لمن .. أشكو حبيبي .. ! الجزء السابع ..

البارت السابع .^_^.

في المستشفى ..

أم عزام : هااا شفيه يادكتور ..

الدكتور محتار : والله الي الحين مااندري بس بنجيب له طبيب مختص يشوفه .. وبنسوي تحاليل علشان نعرف حالته بضبط ..

أم عزام : وبتخلونه يتالم الي ان تعرفون شنو فيه ..

الدكتور : لا احنا راح نعطيه مسكن للالم .. وان شاء الله مافيه شي ..

أم عزام : ولدي بيروح مني ..

نواف : يمه تعالي خل الدكتور يشوف شغله ..

أم عزام وانا شنو سويت ابغي اطمن على ولدي ..

الا على جيت ابو عزم ..

بو عزام : شفيك ..؟؟ شنو صاير ..؟ رجعت البيت قالولي البنات انكم خذتوا هتان المستشفى .. !! شفيه ..

أم عزام تصيح : شافت الجوري وهو يصارخ ويقول بيموت .. راح الولد يا أبو عزام .. 

بو عزام : شنو تقولين ..؟؟

نايف : يمه ولدك مافيه شي ..

بو عزام : احد يفهمني هتان شنو فيه ..؟؟!!

نايف : ماندري يقلون بيسون له تحاليل وبيشوفه دكتور مختص ..

بو عزام : لا حول ولا قوه الا بالله العلي العظيم .. خلاص يا أم عزام ان شاء الله خير .. روحي الحين انتي البيت رتاحي واي شي يصير راح نقولك .. نواف خذ امك ودها البيت ..

أم عزام : لا انا مااتحرك من هنا الي ان اعرف ولدي شنو فيه ..

بو عزام يعرف زوجته عنيده .. وماتقدر تشوف واحد من عيالها يصير فيه شي .. علشان كذا سكت وخلاها ..

_-_-_-_-_-_-_-_-_-_-_-_-_-_-_-_-_-_-_-_-_

في غرفة هتان ..

جواله يرن و يرن .. وكلهم مكالمات من نفس الرقم ... جواد ..

كان شي غريب عنه ان هتان مايدق يصبح عليه .. والحين يدق مايرد عليه .. هو حتى اذا مشغول لازم يرد .. كان يبغي يروح بيت هتان يطمن عليه .. بس ماايقدر الانه اخر مره كان فيها طرده بو هتان وقاله انه مايبغيه يشوفه مره ثانيه .. فضل يدق ويدق ويدق ..

_-_-_-_-_-_-_-_-_-_-_-_-_-_-_-_-_-_-_-_

مشت الدقايق تتبعها الساعات وجات اللحظه المنتظره ..

معاذ جالس يم الشيخ وهو يكتب الكتاب ..

الشيخ : وكم اتفقتوا مهر ..

معاذ بسرعه : 100 الف ..

بو سعد انصدم : شنو 100 الف كثير .. لا حنا يكفينا 40 الف ..

معاذ : اقل من 100 الف ماارضى .. وانا خلاص فتحت احساب بأسمها .. وحولت لها كل المبلغ .. وهذي هي البطاقه ..

بو سعد : الله يهديك ياولدي هذا كثير ..

معاذ : بالعكس كان ودي اقدم اكثر ..

الشيخ : خلاص موافق يابو سعد على هذا المبلغ ..؟؟

بو سعد : أي ..

وكتب الشيخ ان المهر 100 الف ..

خالد يهمس : شنو جالس تخطط له .. ياكذاب .. هذي البطاقه حقتك ومنتهيه ..

معاذ : اسكت ..

خالد : الله يستر من عقلك .. ليكون ماراح تعطيها مهر ..

معاذ : صح عليك ياشاطر كيف عرفت ..؟؟

خالد : استغفر الله ..

الشيخ : ياولدي وقع هنا .. والشهود يوقعون هنا ..

لما خلصوا .. لف الشيخ على بو سعد ..

الشيخ : امسك خل البنت توقع هنا ..

راح بو سعد لعند جنى الي كانت تبكي وجسمها يرجف ..

بو سعد : بسم الله عليك شفيك يابنتي .. ليش مسويه في نفسك كذا ..؟؟

جنى : خايفه .. بموت من الخوف ..

بو سعد : قولي استهدي بالرحمن وذكر يربك ..

جنى : ونعم بالله ..

بو سعد وهو يمسح على راسها : يلا وقعي هنا ..

جنى مسكت القلم بس من شدة يدها كانت ترجف حييل فماقدرة تمسكه وطاح عليها .. بس في النهايه شدة على يدها ووقعت ..

بو سعد باسها على راسها : مبروك يابنتي ..

جنى وصوتها مليان حزن : الله يبارك فيك ..

_-_-_-_-_-_-_-_-_-_-_-_-_-_-_-_-_-_-_-_-_-_

في المستشفى ..

أم عزام كانت موته نفسها من الصياح وهي تشوف دكتور داخل ودكتور طالع و  احد راضي يقول لها ولدها شنو فيه ..

بو عزام : خلاص مو قادر اصبر .. مافي احد معبرنا ومطمنا على الاقل بكلمه ..

أم عزام : طيب روح لهم اسئلهم ..

بو عزام : شفتيني كل مره اروح لهم يقولن لي اصبر الي ان نتاكد ..

أم عزام : ياخوي يكون ولدي في شي خطير ..

بو عزام : تعوذي من بليس .. ولدك مافي الا العافيه ..

نايف : يبه كلام امي صح احنا من الصبح وحنا هنا ولا حد راضي يقول لنا شنو فيه شنو معناها ..

أم عزام زاد صياحها ..

بو عزام : ستانس الحين .. انا جالس اهدي في امك وانت روح تزيدها ..

جاتهم الممرضه : الدكتور ينتظركم في مكتبه .. ممكن تجون معاي ..

فاموا برعه مع الممرضه .. ودخلوا على الدكتور الي وجهه كان مايطمن بالخير ..

أم عزام : ولدي شنو فيه .؟؟

بو عزام : طمن الولد فيه شي ..؟؟

الدكتور محتار كيف يبدأ كلامه : والله مدري كيف اقول لكم .. بس ..

أم عزام : أي انا قلتلك ان ولدي فيه شي خطير ماصدقتني ..

بو عزام : سكتي خلينا نسمع الدكتور شنو يقول ..

الدكتور : الصراحه من اول ماجبتوه وحنا نسوي له فحوصات وتحاليل واشعه .. وكلهم اثبتوا الشي الي كنت انا شاك فيه ..

بو عزام : شاك فيه ..!! ولدي شنو فيه ..؟؟

الدكتور : ولدك مو ولد ..

أم عزام تجمد في مكانه : مافهمت عليك ..!! كيف ولدي مو ولد ..!!

بو عزام : انت جالس تستهبل بادكتور .. انت شفته عدل .. !!

الدكتور : انا واثنين من الدكاتره راجعنا كل التحاليل .. وكلها تثبت ان ولدك بنت 100 من الداخل .. والالم الي يحس منها بسبب تجمع كبير لدم الفاسد في الرحم .. لانه مايخرج .. والحين لازم وبسرعه نشفط هذا الدم لانه بدأ يسبب له التهابات ممكن تسمم دمه وتقتله ..

بو عزام : بس كيف هذا يصير ..

الدكتور : هذا النوع من التشوهات كثير يحدث .. بس الي مستغرب منه .. ان ماحد حس من قبل مع ان تحليل واحد كان يثبت ان كل الهرمونات الي في جسمه هرمونات انثويه .. واكبر دليل انه الي الحين مابلغ .. حتى صدره في بروز ..

بو عزام : احنا توقعنا انه جالس يمتن يعني حتى بطنه طلع .. من الاكل .. توقعنا انه ترهل .. تصير مع الكثير من الرجال اذا سمنوا ..

الدكتور : لا .. الانتفاخ الي في بطنه بسبب الدم الفاسد الي متجمع .. اما بروز صدره حتى لو كان بسيط وصغير .. فهذا يدل على بلوغه كبنت ..

أم عزام حست ان الدنيا بدأت تدور .. وصارت سوده .. وغابت عن الوعي ..

_-_-_-_-_-_-_-_-_-_-_-_-_-_-_-_-_-_-_

 

في بيت بو سعد ..

بعد ماطلعوا كل الرجال جلس معاذ وخالد وبو سعد يسالفون ..

معاذ يهمس خالد : متى بتصرف نفسك ..

خالد : يعني طرده .. ؟؟

معاذ : أي يلا بسرعه قوم ..

بو سعد : شفيكم تتساسرون ..

معاذ : ولا شي ..

خالد : يلا انا استأذن ..

بو سعد : وين توناس ..

خالد : والله ودي اجل اكثر .. بس انا عندي شغله لازم اخلصه .. ان شاء الله المره الجايه اطول اكثر ..

بو سعد : ان شاء الله ..

وطلع  ..

معاذ : عمي .. متى اشوف البنت ..

بو سعد : والله مدري شنو اقول لك .. بس هي الحين مرتبكه .. مو مشكله خلها بكره ..

معاذ : شنو يصبرني الي بكره .. بعدين عمي انت تدري البنات يحبون الدلع .. يعني ممكن بكره تقول انها بعد خايفه .. بعد احنا متفقين ان راح نسوي ملكه بدون زواج .. يعني المفروض الليله تكون ليلة زواجنا ..

بو سعد ماعرف شنو يرد عليه : طيب خلني اقول للبنت علشان تتعدل ..

معاذ : ولا تنسى تقول لها اني راح انام عندكم الليله ..

بو سعد : وابوك ماراح يسوي لك مشكله اذا نمت برى البيت ..

معاذ : لا وحتى بيحس ..

بو سعد : طيب .. خلني اكلم جنى وارجعلك ..

دخل بو سعد على جنى .. الي كانت منبطحه وسرحانه ..

جنى : طلع ..

بو سعد : لا ..

جنى : شنو يجلسه الي الحين ..

بو سعد : يبغي يدخل عليك .. ؟؟

جنى : لا ماابغي .. قوله بكره ولا بعد بكره .. اليوم مااقدر ..

بو سعد : مو راضي يقول يبغي بعد ينام الليله هنا .. يعني روحي عدلي نفسك ورتبي غرفتك ..

جنى نزلوا دموع : تكفى جدي ماابغي مو الليله ..

بو سعد مسح دموعها وحضنها : مايفرق اليوم ولا بكره والحين هو زوجك خلاص لازم تتعودين على الموضع .. يلا قومي سوي الي قلتلك .. بعطيك ربع ساعه بعدين راح اخليه يدخل غرفتك ..

وطلع وخلاها .. وقلبها يكاد ينفجر من كثر الخوف ..

_-_-_-_-_-_-_-_-_-_-_-_-_-_-_-_-_-_-_-_

في المستشفى ..

دخلوا هتان غرفة العمليات علشان يسحبون الدم الفاسد .. وأم عزام من جلست وهي صيح ..

أم عزام : الحين شنو راح نسوي ..؟؟

بو عزام : الدكتور يقول انه لازم نسوي له عملية تصحيح جنس باسرع وقت .. قبل مايتجمع الدم مره ثانيه .. لانه فيه خطر كبير على حياته ..

أم عزام : يعني خلاص ولدي بنت .. !! شلون بنقوله ..؟؟ شلون بنواجه الناس ..؟؟

بو عزام : هذا وقته تهتمين لكلام الناس .. ولدنا .. اوووه او بدي بنتنا .. مدري والله شنو اناديه فيه الحين .. المهم راح يموت وانتي تقولين كلام الناس ..

نايف : امي معاها حق هذا الشي راح يكون على سيرت كل الناس .. ماراح يخلونا .. راح ياشرون علينا ويقون هذا الي ولدهم طلع بنت ..

بو عزام : طيب شنو تبغوني اسوي اقتله ..

: أي ..

الكل لف على صاحب الصوت كان ولدهم الكبير عزام ..

أم عزام : متى جيت ..؟؟

عزام : توني واصل .. نواف قالي كل الموضوع فجيت اسرع .. يبه لمصلحتنا هتان لازم يموت ..

بو عزام : جنيت انت ..؟

عزام : اصلا هتان من هذا اليوم هو ميت ..

بو عزام شد ثوب ولده : تبغي تقتل اخوك ..

عزام : قصدك اختي .. !! احنا راح نقول بس قدام الناس ان هتان مات .. وهي نخفيها .. فهمت على الحين ..؟؟

بيت بو سعد ..

جنى كانت ترجف في غرفتها .. كانت تقوم تقفل الباب غرفتها .. وترجع تفتحه .. الي ان سمعت جدها يقول له تفضل من هذي الجها .. هنا تجمدت يدها على مفتاح الباب .. سمعت جدها يقوله يلا اجل انا اخليكم تخذون راحتكم تصبحون على خير .. كانت تصرخ وتترجى في  جدها ان مايتركها .. بس ليش جدها مايسمعها .. صوتها خانها .. كانت تصرخ بس بدون صوت .. خانها مثل مايدها خانتها ومو قادره تقفل الباب من بعد ماسمعت صوته .. وهو يقول وانت من اهل الخير ياعمي .. حست بمقبض الباب ينزل بهدوء .. حاولت تتحرك حاولت تبتعد عن الباب بس اليوم جسمها مو راضي ينفذ اي من رغباتها .. انفتح الباب الي ان صدم فيها ووقف .. ضل على هذا الوضع ثواني حست انهم ساعات .. قبل مايبدأ الباب يبعدها .. ويحاول تحريكها علشان ينفتح .. هنا حست بموجه من الطاقه والقوه المفاجئه سرت في عروقها .. وصار كل جسمها يحاول يسكر الباب بكل قوته .. بس للاسف كان هو اسرع واقوى منها .. فتح الباب وكان وزنها وكل قوتها عباره عن ريشه بنسبه له .. ريشه يقدر ينفخ عليها وتطير .. وخرها عن طريقه بكل سهوله علشان يدخل ويقابلها بنفس نظرات السخريه والاحتقار والغرور .. والابتسامه ... حظه !! وين الابتسامه الي قتلة روحها ليش اليوم غايبه عن شفايفه .. شافته يرفع يده فلا شعرين غمضت وهي تتوقع انه في أي لحظه راح يضربها بسبب تصرفها الغبي في اغلاق الباب في وجهه بس طال انتظاره .. ففتحت عيونها بهدوء وبخوف .. شافت انه شال الشماغ الي كان مثل التاج على راس ملك جبار .. ويده كانت تعدل شعره الاسود .. انتبهت انه تقدم منها خطوه .. فتراجعت قدميها خطوتين الي الخلف .. وكانت مستعده انها ترجع الف خطوه للخلف بس مايقرب منها .. بس شافته يمشي عنها .. وعيونه تتفحص المكان .. كان يطالع غرفتها كانه في مكان غريب .. صار يذكرها فلم كرتون الي يحكي عن بنت تسقط في جحر أرنب وفجاه تلقى عالم خارج عن المألوف .. أليس في بلاد العجائب .. بس الفرق ان أليس طفله بريئه .. وهذا الي قدامها وحش كاسر ... كان كل دقيقه يشيل شي من إغراضها ويطالع فيه بشمئزاز ويرجعه مكانه وشيل شي ثاني .. صارة تتسأل الي متى هذا العذب .. شافته يرجع لها فبعدت عنه .. وكان صوتها هل مره مستعد انه يصارخ ويسمع العالم كله .. بس هو كمل طريقه بتجاه الباب .. وسكره .. سمعت صوت قفل الباب الي كان شبه صوت القنبله في أذنها مع كل هذا الهدوء الي يعم المكان .. بعدها شافته يتوجه لسريرها .. ويجلس عليه ورفع راسه وناظرها ... أي هذي هي ماتغيرت نفس الابتسامه الي عذبتها .. ارتسمت مره ثانيه على شفايفه الصارمه .. صار يناضرها من فوق الي تحت ... شكله قرر انه يبدد سكون الغرفه .. لانها شافت شفايفه تتحرك .. بس شنو يقول .. ليش صوته مايوصل لمسمع اذنها .. هل معقول إن صوت دوي  قفل الباب أصابه بصمم .. حاولت تركز على الشي الي يقوله ..

معاذ : هييي انتي يابنت .. ماسمعتي الي قلتلك ..؟؟

جنى انتبهت : هاا ...

معاذ : ماتسمعين .. تعالي هنا ..

جنى بصوت شبه مخنوق : لا ..

معاذ : الي يقول انها اول مره لك .. اقول خلي دلع البنات عنك .. ولا نسيتي انك مو بنت .. وانك ....

جنى قاطعته بصوت يرتجف : حيوااااااااان ..

قام لها بسرعه ومسكها من شعرها وجرها ورماها على لسرير ..

معاذ : ان سمعتك تغلطين على مره ثانيه لا تلومين الا نفسك فاهمه ..

جنى كانت حاطه يدها على فمها .. خافت تصارخ ويسمعها جدها .. بس ماقدرت توقف الدموع الي تنزل وهو يتطالع في الوحش الي قدامها .. فغمضتهم وستسلمت له بدون مقومه .. بس بعد ماخلص منها رماها من على السرير وغمض عيونه ونام .. اما هي فنتظرت الي ان تاكدة انه نام وقامت بكل هدوء ودخلت الحمام .. وجلست تبكي .. والي ان نشفوا دموعها وماعاد فيها تبكي اكثر من كذا .. خذت لها شوور وراحت انسدحت على الارض ونامت ...

_-_-_-_-_-_-_-_-_-_-_-_-_-_-_-_-_-_-_-_

اليوم الثاني ..

جلس الصباح وهو يحس ان جسمه متكسر .. لانه مو متعود ينام في سرير صغير وبنسبه له مو مريح .. طالع الساعه شافها 10 ونص .. قام من على السرير .. دورها مالقاها .. طلع من الغرفه .. شاف بو سعد يفطر ..

بو سعد ببتسامه : صباح الخير .. ان شاء الله نمت عدل ..

معاذ مارد عليه وجلس ..

بو سعد : حياك تعال افطر ..

معاذ : ماحب أكل باقي  احد ..

بو سعد حز في خاطره : طيب قول لجنى تسوي لك فطور ..

معاذ : وهذي ليش ماجلستني لما جلست ..؟؟

بو سعد : انا قلت لها لا تجلسيك علشان يرتاح ..

معاذ : وينها الحين .؟

بو سعد : في المطبخ .. تسوي شاي ..

قام معاذ وراح المطبخ .. كانت تحط الشاي في الصينيه .. لما شافته واقف يم الباب .. حاولت تتجاهله ..

معاذ : تدرين انك تذكرين بخدامتنا اول ماجات تشتغل عندنا .. الحين انتي ماعندك ملابس غير هذي ..

جنى : اهم شي انهم يسترون .. ممكن توخر شوي ابغي اطلع ..

معاذ : ليش ماقلتي لجدك ..؟؟

جنى : اقوله عن شنو ..؟

معاذ : مسرع مانسيتي .. تبغين انعش ذاكرتك ..؟

جنى : شنو تبغيني اقوله .. جدي مريض وماراح يتحمل شي مثل هذا .. يعني كنت تبغيني اقوله علشان اقتله ..

معاذ : ياربي على البنت الي تهتم باهلها مررره بريئه .. ودليل اول ماقلت ابغي اتزوجك مافكرتي حتى على طول وافقتي ..

جنى : انت تدري ليش انا وافقت ..

معاذ : وافقتي علشان الفلوس ..

جنى نصدمت .. شنو يدخل الفلوس في زواجها ..!!

معاذ : أي لا طالعيني كذا .. لا تقولين انك تزوجتيني علشان بس تنسترين .. انا ادري شنو يدور في عقولك انتوا ياحثالة المجتمع ... تبغون أي شي يجيب الفلوس لكم ويشيلكم من الزباله الي انتوا عايشينها .. بس مستحيل راح اصرف عليك ريال واحد .. والبطاقه الي عندك مافيها ولا ريال ..

جنى وهي ماسكه اعصابها : اصلا انا ماابغي منك ولا شي ..وبطاقتك انا رميتها من اول ماعطاني اياها جدي .. ممكن توخر الحين ..

وشالت الصنيه تبغي تطلع .. معاذ عصب من ردها وضربها وهي مو حاسه فطاحت وطاحت الصينيه عليها ..

بو سعد لما سمع صوت الطيحه جى يسرع ..

بو سعد : شنو صار ..؟

جنى : ماصار شي .. انا زلقت وطحت ..

بو سعد : صار لك شي تعورتي ..؟

جنى : لا انا بخير ..

راح وشال حفيدته وهو مستغرب ان معاذ ماتحرك من مكان .. ولا حتى مهتم انها طاحت ..

جنى بحزن : انكسرت الدله ..

بو سعد : الله يهديك الحين الدله اهم منك .. الحين لو احترقتي ولا صار لك شي .. شنو بتفيدني هذا الدله ..

معاذ : سوي لي فطور ..

ومشى ..

بو سعد : شفيك متضايق ..؟

جنى : مدري عنه ..

_-_-_-_-_-_-_-_-_-_-_-_-_-_-_-_-_-_

في المستشفى ..

هتان كان يحاول يستوعب كلام الي حوله .. وهو دايم يحس انه فيه شي غلط .. وانه يندمج مع خواتك اكثر من اخوانه .. بس عمره مافكر انه ممكن يكون بنت ..

الدكتور : الحين هذا النوع من العمليات صار شائع وتقدور تسونه حتى هنا .. مايحتاج تسافرون للخارج ..

بو عزام : بس يادكتور انت تعرف ان مجتمعنا مايرحم .. علشان كذا افضل اني اسفره للخارج ..

الدكتور : بس هذا راح يكلفكم كثير .. مع ان هذا الحاله من اسهل الحالات الي مرة علي ..

بو عزام : ان كم عملية سويت من هذا النوع ..

الدكتور : تقريبا خمسه .. بس هذا الحاله اسهلها .. في ناس حتى يحتاجون لعمليات تجميليه علشان يكون شكلهم مقبول .. بس ماشاء الله على ولد قصدي بنتك مايحتاج ..

بو عزام : طيب كم يبغي لها هذي العمليه ..

الدكتور : والله على حسب .. في ناس يحتاجون 4 سنوات .. بس حالة بنتك تحتاج الاسراع في عمل العمليه .. لانه في خطر على حياتها ..

أم عزام فجأه : طيب اذا تزوجت تقدر تجيب عيال ..

بو عزام : أي تجيب عيال مين بيتزوجها اصلا ..

الدكتور : اكيد تقدر .. لاني مثل ماقلت لكم من قبل هي بنت 100 بالميه .. وكل الي راح نسوي لها هو تصحيح خارجي .. وحتى الصدر متكون عندها .. صحيح انه مو بارز البروز الملحوظ .. بس هذا كثير من الفتيات يكون لهم صدر صغير بس بعد الزواج يبرز والبعض الاخر يضل مثل ماهو واذا تبغي نقدر نعمل لها عملية تكبير مع اني اشو فان هذا الشي عادي .. يعني العمليه راح تكون جدا بسيطه .. وغير كذا راح تخذ علاج هرموني راح يساعد كثير ..  بس المشكله هنا هي الحاله النفسه يمكن راح تحتاج لعلاج نفسي كثير قبل ماتتكيف على وضعها الجديد .. انا شفت ناس كثير ينعزلون بسبب هذا الشي ..

وطلع الدكتور ...

أم عزام : اجل الحين لازم نغير اسمها .. مايصلح نناديها هتان ..

بو عزام : لو علينا نغير اسمها .. لازم الحين نغير حتى نغير بيتنا ..

عزام : راح نروح نسكن في الرياض ..

أم عزام : ليش ..؟؟ انا معوده على جاراتي ..

بو عزام : شنو راح تقولين لهم اذا شافوا بنتك الجديده .. ؟؟ بتقولين لهم ان المستشفى غلطوا وقالوا لنا انها ولد وهي بنت ..

أم عزام : طيب وين بتسفرونها ..

 عزام : المانيا .. وحجزة ثلاث تذاكر ..

أم عزام : ترى انا بسافر معاها ..

بو عزام : ماحد راح يسافر معاها غير .. نايف والجوري بس ..

أم عزام : طيب ليش ..؟؟

بو عزام : علشان نحد من كلام الناس .. راح نقول ان نايف عنده بعثه للخارج .. وراحت الجوري معاه علشان تهتم فيه ..

أم عزام : وهتان ..؟؟ شنو بنقول لناس عنه ..

عزام : شفيك يمه نسيتي راح نقول لهم انه مااات  ..

هتان كان يطالعهم .. وهم يكلمون عنه ولا كانه موجود .. ولا وحد فيهم سأله شنو يحس فيه .. كان محتاج احد يكلمه .. كان محتاج احد يحطه في حظنه ويخليه يبكي .. فجأه طلعت في مخه صورة جواد .. جواد شنو مسوي اكيد الحين خايف عليه هو من امس ماكلمه .. اكيد جالس يدق عليه ..

هتان : يمه ..

كلهم لتفتوا عليه ..

ام عزام : سم .. شنو تبغي ..؟؟

هتان : ابغي اكلم واحد ..

بو عزام : من اليوم رايح مافي تكلمين أي ولد ..

هتان : بس هذا اعز اصدقائي خلوني اكلمه لو للمره الاخيره .. بس اطمنه علي واقوله اني بسافر ..

عزام : خلاص هتان من امس مات .. انسي كل شي عن حياك الماضيه ..

هتان : حرام عليكم .. خلوني اكلمه .. بس دقيقه ..

بو عزام : لا يعني لا .. وبكره راح تكون سفرتك للخارج ..

هتان : يمه .. تكفين قولي لهم .. هو متعود اني اكلمه كل يوم ..اكيد الحين جالس يستنى اتصالي ..

أم عزام : كلام ابوك واخوك صح .. انتي لازم تتعودين على وضعك الجديد .. وبعدين احنا ماعندنا بنات يكلمون اولاد ..

هتان : ترى الي امس وانا عايش ومتربي ودارس ولاعب مع الاولاد .. شنو يفرق اليوم ..

عزام : الي يفرق ان الحين عرفنا انك بنت ..

_-_-_-_-_-_-_-_-_-_-_-_-_-_-_-_-_-_-_-_-_-_-_-_

في بيت بو سعد ..

جنى كانت تصلي .. ومعاذ مشغل التلفزيون .. وجالس يسمع اغاني ..

بو سعد : ياولدي .. الحين انت صليت ..؟؟

معاذ مارد ..

بو سعد : قوم صلى احسن من هذا الي جالس تشوفه .. بعدين جنى مابعد تخلص صلاه .. طفه .. وروح اقرأ قرأن .. يلا قوم ياولدي ..

وراى بو سعد وطفى التلفزيون ..

نهاية البارت السابع ..