مصمم انك تمشى ..
معاذ : الصراحة ياعمي أنا جاي مع صديقي والحين هو جالس يستناني برا ..
بو سعد : وليش ماخليته يدخل معاي ...؟؟
معاذ : الصراحة ماكنت ادري كيف ردك لي راح يكون فماحبيت إن وجود صديقي يؤثر عليك .. ويخليك تسامحني بس علشان ماتحرجني قدامه .. كنت أبغيك تسامحني من قلبك ..
بو سعد بابتسامه : ترى الدنيا قصيرة لو بنعيشها وحنا نحقد ونزعل من الناس ماراح نعيش سعيدين نهائيين .. بعدين الله سبحانه وتعالي يسامح ويغفر الأخطاء ماتبغيني أنا العبد أسامح ..!!
معاذ : والله هذا من طيب أصلك ..
بو سعد : روح خل صديقك يدخل مو حلوه يجلس برا ..
معاذ : لا خلاص ياعمي خلها يوم الخميس يجي ويشهد بعد على كتب الكتاب ..
بوسعد : على راحتك ..
معاذ : يلا ما أوصيك ياعمي لا تقول شي لأبوي ..
بو سعد : إن شاء الله مع إني ترى مو عاجبني الموضوع .. بما إن بنتي راضيه وأنت إن شاء الله تقول أبوك قريب .. فانا مااقدر اوقف في طريقكم الله ..
معاذ : مشكور ... وماتقصر .. يلا مع السلامه ..
بو سعد : الله يسلمك ..
ويطلع ويركب السيارة ..
خالد : هاااا بشر ..
معاذ : وافقة مثل ماقلت .. شكلها تبغي الستر وبس ... والملكه يوم الخميس الي بيجي ..
خالد : وأنت الي سويته فيها هين ..
معاذ : اسمع يوم الخمس الجاي أبغيك تعدل نفسك وتجي تشهد ..
خالد : انااا ...!!!؟؟
معاذ : أي أنت مو أنت الي تبغيني تتزوج ...
خالد : أنا أصلا اتشرف انك اخترتني إني اشهد ..
معاذ : يعني بذمتك صديقي واقرب الناس لي .. وأنت الي تحفظ اسراري تتوقع إني راح اخلي غيرك يشهد ..
خالد : طيب ومين الشاهد الثاني ..
معاذ : بكلم هالشايب يخلي احد من الي يعرفهم يشهد ..
خالد يطنز : إلا ماخلاك تشوف البنت نظره شرعيه ..
معاذ : تبغي افقع وجهك ..؟؟
خالد يضحك : لا خلاص امش ... !!
جنى من وافقت على الزواج ودموعها تنزل مثل الشلال على خدودها الي ذبلوا من كثر الصياح .. هل الي سوته صح .. ولا كان المفروض تقول لجدها على الي سواه فيها .. بس هو جاي يتزوجها يعني مو مهم .. أهم شي تطلع من هذي المصيبة الي هي فيه .. يعني مستحيل راح تزوج احد غيره .. وجدي ماراح يرضى يخليني بدون زواج أكيد راح يشك فيني .. وإذا تزوج أكيد راح انفضح .. بعدها ماراح يقولون الناس أنها مغتصبينها .. بعدين يمكن هو كان في ذيك الفترة معصب من جدي لأنه أكيد سوا له مشاكل كبيره في البيت مو بعيده يكون أبوه هدده يطرده .. علشان كذا حب ينتقم .. والحين حس بالندم وحب يصلح غلطته .. بس شنو راح أسوي إذا هو تزوجني بس علشان يكمل انتقامه من جدي .. لالا أهم شي انه يتزوجني بعد كذا إذا مارتحت معاه ننفصل ..
بو سعد يضرب الباب : جنى ... ياجنى ..
جنى مسحت دموعها وحاولت تتماسك علشان ماتنزل سيل جديد من الدموع : تفضل ادخل ياجدي ..
بو سعد بنظرة عتاب : جنى .. شفيك هذا الأسبوع .. كل حابسه نفسك في الغرفة .. ودايم دمعت على خدك .. والابتسامه الي كانت ماتفارق وجهك انمسحت ماصرت اشوفها .. ويوم بس دريتي إن معاذ جاي يخطبك على طول وافقتي .. حتى ماستخرتي أو حتى راجعتي نفسك ترى الولد بياخذك بسر .. يعني حتى لو دروا أهل بعدين ممكن مايتقبلونك لأنه تزوجك بدون علمهم ..
جنى ماقدرت تمسك دموعها أكثر من كذا ورجعوا يجرون على خدودها بسرعة حطت راسها في حضن جدها علشان تخفيهم عنه ...
بو سعد : الي الحين هذا الدموع تنزل .. قولي لي شنو فيك .. ولا تقولين إن بسبب اشتياقك أبوك وأمك .. أكيد في سبب ..
جنى : مدري شفيني ياجدي .. أحس إن الدنيا خانقتني .. مو قادرة اتنفس .. ابغي احد يشيلني من الي أنا فيه ..
بو سعد : طيب من شنو ..؟؟ فتحي قلبك لي .. مو شرط انك تتزوجين كذا علشان يروح همك .. يمكن أنت كذا راح تزيدين همك هم ..
جنى : مدري مدري ياجدي .. بس أنا خلاص وافقت وانتهى الموضوع .. ولا راح اغير رأيي أنا ابغي اتزوج ..
بوسعد : أنا مقصر عليك في شي .. ضايقتك في شي ..
جنى باست رأس جدها : لا تقول هذا الكلام لولاك أنت كان أنا ميتة من زمان ..
بو سعد : طيب .. الحين أنتي تبغين تتزوجي .. ليش تبكين ..؟؟ مو المفروض البنت تفرح في هذا اليوم ..؟؟
جنى : ابكي لان أمي مو موجودة يمي علشان تنصحني .. وتقولي شنو أسوي .. ؟؟
بو سعد : وانا موجود راح أنصحك وراح أوصيه عليك ..
جنى : والله العظيم أنت صاير لي دنيتي كلها .. الله يخليك لي ..
بو سعد : اجل خلاص مسحي الدموع .. وفرحي والله كبرتي يابنتي وصرتي عروس .. يلا قومي مسكي هذا الفلوس خذيهم .. وخليني اوديك السوق تشترين لك شي تلبسينه .. أو تشترين الأشياء الي تحتاجهم العروس في هذا اليوم ..
جنى : لا ياجدي مايحتاج ..
بو سعد : أقول خذيهم لاتزعليني منك ..
جنى : الله يخليك لي ..
_-_-_-_-_-_-_-_-_-_-_-_-_-_-_-_-_
هتان : جواد ..
جواد : نعم ..
هتان : شفيك ترد بدون نفس .. !!
جواد : مشتهي تتسطر ..؟؟
هتان : افااا تسطرني أنا ..
جواد : هتاااان شنو تبغي اخلص مو عارف اسوق وأنت جالس تزن على راسي ..
هتان : شفيك معصب علي .. ؟؟
جواد : ماني معصب عليك .. هتان كم مره قلتلك لا تصير حساس زيادة عن الزوم .. ويلا انزل ..
هتان : ليش ..؟؟
جواد : شنو ليش .. ؟؟ انزل وصلنا المكتبه .. مو على أساس إن حنا بنشتري أغرض للجامعه الي راح تبدأ بعد أسبوع ..
هتان بدلع : وووواه صح .. عصبيتك نستني .. خلاص سامحتك بس عطني بوسه ..
جواد : ياربي رجع يقول عصبيتي .. هتااان ترى اسلوبك ينرفز أنت مو بنت علشان تتكلم كذا .. أو تتصرف كذا .. كم مرع قلتلك اسلوبك هذا غلط .. وبعدين شنو عطني بوسه أنت شكلك ماحد فقع وجهك من زماان .. ويبغيلك تفقيع .. خل عنك حركات الوراعين .. أو كان في المدرسة وفي فترت المراهقه وقلنا طيش شباااب بيتعدل إذا كبر .. بس أنت العكس كل ماكبرت صرت بنت أكثر وأكثر .. وهذا الفترة بزياده ... احسك مريض يارجال ..
هتان : جواااد ترى هذا الشي غصب عني .. لا شعرين أنا اتصرف كذا .. " بدأت يبكي " ..
جواد متفاجئ : شفيك أنت .. ليش تبكي .. ؟؟ خلاص أنا أسف ..
هتان يبكي : جواد أنا ادري إن وضعي غلط .. بس مدري شنو أسوي فني شي غلط .. وهل فتره بطني دايم يالمني .. وحس إني متوتر ..
جواد : طيب روح المستشفى ..
هتان : خايف ..
جواد : خايف من شنو ..؟؟
هتان مسح دموعه : أنا من صغري ماحب المستشفيات وكل مره إذا مرضت مارضى أروح .. وعلى كل حال أنا ماامرض بسرعة ...
جواد : طيب والآلام الي صرت تحس فيها ..
هتان : تقدر تقول إني متعود عليها .. كل مابين فتره وفتره تجيني .. بس هل الأيام زايده علي كثيير .. يلا خلنا ننزل المكتبه ..
جواد مااحب يضايقه أكثر ونزلوا ...
_-_-_-_-_-_-_-_-_-_-_-_-_-_
ليلى : اووووه ياقلبي كم مره بقولك إني مااقدر اطلع معاك .. شكل هذي الفكرة من راسك ..
سلطان : طيب ليش حبيبتي ماتبغيني أشوفك ..؟؟ أنت ماتحبيني ..!!
ليلى : أنا مو احبك بس أنا اموووت في الهوى الي أنت تتنفسه ..
سلطان : كيف تموتين في الهوى الي أنا اتنفسه وأنتي بعيده عن أي شي قريب مني ..
ليلى : وانا شنو بيدي أسوي .. أنا بنت مايصلح اطلع من البيت لحالي أهلي مايرضون ..
سلطان : ومين قالك تطلعين لحالك .. طلعي مع وحده أنتي تثقين فيها .. ومستحيل تخونك ..
ليلى : لا صعبه .. ماقدر ..
سلطان : أنا ماقلتلك خلينا نتقابل في مكان خاص .. إحنا راح نتقابل في مكان راح يكون كله ناس وأنتي راح تكوني معاك وحده يعني من شنو خايفه ..؟؟!
ليلى : أخاف اتعود عليك واتجرئ ..
سلطان : افاااا .. يعني تتعودين على شوفتي شي يخوف الي هذي الدرجه أنتي مو واثقه فيني ..؟؟!
ليلى : بالعكس أنا واثقه فيك أكثر من نفسي .. بس أنت تدري إن مجتمعنا ماراح يرحمنا .. يعني لو طلعت معاك ماراح يقون الناس هذيلي اثنين يحبون بعض .. لا .. راح يقلون هذا البنت صايعه .. ماشيه على حل شعرها ..
سلطان : خلاص قفلي الموضوع ..
ليلى : زعلت ..؟؟
سلطان : لا ليش ازعل .. كل مافي الموضوع إن حبيبتي ماتبغي تقابلني .. ومو واثقه فيني ..
ليلى : سلطان ..!!
سلطان : خلاص مايحتاج تقولين شي .. يلا مع السلامه ..
ليلى : مايصير تزعل من هذا الشي ..
سلطان : طيب تبغين شي أنا مشغول ..
ليلى : حرام عليك تسوي فيني كذا !!
بس سلطان كان قفل في وجهها ..
ليلى : ياربي والله قهر .. شفيه هذا صار يعاملني كذا ..
_-_-_-_-_-_-_-_-_-_-_-_-_-_-_-_
في المكتبه ..
هتان جالس في قسم الروايات العالمية .. وجواد في قسم الكتب العلمية ...
إلا مجموعه من البنات يمرون يمه ..
: لو سمحت اخوي ممكن تبعد شوي ابغي اخذ كتاب من هنا ..
جواد : تفضلي ..
: شكرا .. مسكي هذا الكتاب الي لك ساعة وأنتي تدوينه .. زعجتينا عليه ..
: بعد شنو أسوي هذا الغبي له كان واقف قدامه ..
جواد : وليش الغلط .. ترى الغبي الي الحين واقف ستني الي إن مشي وسبيه ..
ومشى .. وراح لعند هتان ..
هتان بسخريه : هااا خلصت من المغازل ..
جواد : مغازل ..!!
هتان بعصبيه : طول الوقت وهو جالسين يلمحون لك في النهاية تعبوا انك تحس .. أعرفك صديقي إذا مسكت الكتاب مستحيل تتركه .. في النهاية جات وكلمتك .. ها عطتك رقمها .. ولا أنت الي عطيتها رقمك ..؟؟
جواد ببرود خذ كتاب وجلس يتصفحه : هااا خلصت .. ولا باقي ..؟؟
هتان أنقهر : ابرد ماعندي أحر ماعندك .. مو أنت الدايم أول تقول لي عيب هذا الشي ..
جواد : طيب خلص .. وانا بروح أحاسب وانتظرك في السيارة ..
هتان : على طول بتروح تكلمها .. طيب انتظر خلك ثقيل ..
جواد : لا طول علشان بروح أنا اجيب ثوبي من المغسلة ..
وتوه بمشي .. إلا مسكه هتان .. هنا جواد فقد اعصابه الي كان ماسكها .. وعطاه كف خله من قوته يطيح في الأرض ..
جواد : أنا ماشي إذا رجعت هتان الي اعرفه تعال كلمني ..
ومشى .. هتان لحقه بسرعة ..
هتان : جواد ..
جواد يعد الي العشرة علشان يهدئ مره ثانيه : مو هنا خلنا نطلع من المكتبه مانبغي فضايح ..
وحاسب .. وطلعوا ..
جواد : البنات كانوا يبغون كتاب كنت أنا واقف قدامه ..
وركب السيارة وخل هتان واقف ..
جواد : هتااان .. دق على احد يجي يأخذك ..
هتان شهق : شنو ؟؟ أنا أسف .. جواد .. والله ما كان قصدي ..
جواد : وأنت كل ماسك لي كلمة مو قصدي .. شنو الي مو مقصدك ؟؟ لو إني مو متأكد إن الي قدامي ولد وصديقي من أيام الابتدائية ويدرس معاي في نفس الجامعه .. واعرف أخلاقك عدل وانك متربي .. كان قلت انك جالس تغار علي وتسوي مثل المراهقين الي مو متربين الي يحبون بعض والي يتشبهون بالبنات .. للأسف ياصديقي تراك خيبت ضني فيك أنا الي دايم أدافع عنك وتركت كل ربعي علشانك وتحملت كل حركاتك وتشبهاتك بالبنات قلت يلا مو مشكله بيجي يوم ويعرف غلطه ... بس انك تسوي انك تغار علي ومدري بكره تقول انك تحبني ومدري شنو ولا عااد الي هنا وحدك .. الرجال كل ما كبر تمسك برجوليته وأنت كل ماكبرت نسيت انك رجال ..
ومشى وخل هتان غارق في دموعه ...
عند معاذ .. كان جالس مع احمد وخالد .. في شقه أحمد ..
خالد : حمود غريبة الشقة اليوم مرتبه ..
أحمد : خويتي كانت أمس عندي وماحبت تخلي شقت حبيبها وسخه تدري البنات يموتون على شي اسمه نظافة وترتيب ..
خالد : الحين أنت من جدك تحبها ..
أحمد : لا تخسي هذا الي ناقصني .. بس خلني أتسلى عليها كم أسبوع بعديم أغيرها .. بعدين أنا المستفيد .. الغبية هي الي تصرف علي توها معطتني 1000 ريال ..
خالد : وليش ..؟؟
أحمد : بس قلتلها إن أبوي حارمني من المصروف لأني صدمت بسيارتي .. فقلت لها ممكن تسلفيني 1000 ريال وبعدين إذا رضى علي الوالد أرجعهم لك ..
خالد : والله انك مو هين .؟
أحمد : أعجبك ..
معاذ : من زمان ماجبت لنا بنت ..
خالد طالعه باستغراب : وأنت ماتوب بعد الي صار لك ..؟؟
أحمد : مو كأنك المرة الاخيره قلت انك تبغي بنت حق تحدي وانك أنت الي تخرفنها وتجيب راسها ..
معاذ : اخلص عندك بنات ولالا ..
أحمد : ماطلبت شي الحين أدق على خويتي تجيب لنا كل واحد وحده ..
خالد : وهذي خويتك عادي عندها تروح مع وحده غيرها ..
أحمد : يب عندها الوضع فري .. أهم شي إن أنا لها تدري البنت واثقه فيني بزياده ..
خالد : وعاد أنت مو أهل لهذي الثقة ..
أحمد : وبكل فخر ..
معاذ : اخلص أنت وجهك .. كلم خويتك .. خلنا نستانس الليلة ..
_-_-_-_-_-_-_-_-_-_-_-_-_-_-_-_-_-_-_
جواد من وصل البيت وجواله حترق من المكالمات وكلهم من هتان .. فوق 40 مكالمة وغير الرسائل الي كلها اعتذار ...
جواد من طبعه انه إنسان مسامح وطيب .. علشان كذا في النهاية رد عليه ..
هتان وهو يبكي : جـ و ا د .. تـ كـ ..
جواد : هتان .. شفيك تبكي .. !! كم مره قلتلك الرجال مايبكي .. ؟؟
هتان : والله ما كان قصدي إني ازعلك تكفى .. تكفى .. سامحني .. ترى والله لو ما تسامحني أسوي في نفسي شي ..
جواد : هتان شنو هذا الكلام ..؟؟ استغفر ربك .. وهدي ..
هتان : وربي ياجواد إني أسف تكفى سامحني ..
جواد : هتان أنا ساحتك كثير وستحملتك كثير .. بس أنت مو فاهم انك لازم تتغير ..
هتان : هلا مره وربي راح اتغير .. بس أنت لا تتركني .. أنت عارف انك صديقي الوحيد .. لاتخليني ..
جواد : وهذا شي بعد مااحبه فيك .. ليش ماتصادق الناس ..؟؟ ترى في اشخاص طبية كثير .. ليش احسك منغلق على نفسك كذا .. لنفرض صار لي شي ..
هتان : لالالا الله لا يقوله اجل أي شي سيئ يصير فيني ولا فيك ..
جواد : ترى الأعمار في يد الله .. وكل واحد مو ضامن متى بيموت يمكن أموت وانا أكلمك ..
هتان : والله لو انك تروح مني انتحر ..
جواد : اوووهوو .. رجعنا للكلام الي يغث .. طيب لنفرض إني سافرت أنت شنو بسوي بتعزل نفسك ..
هتان : أسافر معاك ..
جواد : لنفرض ماتقدر تسافر .. أنت حتى اهلك علاقتك معاهم سيئة ..
هتان : لأنهم مو فاهميني ..
جواد : يعني تبغي تقنعني .. إني أنا الي فاهمك .. ترى حتى أنا مو فاهمك ..
هتان : بس أنت تسمعني .. جواد والله أنا محتاج لك ..
جواد : طيب خلاص .. روح الحين اغسل وجهك وبطل صياح ونام ..
هتان : يعني سامحتني ..
جواد : أي .. يلا روح غسل وجهك .. وبسك صياح .. مانشفو دموعك .. ؟؟ يلا روح انسدح على سريرك ونام وبلا دلع بنات زايد .. مع السلامه ..
هتان : جواد ..
جواد : شنو بعد ..؟؟
هتان : أنا مو في البيت ..
جواد : طيب روح البيت ..!!
هتان : مااقدر ..
جواد : ليش ..؟
هتان : ماعندي سيارة .. والبيت بعيد مااقدر أروح مشي ..
جواد : وين سيارتك ..؟؟
هتان : نسيت أنت الي وصلتني ومشيت عني ..
جواد : هتانووه لا تقولي انك .. لالا مايصير .. أنت الي الحين واقف يم المكتبه .. !!!!!
هتان : أي .. أنت تعرفني أنا مااعرف احد .. وماشفت تاكسي .. والصراحة خفت اركب مع واحد غريب ..
جواد : وأنت شنو الي ماتخاف منه .. بس شاطر لي ابغي شي جديد ابغي شي خطير وأنت تخاف ترجع البيت الحالك .. يعني الحين أنت طول هذا الوقت كنت واقف قدام الكتبة وأنت تبكي .. احمد ربك ماشالتك الشرطة وودوك مستشفى المجانين ..
هتان انحرج : جوااااد ..
جواد : أي بيشفون رجال طول بعرض يبكي وخايف يركب مع ناس مايعرفهم ومدري شنو .. أكيد بيقلون هذا مجنون منحاش من المستشفى ...
هتان : الله يسامحك ..
جواد : هههههههه.. خلاص ربع ساعة .. وانا أكون عندك .. انتبه ليجي احد يخطفك ..
هتان : جوااااااد ...
جواد : هههههههه .. باي باي ..
هتان من بين أسنانه : يااخي أكرهك ..
جواد بمزح : وانا احبك و امووووت فيك .. يلا باي بسكر ..
ويسكر .. بعد ماخلى جسم هتان كله يرجف .. كلمة احبك الي قالها جواد .. خلته مايقدر يخذ النفس إلا بصعوبة .. وحس إن رأسه يدور .. وصار يفكر جواد يحبني .. هذا الشعور كان له حساس حلو ومنعش عن هتان .. بس بسرعة طرد الفكرة من رأسه .. شلون أفكر كذا .. هذا الشي مايجوز إحنا أولاد .. كيف أفكر بهذا التفكير القذر .. ياربي ارحمني برحمتك ..
_-_-_-_-_-_-_-_-_-_-_-_-_-_-_-_-_-_-_
في شقة أحمد ..
معاذ خذ له شوور وشاف البنت منسدحه على السرير ..
معاذ : يلا قومي شنو جالسه تنتظرين ..
: شفيك ..؟ قبل اشوي مافي أحسن منك ولسانك ما يطلع إلا الكلام الحلو .. أشوف الحين تغير .. ولا لأنك أخذة الي تبغي ..
معاذ : صح عليك أخذة الي ابغي .. لا تقولين انك صدقتي إني حبيتك ..!!
: ماقلت إني صدقت أنك حبيتني ... لأنك لإنسان ماتملك قلب .. علشان تحب .. . بس على الأقل احترمني ..
معاذ : احترم مين ... أنتي ..؟؟ أقول قومي انقلي أحسن ..
قامت البنت وتجهة جهة الحمام " وانتوا بكرامه "
معاذ : على وين .؟
: بخذ لي شوور ...!!!
معاذ : مايحتاج .. أخذيه في مكان ثاني ...وبعدين مهما تسبحين بتضلين قذرة .. أمثالك مستحيل ينظفون ..
: يعني تبغي تقنعني انك أنت أحسن مني .. لا ياشاطر حالك حالي ..
معاذ جى وشد شعرها : قومي طلعي برا ..
وجرها ورماها برا الغرفة ..
أحمد : شفيك ..؟؟
خالد : شنو صاير ..؟؟
: ياحقير .. ياسافل ..
أحمد : هند ..؟؟
وصار يطالع في هند ومعاذ باستغراب ..
أحمد : كيف ..؟؟ مو أنتي قلتي انك بطلعين بتروحين البيت الآن أبوك موجود .. ليش مارحتي وشنو كنتي تسوين مع معاذ ..؟؟ تكلمي ..
معاذ طالع احمد بتكبر : بعد ماانت رحت مع البنت الي هي جابتها لك جات ورمت نفسها على وانا ماحبيت اردها .. وحبيت اثبت لك أنها مو بس فري أنها تجيب لك بنات .. لا.. هي فري أنها تنرمي في احضان أي رجال قدامها ..
أحمد : ياحقيره .. هذا الي تحبني .. ومستحيل تفرط فيني تخونيني مع صديقي ..
هند : والي أمس أنت سويته شنو هذا .. حلال عيك وحرام علي ..
معاذ رجع يجرها من شعرها ورماها برا الشقة ..
هند : ياحقير مسوي فيها رجال وجالس تضرب بنت ..
معاذ : وين البنت ..؟؟
أنا مااشوف أي بنت كل الي أشوفه قذارة زباله ..
هند : أنا اوريك إن مادمرت حياتك مااكون أنا هند .. وتذكر كلامي عدل ..
معاذ : أعلى ما في خيلك ركبيه وخلينا نشوف شنو تقدرين تسوين ..
ورمى عليها عبأتها .. وسكر الباب ..
أحمد : مايحقلك ... مايحقلك ياكلب تخذ شي لي ..
وتوه بيضرب معاذ .. إلا خالد مسكه ..
خالد : اهدأ يارجال مافي داعي انك تتخانق مع صديقك علشان وحده ماتستاهل ..
أحمد : كيف قدرت وأنت تدري أنها لي ..
معاذ : الي يسمعك يقول انك تحبها .. مو كأنك قبل ماتجي قلت انك إذا شبعت منها بترميها ..
أحمد : احبها مااحبها ارميها ماارميها .. هذا الشي راجعلي .. بعدين أنا جايب لك بنت .. ماحلالك إلا خويتي .. قوم .. قوم اطلع برا مابغي أشوف وجهك .. وعتبر إن صداقتنا انتهت ..
معاذ بغرور : صداقتنا مو كان الكلمة كبيره شوي عليك .. أنت صلا من متى كنت صديقي ..
أحمد : اطلع برا ياكلب ..
معاذ ببرود : بطلع بطلع .. خالد أنا راح انتظرك في السيارة خمس دقايق .. إذا ماجيت في خلالهم بعتبرك انك اخترت هذا الحشرة ..
وطلع ..
خالد : ما كان المفروض تهتم لبنت مثل هذي ماتسوى شي ..
أحمد : أنا مو مهتم لها أنا الي قاهرني هو ليش سوى كذا ..
خالد : أنت تعرف معاذ ماحد يقدر يعرف شنو هو جالس يفكر فيه وليش يتصرف كذا .. طيب حصل خير .. يلا أنا استأذن قبل ما يقلب علي أنا بعد ..
أحمد : بتروح له .؟ تتخلى عني بهذي السهولة ..
خالد : ماراح أتخلى عنك .. روح تضل صديقي ..
أحمد : اجل لا تطلع له ..
خالد : أسف يا أحمد مااقدر اخسره .. أنت صح صديقي من ثلاث سنين .. بس هو صديقي من وحنا عمرنا 8 سنوات ..
وطلع ... وشاف معاذ ينتظره ..
خالد وهو يطالع ساعة : مو إني تأخرت عليك ثلاث دقائق ..
معاذ : شنو ..؟؟
خالد : مو أنت قلت لي انك بتنتظرني 5 دقايق .. أنا جيت بعد 8 دقايق .. ماشوفك مشيت ..
معاذ : تستهبل أنت ..
خالد : ههههههههههه .. طلعت تحبني ولا تقدر تستغنى عني ..
معاذ : ابلع لسانك ..
خالد : ههههههههه ...
-_-_-_-_-_-_-_-_-_-_-_-_-_-_-_-_-_-_-_-_-_-
جواد وصل يم المكتبه وصار يطالع يمين ويسار يدو هتان .. إلا يتفاجئ بالي يفتح السيارة ويدخل ..
هتان : أخير وصلت ..
جواد : واحد قالك اوقف هنا جاهل ماتعرف تروح بيتكم .. حتى البزر بعد يمكن يعرف يتصرف أحسن منك ..
هتان : وأنت احد قالك تتركني وتروح ..
جواد : تستاهل ..
هتان بمزح : افااا أنا هتوني .. حبيب قلبك ..
جواد : قوم انزل ..
هتان وهو يضحك : ليش ..؟
جواد : أنت تدري ليش .. ترى أنا مالي خلق لملاقتك ..
هتان : هههههههههه .. خلاص أتوب أخر مره لي .. جواد شرايك نروح مكان نستانس فيه ..
جواد : أنا تعبان وابغي أنام وأنت وجهك ما يساعد إني اطلع معاك تقول مفقعينه ...
هتان : طيب خلنا نروح بيتكم نسهر شوي ونام ..
جواد : وأنت عازم نفسك بنفسك مين قال إني ابغاك تنام في بيتنا ..
هتان : تكفى جواد مالي خلق ارجع البيت .. وبعدين من زمان مانمت في بيتكم .. اشتقت لمجلسكم ..
جواد : طيب طيب .. إلا هتان ماتحس انك متنت ..
هتان : متنت ...؟
جواد : أي طلع لك بطن .. أو كان بطنك ممسوح والحين شوفه تقول وحده حامل ..
هتان : أقول اسكت لا تخليني أوسوس ..
جواد : هذا من الأكل والنوم .. أقولك اشترك معاي في النادي على الأقل تكتسب لياقة تقول لا ماابغي الحين يطلع لي عضلات وانا مالي خلق .. شوف شكلك الحين بعدين ماراح تمر من الباب ..
هتان : كل هذي المقدمة علشان انك تبغيني أروح معاك النادي .. عناد فيك ماني رايح وخلني امتن مافيها شي ..
جواد ك الحين صديقي وصديقي وتروح معاي في كل مكان وماتفارقني وفي روحت النادي تتخلى عني ..
هتان : أي .. عندك مانع ..
جواد : مالت عليك ..
هتان : وعليك ..
_-_-_-_-_-_-_-_-_-_-_-_-_-_-_-_-_-_-_-_-_
في اليوم الثاني ..
جلس هتان ويحس إن ظهره يؤلمه من نومت الأرض .. وشاف جواد نايم يمه .. وفي خصلة من شعره جايه على وجهه .. لا شعورين راح يمه وشالها وصار يطالع فيه .. إلا ينفتح الباب .. وينط هتان من الخوف والخرعه ..
معاذ : جواااااد .. جواااااد ..
جواد : اممممم .. نعم ..
معاذ : أبوي يبغيك ..
جواد : شوي بس ..
معاذ جى لعند جواد ورفسه : قوم أبوي يبغيك الحين ..
جواد : اوووهوووو .. ياربي على الإزعاج من صباح يعني ماتخلون الواحد حتى يتهنى بالحلم ..
معاذ : بتقوم ولا تبغي وحده ثانيه ..
جواد : خلاص قمت .. قمت ..
وطلع معاذ ..
هتان كان يطالع معاذ وهو مقهووور لأنه ضرب جواد .. كان وده يقتله ويكسر رجله الي مدها على جواد ..
معاذ مامره كلم هتان أو انتبه لوجوده .. مع إن هتان دايم يكون معا جواد ودايم يقابل بس حتى السلام ما كان يسلم عليه متجاهله تماما ..
جواد : جلس ..
هتان كان سرحان ..
جواد : هتان ..
هتان انتبه : نعم ..
جواد : من متى جالس ولا جلست من صراخ البومه معاذ ..
هتان : لا كنت جالس قبل مايجي بدقايق ..
جواد : طيب عن إذنك بروح أشوف الوالد شنو يبغي ..
هتان : طيب ..
ويروح لأبوه ..
جواد : صباح الخير ..
بو معاذ : صباح النور ..
جواد : أمرني يبه ..
بو معاذ : كنت أبغيك تفطر معنا بس قالوا لي انك نام في المجلس مع صديقك .. فناديتك علشان تخذلك فطور أنت وصديقك ..
جواد : حاضر يبه .. بروح أقول للخدم يصون الفطور .. وبروح أودي له ماي ..
معاذ : يلا أنا استأذن ..
بو معاذ : وين ..
معاذ : مواعد خالد بروح له ..
بو معاذ : أشوف خذتها عاده ماتجي الشركة ..
معاذ : مين قال أنا مااراح أجي الشركة اليوم ..
بو معاذ : مو تقول بتروح لصديقك ..
معاذ : أي .. بروح اخذ منه شكله وبجي الشركة ..
بو معاذ : طيب لا تتأخر ..
معاذ : من عيوني ..
وتوه بيطلع ..
أم معاذ نازله تسرعه : معاذووووه ...
معاذ : نعم ..
أم معاذ : وصلني بيت أختي ..
معاذ : الحين ..
أم معاذ : أي الحين ..
بو معاذ : وأنتي ماتجلسين في بيتك أبدا .. شنو بتسوين تروحين بيت أختك هذا الوقت ..
أم معاذ : اليوم العصر بيجون لهم خطاب ..
بو معاذ : أنتي قلتيها العصر مو الصباح ..
أم معاذ : بروح لها أشوف شنو بتسوي وشنو بتجهز .. يلا ياليلى تأخرنا ..
بو معاذ : حتى ليلى بتاخذينها ..
أم معاذ : أقول ماابغي اسمع محاضره من محاضراتك من الصبح .. يلا ياليلى ..
إلا تنزل ليلى وعيونها مليان نوم .. طول الليل وهي سهران تدق على سلطان وهو مايرد عليها ..
ليلى : يمه ماابغي أروح ..
أم معاذ : امشي وأنتي ساكتة .. ماعندنا بنات يضلون في البيت لحالهم ..
ليلى : ومين قال إني الحالي هذا الخدم موجودين .. وهذا جواد موجود ما يطلع إلا العصر .. والعصر أبوي يرجع .. يبه قول لها إني ماابغي أروح .. مافي احد هناك يجلس معاي أو يسالف وراح امل بسرعة .. ماابغي أروح .. وبعدين فيني النوم ..
بو معاذ : أمك معاها حق .. مو حلوه تجلسين في البيت لوحدك .. وبعدين جواد معاه صديقه يعني احتمال يطلع اليوم مبكر .. يلا روحي مع أمك ..
ليلى : ياربي فيني النوم ..
أم معاذ : أقول امشي بلا دلع .. " وتطالع معاذ " .. وأنت شفيك واقف بسرعة روح شغل السيارة تأخرنا ..
معاذ : أنا الي راح اتاخر عن صديقي لو اوصلكم .. ليش ماتروحون مع السواق ..
أم معاذ : السواق طرشته يروح يشتري اغراض .. يلا تحرك قدام ..
معاذ : لاحول ..
بعد ماوصل أمه واخته توجه للمطعم الي ينتظره فيه خالد .. توه بيوصل إلا رن جواله .. وشاف المتصل وستغرب ..
نهاية البارت الخامس ..
ليست هناك تعليقات:
إرسال تعليق