الجمعة، 3 ديسمبر 2010

لمن .. أشكو حبيبي .. ! الجزء الرابع ..

البارت الرابع .^_^.






بعد كذا ساعه في البحرين ..

هتان : خلنا نشوف هذا الفلم ..
جواد : مو كان هذا احلى ..
هتان : انا قلت ابغي هذا يعني هذا ..
جواد صار يضحك عليه : بزر انت وجهك ...
هتان : يلا عاد جواد .. تكفى .. ترى تكفى تهز رجال ..
جواد : على امرك ياسيد هتان .. يلا انا رايح اجيب لنا تذاكر ..
هتان : اجل انا بروح اشتري فوشار  اوك .
جواد : اوك ..
وراح هتان يشتري .. الا يوقف واحد في طريقه ..
: البنوته من وين ..؟
هتان : ضف عن وجهي ..
: اوووووه شباب .. طلعت البنت بويه ..
كان مجوعه من الشباب يمه .. فصاروا يضحكون .. 
هتان : بتوخر عن وجهي ولا ادوسك الحين ..
: شباب تكفون لا يفوتكم السعوديه تهدد .. شكلها بويه وعايشه الدور من قلب .. شرايك تجين معاي وخليك تعرفين الرجوله على اصولها ..
واحد من ربعه وهو ميت من الضحك : فهود تعال لا تسوى مشاكل .. مالنا خلك نروح الشرطه على شي مايستاهل " قالها وهو يطالع هتان " ..
فهد : انا علشان هذا الجمال اروح جهنم مو السجن ..
هتان ماتحمل اكثر من كذا وضربه على وجهه : قلتلك ضف عن وجهي .. تراني مو ناقصك ..
فهد بعد الضربه مسك هتان ورماه على الارض وثبته وطالع بحتقار : طلع ولد ... ههههههه .. يعني هذي الضربه اقوى ماعندك .. طيب جرب هذي ...
وصار يضربه .. وهتان يحاول يقومه بس مافي فايده ..
جواد كان يدور عنه وشاف شلت شباب متجمعين راح يشوف اذا كان هتان معاهم .. فلما شاف هتان ينضرب تحول جواد الطيب المسالم الي وحش وضرب فهد ووخره عن هتان .. وتوه بيكمل عليه .. سحبه هتان ..
هتان : خلنا نطلع مانبغي مشاكل ..
جواد : خلني اقتله ..
هتان ودموعه تنزل : تكفى علشان خاطري خلنا نمشي ..
جواد شاف ان الامن جاوا فماحب يسوي مشاكل بسرعه مشى وهو وهتان قبل ماينتبهون لهم ...




_-_-_-_-_-_-_-_-_-_-_-_-_-_-_-_-_-_-_






بعد أسبوع ...



جنى كل يوم تزيد حالتها النفسية من سيئ الي أسوء وجدها مو عارف شنو يسوي لها .. لا تأكل عدل وكل سرحانة .. وكذا مره شافها ماسكه صورت أبوها وأمها تبكي ...
بو سعد : ماصارت يابنتي .. لو كل واحد يحلم بأهله الي توفوا وجلس يبكي .. كان شفتي العالم غرقوا من الدموع .. خلاص حرام الي تسوينه في نفسك .. ترى هذا الشي مايجوز ..!!
جنى : بعد شنو أسوي مشتاقة لهم حيل .. أبغيهم .. ابغي أبوي ابغي أمي .. جدي أبغيهم .. ابغي أروح لهم ..
بو سعد : بعيد الشر عنك .. لا تقولين هذا الكلام .. ترى هذا الي تسوينه اسمه اعتراض على أمر الله .. حرام ..
جنى : شنو أسوي مو متحملة مو قادر أعيش .. أحس إني مخنوقة ..
بو سعد : ذكري ربك .. وكل مره تحسين انك متضايقة مسكي القرآن واقرئي ولا صلي لك ركعتين صدقيني انك بتهدين بس تقولين ابغي أموت .. لا هذا حرام .. وبالعكس حالتك بتزيد .. يلا قومي غسلي وجهك وتعال صلي لربك ودعي ربك انه يطمن قلبك ويريح بالك ..
جنى قامت وراح دورت المياه وهي في خاطرها .. مستحيل جدها راح يفهم الي فيها .. أصلا هو لو يدري بلي صار لها كان طاح ومات عليها ولا صار له شي .. كيف تقوله إن واحد حقير سرق أغلى ماتملك .. سرق شرفها .. كيف تقول لجدها إن واحد خسيس مايخاف ربه لعب بعرضه .. ونزل كرامته في الأرض .. وجلس على الأرض تبكي .. وتبكي .. بس مهما بكت ماتقدر تمسح الي صار .. ماتقدر تستعيد عذريتها .. ماتقدر تعيش .. خلاص حياتها في نظر المجتمع لها انتهت .. انتهت في اليوم الي دخل إبليس بيتها وسلبها .. قامت وغسلت وجها وتوضأت وطلعت وتوجهت لربها ... وصارت تدعوا بكل قلبها انه يساعدها .. أنها تشوف حل للمصيبة الي هي فيه .. رفعت يدينها وصارت تدعوا وتدعوا .. تبغي إي شي بس لا يصير لجدها شي .. أهم شي لا يعرف بلي سواه ذاك النذل الحقير .. الواطي ..




_-_-_-_-_-_-_-_-_-_-_-_-_-_-_-_-_-_-_









معاذ : ماتحس إن الدنيا ملل هل الأيام .. ؟؟
خالد : من جد مافي شي جديد ..
معاذ : من زمان مارحنا سهره حلوه ..
خالد : أنت ماتوب .. على كل الي صار لك ..
معاذ : يعني شنو صار هذا أنا طلعت منها سليم وأبوي شال عينه عني .. إلا قلي خويتك الي اسمها الهنوف شخبارها ..؟؟
خالد : وانا شدراني .. من بعد ماقلت لها إني ميت مارجعت اتصلت ..
معاذ : عطني جوالك خلني أدق عليها ..
خالد : مافي ..
معاذ : وليش إن شاء الله ؟؟
خالد : مايكفي الي سويته في ذيك البنت ..
معاذ : ياربي وأنت ماراح تنسى هذي السالفة ..
خالد : ترى إن نسينا أنا وأنت السالفة البنت مستحيل تنساها .. كيف تنساها وأنت أخذة شرفها ..
معاذ : تصدق ياخالد .. إني متحسف ..
خالد باستغراب : غريبة معاذ يندم  .. !!
معاذ : أنا ماقلت إني ندمان أنا قلت إني متحسف .. متحسف إن جدها مادرى بالموضوع .. وكل يوم أشوفه في الشركة كرهي له يزيد .. وخاصة إن أبوي عطاني كف قدامه .. وانا الي الحين مااقدر أذله ..
خالد : هاااا تراك اغتصبت بنته كل هذا ولا ذليته ..!!
معاذ : بس هو الي الحين مايدري .. لازم أسوي له شي ثاني لازم امسح بوجهه في التراب .. بعدين بنت حلوه ..
خالد : تصدق أنا الحين تأكده انك مو إنسان ..
معاذ : اجل أنا شنو ؟؟
خالد : أنت وحش .. لالا الوحش عنده قلب ويحس أكثر منك .. أنت شيطان .. كل يوم اطلب إني مااكون في يوم الأيام من ضمن اعدائك لأني ادري انك بدمرني .. من وين جبت كل هذا الشر الي فيك ..
معاذ خذ جوال خالد بدون مايحس ..
خالد : شنو بتسوي ؟؟
معاذ : بدق على الهنوف أتسلى معاها ..
ويدق ..
الهنوف بدون ماتحس : الووووو ... خالد ... خالد ..
معاذ : أنا أسف بس أنا مو خالد .. أنا أخوه معاذ ..
الهنوف : توقعت لفترة إن الكلام الي صار قبل أسبوع كابوس وان خالد حي .. وهو الي داق علي ..
معاذ : أنا أسف ..
الهنوف : أمر اخوي شنو بغيت ؟؟
معاذ : مايامر عليك عدوا .. بس حبيت اطمئن عليك ..
الهنوف : فيك الخير والبركة .. أنا بخير الحمد لله ..
معاذ : أحس صوتك تعبان شوي .. فيك شي محتاجه شي .. ترى أنتي وصيت الغالي ..
الهنوف أنزلت دمعتها : لا مشكور بس تذكرت خالد ..
معاذ : افااا تبكين .. مو أنا قلتلك إن خالد مايبغي دمعتك تنزل .. يعني كل مره راح أدق عليك من رقم خالد راح تبكين .. كذا راح تزعلينه كثير ..
الهنوف : ليش .. أنت ناوي تدق علي كل مره ؟؟
معاذ : أكيد .. مستحيل إني راح اتركك الي إن أنفذ وصيت خالد وهي إني أشوفك سعيدة بس أنا الحين مااحس إلا بالحزن في صوتك ..
الهنوف : بعد شنو أسوي مشتاقة له موووت ... وودي أموت علشان أصير جنبه ..
معاذ : لا تقولين هذا الكلام خالد يبغيك تعيشين وأنتي تبغين تموتين .. يعني تبغينه يزعل ..
الهنوف : عمري ماحبيت احد ولا جربت الحين الي إن دق علي خالد بالغلط وعلمني إن ماكنت عايش قبل .. الحب في حياتنا يخلي لها طعم ثاني ..
معاذ : والله معاك حق .. بدون الحب مانقدر نعيش .. طيب أنا الحين برسل لك رقمي علشان أدق عليك منه .. اوك ..
الهنوف : والله مافي داعي .. تتعب نفسك معاي .. أنا بخير .. وان شاء الله الزمن يقدر ينسيني خالد ..
معاذ : الي إن يقدر الزمن ينسيك خالد أنا بكون جنبك .. يلا أنا بسكر الحين وبرسلك رقمي وأي شي تحتاجينه دقي علي اوك .. باي ..
الهنوف : باي ..
وسكر ورسل لها الرقم ..
خالد : كل يوم عن يوم صرت أخاف منك أكثر وأكثر .. الله يكفيني شرك ..
معاذ : أنت خلك جنبي على طول ولا راح يصير لك شي ..
خالد : ياخوفي إني اجلس يمكن وفي يوم تودينا في ستين داهية .. طيب معاذ طلبتك قول تم ..
معاذ : أول اسمع الطلب بعدين أقول تم ..
خالد : بو سعد وبنته ..
معاذ : شفيهم ..!!
خالد : لازم تصلح غلطتك .. لي أسبوع أنا مو عارف أنام .. أحس أنا السبب في الي صار لهم .. وفوق كل هذا أنت تبغي تنتقم منهم زيادة والله حرام عليك ..
معاذ بطنازه : وكيف تبغيني اصلح غلطتي .. ليكون تبغيني أروح تزوجها ..
خالد : إي تزوجها ..
معاذ : لا والله ضحكتني .. هذا الي ناقص خذ وحده مثل هذي ..
خالد : لاتنسى أنت السبب في الي هي فيه .. وأنت الوحيد الي تقدر تصلح هذا الشي والله حرام عليك .. علشان خاطري تزوجها على الأقل فتره بعدين طلعها .. مو أنت تقول انك تبغي تقهر جدها .. ترى على فكره الناس ماترحم المطلقة ..
معاذ : .......
خالد : فكر عدل .. أنت كذا تضرب عصفورين بحجر تصلح الغلطة الكبيرة الي سويتها مع هذا راح تقهر بو سعد إن بنته صارت في نظر المجتمع مطلقه ..
معاذ : أنا ليش مافكرت في هذا الشي من قبل .. وانا المستفيد في النهاية .. البنت مثل ماقلتلك حلوه حيل .. راح استمتع معاها الي إن امل منها .. وبعد راح اريح ضميرك الي ازعجتنا بسببه .. بس تتوقع بتوافق علي بعد الي سويتها فيه ..
خالد بفرح : إن شاء الله بتوافق بس يلا قوم ..
معاذ باستغراب : وين ؟؟
خالد : علشان تروح لأبوك تقوله انك تبغي تتزوجها ..
معاذ : أنا ماقلت إني بروح أقول لأبوي انه يخطبها لي ..
خالد : مو تقول انك بتتزوجها ..
معاذ : بتزوجها بسر .. بدون ماايدري أبوي ..
خالد يفكر : أهم شي تتزوجها وافتك من الحمل الي على صدري .. طيب يلا خلنا نروح الحين ..
معاذ : شفيك أنت مو صاحي .. خلها بكره ..
خالد : ليش ؟؟
معاذ : بس كذا أنا قلتلك بكره يعني بكره ..
خالد بستسلام : بكره بكر بس هااا مو تغير رأيك ..
معاذ وهو يبتسم : ماعتقد انك راح تخليني اغير رأيي ..
خالد : اطمئن بجلس علي قلبك الي إن تتزوجها ..




_-_-_-_-_-_-_-_-_-_-_-_-_-_-_-_-_-_-_







في اليوم الثاني ..

معاذ كان نايم وجواله حترق من مثل الرن ..
معاذ : اوووف .. ماني راد يعني ماني راد ..
كان خالد يدق عليه من الصباح وهو مطنشه .. وفي النهاية قرر يصمت الجوال وينزل تحت ..
معاذ : صباح الخير ..
جواد : صباح النور ..
معاذ : وين الباقي ؟؟
جواد : أمي نايمه .. أبوي تدري يجلس مبكر ويروح يداوم .. واختك نزلت افطرت وقالت لأبوي يوصلها بيت عمي .. شكلهم مسوين جمعت بنات وراحت تساعد بنات عمك .. وأنت ماراح تروح الشركة ..
معاذ : لا ..
جواد : على أساس انك واعد أبوي انك خلاص تداوم معاه ..
معاذ : بخذ أجازه اليوم عنك مانع ..
جواد : طيب لاتنافخ خلينا ..
معاذ : وين خدامتك هذي خلها تجيب لي الفطور ..
جواد : وهذا الي قدامك ..
معاذ : تبغيني أكل بقاياكم .. ولا أقول أحسن لي أروح افطر بره ..
جواد : يكون أحسن ..



_-_-_-_-_-_-_-_-_-_-_-_-_-_-_-_-_-_-_







في العصر ..

خالد : وينك ياخي من الصبح وانا أدق عليك وأنت ساحب علي ولا راضي ترد ..
معاذ :  أنت قلتها أنا ساحب عليك مالي خلق لهذرتك ..
خالد : شكلك غيرت رأيي على الموضوع الي أمس تكلمنا فيه ..
معااذ : لام اغيرت رأيي .. بس ماكنت ابغي انك تجلس تحن علي  طول الوقت ..
خالد : افاا وانا صديقك وتقولي هذا الكلام ..
معاذ : صديقي على عيني وراسي بس توجع راسي عذرني ..
خالد : طيب متى نروح .. ؟؟
معاذ : الحين ..

بعد نص ساعة .. 








بعد نص ساعة ..

خالد : تبغيني ادخل معااك ..؟؟
معاذ : وليش تبغي تدخل معاي بصفتك أبوي يعني ؟؟
خالد : مالت عليك وانا الي قلت بنزل معاك علشان أساعدك تجلس تطنز علي .. اجل رح اذلف انزل لحالك ..
معاذ : ايوه بنزل لحال شنو ابغي فيك تنزل معاي ..
ونزل ..



بو سعد كان توه مخلص غدا وجالس يغسل يدينه وجنى كانت تشيل السفرة .. إلا يرن جرس الباب ..
جنى باستغراب : مين الي جاينا هذا الوقت ..
بو سعد : دخلي داخل .. بروح أنا فتح ..
ويروح يفتح الباب ..
معاذ : السلام عليكم ...
بو سعد : وعليكم السلام .. معاذ !!! ليش جاي اليوم .. ؟؟ ليكون تبغي تضربني مثل أخر مره ..
معاذ : افااا .. أنا أصلا جاي اعتذر لك على الي سويت لك أخر مره ..
بو سعد : الحين جاي تعتذر ..؟؟ أنا تقريبا كل يوم أشوفك في الشركة ولا يوم حتى فكرت تجي وتسلم علي اليوم فجأة جلست من النوم وقررت تجي تعتذر ..
معاذ : والله أنا خجلان منك حدي وكل يوم ابغي أكلمك استحي من الي سويته .. لذا قررت إني اعتذر لك في بيتك مثل مامديت يدي عليك في بيتك .. وبعد لازم اعتذر من بنتك أنا غلطت في حقها هي بعد .. عمي بوسعد سامحني .. أترجاك تسامحني .. اعتبرني ولدك الي غلط وجاي يترجاك تسامحه .. أنا مو متحرك من هنا الي إن تسامحنا ..
بو سعد بطيبته المعتادة : مسامحك .. أصلا أنا مازعلت عليك علشان أسامحك .. تفضل ادخل داخل ..
ودخل معاذ وهو يحس انه قرب من هدفه ..
بوسعد : تفضل ياولدي اجلس .. عن إذنك ثواني بروح أقول لبنتي تسوي لك قهوة ..
معاذ : لا مافي داعي تكلفون على نفسكم .. بعدين أنا مااستاهل كل هذا الكرم منكم ..
بو سعد : لا تقول هذا الكلام .. بعدين كلنا نغلط وإذا كان الله يسامح ماتبغينا إحنا البشر نسامح .. بعدين أنت ضيفنا ولك حق الضيافة ..
معاذ : والله كذا تخجلني كثير ..
بو سعد : عن إذنك ثواني بس ...
ودخل ..
جنى : مين الي جاي لنا ياجدي ..
بو سعد : هذا معاذ ولد عبد الله ....
جنى بدأت تنتفض وتحس إن الدم هرب من عروقها : هذا الي جاك البيت وضربك ..
بو سعد : إي ..
جنى والخوف مسيطر عليها وهي تذكر أخر مره شافته فيها : وليش جاي ؟؟
بو سعد : جاي يعتذر ..
جنى بصوت خانق الرعب والخوف : طرده ليش مدخله البيت .. مانبغي منه اعتذار خله يروح .. طرده ليش مدخله .. مانبغي اعتذاره .. قوله ماارح نسامحه ليوم الدين ..
بو سعد : شفيك يابنتي اهدي الرحال عرف غلطته وجاي يعتذر .. تبغيني ارده .. الحين ريحي وسوي لنا قهوة .. يلا بسرعة ..
وطلع وتركها في خوفها ورعبها الي ملاحقها طول هل الأيام الي مرت عليها .. وصارت الاسئله تتزاحم في داخلها ليش جاي وشنو يبغي .. وشنو ناوي يسوي أكثر من الي سوااه ...
بو سعد : حي الله من جانا .. تو مانور المكان ..
معاذ : منور بالي ساكنين فيه ..
بو سعد : إلا شخبارك ؟؟
معاذ : بخير دامك راضي عني ..
بو سعد : مافي أبو يزعل من ولده ..
معاذ : تسلم ياعمي .. بصراحة ياعمي أنا جاي وعندي طلب وان شاء الله ماتردني ..
بو سعد : خير أمر ..
معاذ : عمي ابغاك تعرف إن ذاك المرة كانت غلطه ومستحيل أكررها ..
بو سعد : مايحتاج تقول .. أبوك قالي بالموضوع كله .. بس كل الي أبغيه منك انك تترك شلة السوء عنك ..
معاذ : أصلا من ذاك اليوم ماشفتهم ولا قابلتهم بعد ماعرفت عن افعالهم السوده ..
بو سعد : هذا عشمي فيك ..
معاذ : الصراحة ياعمي .. أنا ..
بو سعد : قول لا تستحي .. ولك الي تبغيه ..
معاذ : أنا الصراحة جاي اخطب بنتك ..
بو سعد بصدمه : تخطب بنتي .. جنى ..!!
معاذ في نفسه اسمها جنى : إي .. وياريت ماتردني ..
بو سعد مو مستوعب : وأبوك يدري انك جاي تخطب ..
معاذ : لا .. الصراحة مايدري .. لو يدري ماراح يرضى بيقول إني توني صغير ..
بو سعد : اجل كيف تبغيني أوافق إذا اهلك مو موافقين ؟؟
معاذ : مين قال إن أهلي مو موافقين .. أهلي أصلا مايدرون ..
بو سعد : شنو معناتها مايدرون يعني مو موافقين .. لا ياولدي مااقدر اوافق اذا اهلك مايدرون ..
إلا يسمع صوت جنى الي يرتجف .. تناديه ..
بو سعد : دقيقه بس ..
ويروح لجنى ..
جنى : تفضل القهوة .. شفيك ياجدي ؟؟
بو سعد : والله مدري .. هل ولد بيجنني ..
جنى بخوف : ليش شنو قالك ؟؟



 نهاية البارت الرابع ..  



ليست هناك تعليقات:

إرسال تعليق