لمن .. أشكو حبيبي .. ! الجزء التاسع ..

الجزء التاسع .^_^.

بو سعد : بنتي ماتبغيك طلقها ..
معاذ : ياسلام .. ماسمعتك عدل .. اطلقها .. عشم بليس في الجنه ..
بو سعد : لا بطلقها وغصباً عنك ..
معاذ : ومين بيجبرني انت ..
بو سعد : ترى البلد فيها قانون .. يخذ حقنا منك ..
معاذ : هههههههههه .. ضحكتني وانا مالي خلق اضحك .. على فكره القانون في صفي انا .. وانا ماابغي اطلق .. واذا قلت للقاضي ان البنت هي الي طالبه الطلاق .. بيقولك رجعوا المهر ..
بو سعد : بس انت ماسلمتنا ولا ريال ..
معاذ : بس هذا مو المكتوب في العقد .. المكتوب انك استلمت مني 100 الف ريال كاش .. مدفوع ..
بو سعد : انت انسان قذر وسافل .. كيف تسوي كذا .. انت ماتخاف ربك ..
معاذ : انا شنو سويت كل الي قلته اني ابغي اشوف زوجتي الي انت حارمني منها .. تراني ما قلت مثلك اني ابغي اشتكي عليك .. ترى من حقي اخذ زوجتي ولا تشوفها مره ثانيه ..
بو سعد : لا تقول مره ثانيه زوجتك .. وبنتي حرام عليك الي يوم الدين ..
معاذ بستهزاء : لا تنسى تقول لها اني بجي اليوم خلها تجهز لي العشا .. وخلها تنتبه لا تحط سم الفيران بالغلط بدل الملح ..
ومشى وهو يضحك ..

في احد البيوت المتواضعه ..




: ماما ... ماما ... مااااااااااااماااااااااااا ..
: يؤيؤؤيؤؤ شفيك تصارخين ليكون انجنيتي ..
: ماما .. ماما .. تعالي شوفي بنتك .. مو راضيه تخليني اجلس على الكمبيوتر ..
أم عبد الرحمن : الحين كل هذا الازعاج .. علشان تجلسين على الكمبيوتر .. مو لازم تجلسين ..
العنود : شنو مو لازم .. الابله تبغي تبحث .. ولازم نجيبه بكره ولا بتنقصنا درجتين ..
أم عبد الرحمن : طيب روح سويه ..
العنود : كيف اسويه .. وخلودوه مو راضيه تخليني اجلس على الكمبيوتر ..
أم عبد الرحمن : ليش هي شنو جالسه تسوي ..؟؟
العنود : جالسه تكلم صديقاتها ..
أم عبد الرحمن : اقول روح زلفي عن وجهي انا مااقدر عليك ولا على اختك .. روحي تفاهمي معاها انتي .. ولا روحي قولي لابوك ..
العنود : اووووف ابوي نايم .. روحي كلميها انتي .
أم عبد الرحمن : ماني مكلمه احد انا روحي انقلعي عني ..
العنود : انتوا اصلا تبغوني ارسب ..
وراحت لغرفتهم ..
العنود : خلود .. يلا عاد خليني اجلس ..
خلود : قلتلك انتظري ..
العنود : لك ساعه وانتي تقولي لي انتظري .. الي متى تبغيني انتظر ..
خلود : اووووهووو .. انتظري وبس ..
ورحت العنود انبطحت على سريرها ... وجلست تطالع في اختها الثانيه ..
العنود : الهنوف .. شنو جالسه تسوين ..؟؟
الهنوف : مالك دخل ..
العنود : شنو تكتبين ..؟؟؟
الهنوف : مالك دخل قلتلك ..
وكملت الهنوف كتابه .. هذا حالتها من تعرفة على خالد .. كانت تبغي تسولف لاحد عنه .. بس ماتقدر ماراح احد يفهم مشاعرها .. علشان كذا صارت تكتب مشاعرها واحاسيسها في مفكره .. اليوم فتحت صفحه جديده مثل كل يوم .. حطة القلم في اول السطر .. وبدأت تخط احزانها ..
" ايتها الفكره الغاليه .. انني اعرف اني ارهقت اوراقتك بكتاباتي ووعودي المتكرره لصفحاتك .. كل يوم اقول لكي كان هذا اخر يوم يمر على وانا افكر فيه لاكن بمجرد ان اغمض عيناي .. حتى اراه في احلامي .. اراه هذا الفارس المغوار الذي يحارب العالم بحد حسامه القاطع .. وهوا يعلوا صهوة جواده الاصيل ... ذاك الفارس الذي يأتي إلي ويأخذني معه لنعيش في سعادة ... لكن سرعان مايتحول هذا الحلم الي كابوس عندما يقترب مني ليأخذني في احضانه .. حتى تهتز الارض من تحت اقدام جواده وتنشق وتاخذه الي اعماقها المظلمه .. ويتركني اعاني الاسى .. وحتى اذا اشرق الصباح .. ما ان افتح عيناي حتى تداهمني ذكرى صوته العذب .. اذا ماذا افعل يامفكرتي العزيزه .. كيف انساه .. كيف أتخطى ذكراه .. لاعيش قدما في حياتي .. لماذا اتوق شوقا اليه .. وانا اعرف انه لا يمكن ان يعود .. ااااااه ياقلبي المسكين .. لقد عذبتك كثيرا .. وقد زدت همك عندما شاهدة صوره .. ياريتني لم اشاهده .. كنت اعتقد إنني سوفا أنساه إذا شاهدته لكن .. هيهات لقد تعلق قلبي به اكثر واكثر .. اذا يا مفكرتي المسكينه متى سوف انساه .. هل لديك جواب .. ؟؟ "
العنود : يلا عاد ابغي اجلس ..
الهنوف : خلود .. خليها تجلس .. تطفشتنا بصوتها ..
خلود : اوووووووف .. مسكي جلسي ..





_-_-_-_-_-_-_-_-_-_-_-_-_-_-_-_-_-_-_-_-_-_-_-_

في الليل .. في بيت بو سعد ..

جنى جلسه مع جدها ..
بو سعد : من زمان ماشفت ضحكتك ..
جنى : الله كريم وترجع هذي الضحكه ..
بو سعد : جنى انا طول هذا الفتره وانا مخليك على راحتك .. بس اليوم ابغيك تقولين لي ليش وافقتي على هذا الزواج ..
جنى بدأ جسمها يرتجف : مدري ..
بو سعد : الا تدرين .. قولي ليش ..؟
جنى صارت تفكر في عذر : الصراح انا قبلت علشان انه مقتدر وكنت اعتقد انه راح يغرقنى فلوس .. انا مليت من هذا الفقر .. ابغي اعيش مثل الناس ..
بو سعد : تدرين ان هذي اول مره تكذبين على .. جنى انتي تربيت يدي وادري ا ناخر شي تفكرين فيه هو الفلوس .. بس يبدوا انك ماتبغين تقولين لي السبب الاساسي علشان كذا انا راح اخليك على راحتك ..
جنى صارت تبكي ..
بوسعد : لا يا جنى انا مافتحت هذا الموضوع علشان تبكين .. حبيبتي مسحي دموعك ..
جنى : خله يطلقني ..
بو سعد : يابنتي مو بهذي السهول هانا اليوم شفته .. قالي طلاق ماراح اطلق .. واذا رحنا المحكمه راح يقلون رجع المهر لانك انتي الي طالبه الطلاق ..
جنى : بس هو ..
بو سعد : ادري انه ماعطاك شي .. هو كان حاسبها صح ..
جنى : يعني راح اضل معلق طول عمري ..؟؟
بو سعد : انا بحاول اني اتسلف واحاول اجيب المبلغ .. بس مااضن اني اقدر اجيب حتى نصه انتي شايفه الحاله .. وهو ما قال 100 الف الا لانه ناوي شر من البدايه .. واليوم قالي اقولك انه جاي ..
جنى : لالا مابغيه ..
بو سعد : اصلا انا مستحيل ادخله البيت ..
جنى : طيب ليه ما تقول لابوه ..
بوسعد : اذا رحت وقلت له راح يخذك مني ولا راح اشوفك مره ثانيه ..
جنى : ياريتني اموت علشان تفتك مني ومن مصايبي ..
بو سعد : لا يا جنى .. لا عاد اسمعك تقولين هذا الكلام مره ثانيه ولا راح ازعل منك ..
الا يرن جرس الباب ..
جنى : ليكون هو ..
بو سعد قام يفتح الباب ..
بو سعد : مين ..؟
معاذ : افتح لا اكسر عليك الباب ..
بو سعد : روح وقصر الشر .. روح لا طلب لك الشرطه ..
معاذ : تبغي انا ادق عليهم واقول لهم انك مانعني من زوجتي ..
بو سعد ماحب يسوي فضيحه في الشارع خاف ان الجيران يتجمعون عليهم ..ففتح له الباب .. ودخل معاذ على طول ..
بو سعد : هيييي انت وين رايح ..؟؟
معاذ : يعني وين رايح ادور زوجتي الحلوه شتقت لها ..
ودخل واول ماشافته جنى .. راحت تخبت ورى جدها ..
معاذ : شوفي هذي المره راح اخيرك تجين بطيب ولا جدك الي راح ينضرب وفوق انتي .. ؟؟
بو سعد : اطلع برا ..
معاذ : اسكت انت انا مااكلمتك .. هااا شنو قلتلي ..؟؟ مارااح المس جدك العزيز بس تسوين الي اقوله لك ..
بو سعد : ماراح تلمس بنتي اليوم ..
جنى خافت على جدها يصير فيه مثل المره الماضيه .. راحت يم معاذ .. بس جدها مسكها ..
بو سعد : جنى .. !!
جنى : خلني ياجدي ..
بو سعد : بس ..
معاذ قاطعه : قالتلك اتركها ... يلا قدامي الغرفه ..
راحت جنى وهي منزله راسها .. تخفي دموعها ..






_-_-_-_-_-_-_-_-_-_-_-_-_-_-_-_-_-_-_-_

في بيت بو معاذ ..


ليلى : يبه ..
بو معاذ : نعم ..؟
ليلى : ابغي افلوس ..
بو معاذ : ليه ..؟ مو انا توني معطيك فلوس قبل اسبوع ..
ليلى : خلصوا .. يلا عاد يبه الله يخليك عطني ..
بو معاذ : طيب انا ماعندي الحين .. خلاص بكره اعطيك ..
ليلى : يؤيؤيؤيؤ .. انا محتاجتهم بكره ..
بو معاذ : خلاص قلتلك بكره اول مارح اجلس من النوم راح اعطيك .. وين امك ؟؟
ليلى : في بيت الجيران ..
بو معاذ يطالع ساعته : الي هذا الوقت ...؟؟ ليه هم شنو عندهم .؟
ليلى : حفله قهوه ..
بو معاذ : لاحوله ولا قوه الا بالله ..
الا على دخلت أم معاذ ..
أم معاذ : السلام عليكم ..
بو معاذ \ ليلى : وعليكم السلام ..
توها بتصعد فوق ..
بو معاذ : وين بتروحين .. ؟
أم معاذ : يعني وين بروح بروح انام ..
بو معاذ : طيب جلسي بقولك شي ..
أم معاذ : قوله بسرعه .. لاني حدي تعبانه وابغي انام ..
بو معاذ : لاحول ولا قوه الا بالله ..
أم معاذ : هااا شنو تبغي بسرعه ..
بو معاذ : بكره اخوي وعياله جاين ..
أم معاذ : طيب وانا شنو يدخلني .. جاوا ولا بكيفهم ..
بو معاذ : يعني مايحتاج تطلعين بكره ..
أم معاذ : بس انا بروح بيت اختي ..
بو معاذ : مافي روحه بكره ..
أم معاذ : وليش بيجي اخوك ؟؟
بو معاذ : من زمان مازارونا ..
أم معاذ : طيب وحنا مانبغيهم يزورونا ..
بو معاذ : شنو هذا الكلام .. تبغين تطردين اخوي من بيتي ..
أم معاذ : انا ماطردت احد .. يلا عن اذنك انا تعبانه وبروح انام ..
بو معاذ : لا تنسين وطلعين ..
أم معاذ ماردت عليه وصعدت ..


_-_-_-_-_-_-_-_-_-_-_-_-_-_-_-_-_-_-_-_-_

في الصباح بيت بو سعد ..

جلست جنى من النوم وهي تحس بشي ثقيل عليها .. انتبه ان معاذ حاضنها وهو نايم .. حاولت توخره علشان تقوم تصلي .. بس هو تمسك فيها اكثر ..
معاذ : لا تتحركين ..
جنى ارتعبت : اتركني ..
معاذ : وين بتروحين ؟؟
جنى : بروح اصلي .. اتركني ..
معاذ : مافي ..
جنى : شنو الي مافيه .. اقولك ابغي اروح اصلي ... تبغين تمنعني من الصلاه ..
معاذ : أي انا مابغينك تقومين ..
جنى : استغفر الله .. اقولك اتركني ..
وصارت تحاول تشيل يده من عليها ..
معاذ شد عليها اكثر ..
معاذ : انا زوجك المفروض تسمعين كلامي فاهمه واذا قتلك لا تتحركين يعني لا تتحركين ..
جنى : لا الا الصلاه .. ماتقدر تمنعني اني مااصلي .. وخر ...
معاذ : انت ماتفهمين ؟؟
وقام ومسكها .. ورماها على الارض ..
معاذ : يعني لازم امد يدي عليك علشان تفهمين وتسمعين كلامي ..
ورفعها من شعرها .. وعطاها كف ..
معاذ : انقلعي عن وجهي الحين ..
ونسدح على السرير وغمض عيونه ..
معاذ : خلصي صلاتك وبسرعه تعالي ..
جنى قامت بسرعه قبل مايغير رايه وطلعت من الغرفه ..



_-_-_-_-_-_-_-_-_-_-_-_-_-_-_

في ألمانيا ..


الجوري : تعالي ..
ملاك : قلتلك ماابغي ..
الجوري : مو علي كيفك .. خليني اعلمك ..
ملاك : ومين قالك علميني .. كيفي ماابغي اتعلم ..
نايف : اوووووف .. شفيكم تصارخون .. ؟؟
ملاك : وخر اختك عن وجهي .. لافقع وجها
نايف : شفيك معاها ..
الجوري : ابغي احط لها مكياج ..
نايف مسك بطنه وجلس يضحك ..
الجوري : ليش تضحك ؟؟
نايف : هههه .. لا بس اتخيل الشكل .. اتوقع انها بتصير مهرج
ملاك : مهرج في عينك .. يابو الشباب مشتهي تجرب هذي " ورفعت يدها " ..
نايف : انت اول خليها تتكلم مثل البنات .. تلبس مثل البنات .. تمشي مثل البنات مو على طول تبغينها تحط مكياج ..
الجوري : هي راضيه تسمع كلامي .. كل ماقلتلها شي قالت ماابغي ..
ملاك : كل هذي الاشياء مو مهمه عندي ..
الجوري : اجل شنو المهم عندك ..؟
نايف : السيارات والكوره ..
الجوري : قصدك بس السيارات .. لانها ماتحب الكوره ..
نايف : طيب شرايكم اوديكم السوق اليوم .. منها تغير جوا .. ومنها نشتري ثياب حق هذي ..
الجوري بفرح : والله ..
ملاك : لالالالا .. لا تحاولون ماراح اغير ملابسي ..
الجوري : مو على كيفك .. ختاري يانروح نشتري لك ملابس .. ياتجين احط لك مكياج ..
ملاك : والله لو تقتليني ماراح اسوي أي شي من الي قلتي ..
الجوري : نايف امسكها لي .. خلني اقتلها ..
نايف : الجوري خليها بكيفها هي الخسرانه .. خلينا انا وانتي ننزل السوق وهي تجلس لوحدها ..
ملاك : مو على كيفكم .. بروح معاكم ..
نايف : ناخذك بس بشرط ..
ملاك : شنو ..؟
نايف : انك تشتري لك فستان .. وتلبسينه ..
ملاك : يلا مع السلامه .. بس لا تتاخروين .. اوك .. انا بروح انام .. الي ان تجون ..
الجوري : بتجنني ..
نايف : قلتلك مافي فايده منها ..



_-_-_-_-_-_-_-_-_-_-_-_-_-_-_-_-_-_-_-_

في بيت بو سعد ..

معاذ مل وهو جالس يستنى جنى ترجع .. فطلع من الغرفه يدورها .. شافها في المطبخ ..
معاذ : شنو جالسه تسوين ..؟
جنى : بسم الله الرحمن الرحيم .. مو انت نايم ..؟
معاذ : سألتك وسوال .. جاوبي .. شنو جالسه تسوين ..؟
جنى برتباك : جالسه اجهز الفطور لجدي ..
معاذ : مو انا قايل لك اذا خلصتي صلاه ترجعين ..
جنى : أي بس جدي الحين بيروح دوامه ولازم احضر له شي ياكله قبل مايطلع ..
معاذ جاها وشد شعرها : انا اذا قلتلك شي تسوينه .. فاهمه ..
جنى : آآآآآآآه ..
معاذ : يلا قدامي للغرفه ..
جنى : خلني اول اخلص فطور جدي ..
الا يدخل بو سعد ..
بو سعد : ليش تضربها الحين ..؟
معاذ : مالك دخل ..
بو سعد : تضرب بنتي ولا تبغيني ادخل .. جنى ..
جنى : جدي اترجاك لا تدخل بينا ..
بو سعد : وتبغيني اشوفه يضربك .. واسكت ..
معاذ ترك جنى ووقف قدام بو سعد ..
معاذ : أي تسكت .. لو اقتلها انت مالك دخل ..
بو سعد : لا ماراح اسكت ..
وعطى معاذ كف ..
بو سعد : وان شفتك لمستها مره ثانيه اكسر يدك .. انا سكت لك كثير بس الي هنا وخلاص ..
معاذ حط يده على خده .. وعيونه تدل على اعصار قادم .. في نفس الوقت جنى حطت يدها على قلبها .. لستقبال الاعصار .. طبعا معاذ ماخلاها تستنى كثير .. اول ماخلص بو سعد كلامه .. امسكه معاذ وصار يضربه ..
جنى مسكت معاذ علشان تحمي جدها منه بس ما في فايده .. فمسكت رجوله وصارت تترجاه ..
جنى : خلاص كافي .. ابوس رجولك .. خل جدي .. اقتلني اضربني عذبني .. بس خل جدي .. ابوس رجولك خله .. طيب اضربني انا .. " امسك يده وحطتهاا على شعرها " امسك شعري قطعه بيدينك بس اترك جدي .. انا ماعندي شي الا جدي .. اترجاك لا تحرمني منه ..
معاذ رفسها ووخرها عنه ..
معاذ : جيبي الفطور الي سويته ولحقيني ..
جنى تبكي : هذا حق جدي ..
معاذ : تبغين كف شكلك انتي .. ان وصلت الغرفه ولا شفتك .. بخلي هذا العجوز ينام في المستشفى الليله ..
وطلع ..
جنى حضنت جدها على طول ..
جنى : اسفه جدي .. سامحني ..
بو سعد حط يده على راسها : قومي ودي له الفطور .. قومي قبل مايجيلك .. انا الحين بروح دوامي ..
جنى : دقيقه احط لك فطور ..
بوسعد : لا انا ماابغي شي .. بس انتي انتبهي لنفسك ..
وقام وخلاها ..
خذة صينية الفطور وراح الغرفه ..
معاذ : ليش تاخرتي ..
ماردت عليه وجلست قريب منه .. قام هو ورفسها ..
معاذ : قومي روحي بعيد عني ..
جنى قامت : ان شاء الله .. تبغي شي ثاني .. ؟
معاذ : مابغي اسمع صوتك ..


_-_-_-_-_-_-_-_-_-_-_-_-_-_-_-_-_-_-_-_-_-_

في بيت بو معاذ ..


ليلى : حبيبي ..
سلطان : عيوني انتي .. امري ..
ليلى : ابغي بوسه من زمان ماعطيتني ..
سلطان : اموووووووااااح ..
ليلى : اااااااه .. ياقلبي ..
سلطان : سلامتك قلبك .. شفيك ..؟
ليلى : تمنيتها .. من جد .. تبوسني وانت يمي مو في الجوال ..
سلطان : انتي تقدرين انك تخلينها من جد ..
ليلى :.....
سلطان : مافكرتي في موضوعنا ..
ليلى : مو الحين .. تكفى لاتخرب اليوم .. تونا مافيا حسن منا ..
سلطان : من عيوني .. طيب ممكن اشوف لك صوره ..
ليلى : تبغي تفضحني انت ..
سلطان : شدعوه افضحك .. الي هذي الدرجه مو واثقه فيني ..
ليلى : لا .. مو هذا قصدي ..
سلطان : طيب ابغي صوره انا ..
ليلى : ياربي ..
سلطان : طيب صوري من غير ماطلعين وجهك بس جسمك ..
ليلى : جنيت انت ؟؟
سلطان : يلا عاد .. بس جسمك من راح يعرفك ..
ليلى : امممم ..
سلطان : ياتصورين ياتقابليني .. ولا بزعل حييل ..
ليلى : لا تكفى لاتزعل .. خلاص بصور ..
سلطان : متى ..؟
ليلى : بكره ارسلك الصوره .. بس هااا بدون وجهي ..
سلطان : موافق .. بس ليش ماتصورين اليوم ؟؟
ليلى : اليوم عمي وعياله بيجونا .. علشان كذا انا الحين لازم اسكر واروح اتجهز ..
سلطان : بشتاق لك ..
ليلى : وانا بعد .. امووووووااااه ..


_-_-_-_-_-_-_-_-_-_-_-_-_-_-_-_-_

في بيت بو سعد ..


معاذ خلص فطور وجلس يشوف التي في .. وجنى جلست ترتب في البيت ..
معاذ : شفيك انتي ما تجلسين .. كل جالسه ترتبين وتنظفين .. صاير خدامه ..
جنى : ليش تبغي شي مني ..؟
معاذ : أي ابغيك تسوين لي مساج لرجولي ..
جنى : طيب ..
معاذ : يلا تعالي ..
وجلست وبدأت تسوي له مساج .. الا يرن جواله ..
معاذ : هلا والله حبيبتي ..
جنى ستغربت مين هذي الي يقول لها حبيبتي ..
: هلا وغلا .. اخبارك حبيبي .. من زمان ماسمعت صوتك ..
معاذ : وانا تمام .. بس كنت مشغول هل يومين .. امري عيوني بغيتي شي ..
: ابغي اشوفك .. الحين ..
معاذ : الحين والله مقدر ..
: ليييييييييييش ..؟
جنى قامت ماتبغي تسمعه .. هي صحيح تكرهه .. بس ولو وهو الحين زوجها .. كيف تصل فيه الجرئه انه يكلم وحده قدامها ..
معاذ : هاااااي انتي .. وين بتروحين ؟؟
جنى : بروح اجهز الغدا ..
معاذ : انا قلتلك قومي ..؟
جنى : انت جالس تكلم جوال وانا لازم اقوم اجهز الغدا قبل ما يجي جدي .. مو كفايه هو مافطر اليوم ..
معاذ : اقول انثبري وكملي شغلك تحت رجولي ..
جنى : بس ..
معاذ : ولا كلمه ولا تدري شنو بيجيك ان راددتيني
جنى نزلت دمعتها : حاضر ..
: الووووووووووو .. مين تكلم حبيبي ...
معاذ : معاكي حبي ..
: طيب مين كنت تكلم ..؟؟
معاذ : كنت اكلم الخدامه ..
: اكيد الخدامه .. ولا ..
معاذ : تشكين فيني .. وانا اقدر اقابل وحده ثانيه وانتي موجوده ..
: فديتك ..
معاذ : انا الي فديتك ياعسل انتي ..
: طيب ليش ماتبغي تقابلني ..؟
معاذ : حبيبتي مشغول .. ابوي مو مخليني اتنفس ..
: طيب متى اقدر اقابلك ..
معاذ : اممم .. يمكن بعد بكره ..
: وعد ؟؟
معاذ : لا .. احاول حبي ..
: انت ماتحبني ..
معاذ : افاا اذا انا مااحبك .. مين احب ..؟؟
: مدري عنك ..
معاذ : شكلك تبغيني احب الخدامه ..
: لا حبني انا ..
معاذ : طيب احبك انتي ..
: ياربي ستحيت ..
معاذ قام يضحك ...
جنى كان ودها تعطيه كف .. الي هذا الدرجه توصل فيه الحقاره .. يعني هي مو انسانه لها مشاعر .. بس يضربها ويحتقرها ويعذبها .. حتى مامره سمعته ناداها باسمها .. كل يوم كرهي له يزيد .. طيب بما اني اكرهه ليش انا الحين مهتمه اذا كلم بنت .. اصلا حتى لو شفته مع بنت المفروض مااهتم ... اووف طيب متى يسكر منها .. انا مليت ابغي اقوم .. ياربى متى راح اتخلص منه ..
الا ماتحس الا في الي يضربها ..
معاذ : قومي انقلع ..
جنى مو فاهمه : وين ؟؟
معاذ : روحي سوي الغدا ..
جنى : حاضر ..

_-_-_-_-_-_-_-_-_-_-_-_-_-_-_-_-_

بيت بو معاذ


بو معاذ : هلا والله تو مانور البيت ..
بو رغد : والله منور باهله .. اخبارك ؟؟
بو معاذ : والله تمام .. وانت بشرني عنك ..؟
بو رغد : الحمد لله .. الا وين العيال مااشوفهم ..
بو معاذ : جواد الحين بينزل من غرفته .. اما معاذ ماشفته من الصباح .. والله هل ولد ميوتني .. طايش .. ومايحس لاحد حساب ..
بو رغد : بكره يكبر ويعقل ..
بو معاذ : ان شاء الله ..
يدخل جواد : السلام عليكم ..
بو رغد : وعليكم السلام ..
ويجي ويحب راس عمه ..

عند الحريم ..
أم رغد : ما شاء الله .. كبرت ليلى وصارت عروسه ..
أم معاذ : حتى رغد .. ما شاء الله عليها طالعه قمر ..
أم رغد : ان شاء الله نزوجهم ونفرح فيهم ..
أم معاذ : امين ..
ليلى : رغد شفيك ساكته ..؟؟
رغد : مافيني شي .. بس تعبانه شوي اليوم ..
ليلى : سلامتك .. ماتشوفين شر ..
رغد : الشر مايجيك ..
ليلى : الا كيف الدراسه معاك .. عاد ثالث صعبه وانتي ما شاء الله عليك داخله علمي ..
رغد : لا والله مره سهله .. الي ماراح يهتم ويذاكر اول باول راح يلقاها صعبه .. بس الي يتعب من البدايه تسهل عليه ..
ليلى : ذكرتيني بجواد .. نفس كلامه .. ويموت في شي اسمه دراسه ..
رغد : شي طبيعي هذا مستقبله .. لازم يحبه .. علشان يطلع بشي حلو ..
ليلى : طيب قومي خلينا نروح غرفتي ..
رغد : طيب ..


عند الرجال ..
بو معاذ : جواد ..
جواد : امر يبه ..
بو معاذ : دق على اخو كشوف وينه ؟؟ وخله يجي يسلم على عمه ..
بو رغد : لا خله على راحته .. يمكن الحين هو مستانس مع ربعه ..
بو معاذ : ربعه لاحق عليهم .. جواد دق عليه ..
جواد : حاضر يبه ..
وطلع برا المجلس ..
بو رغد : شكلك ازعجتكم اليوم .. حتى ماخليتك تروح الشركه ..
بو معاذ : بالعكس ريحتني من عوار الراس .. من زمان ماخذة اجازه من هذي الشركه ..
بو رغد : الله يعينك ..


_-_-_-_-_-_-_-_-_-_-_-_-_-_-_

بيت بو سعد ..


معاذ كان منسدح وطفشان .. بس مايبغي يطلع .. يحس بشعور حلو اذا كان موجود يمها .. بدأ هذا الشعور من اول يوم شافها فيه .. وحاول ينساه في الفتره الي ماشافها فيها .. بس هذا هو يرجع له .. شعور يدفعه انه يلمسها يشوفها قدامه .. طول عمره كان يحب يتملك أي شي .. وهذا الي يسويه فيها .. يبغيها له هو وبس .. كانها لعبه جديده حصل عليها .. ومو ناوي يشارك احد فيها .. حتى لو كسرها حطمها .. اهم شي انها له لوحده .. علشان كذا كل ماهتمت في جدها كل ماعصب هو اكثر ..
جنى : جوالك ..
معاذ انتبه : شنو ؟؟
جنى : جوالك يرن ..
معاذ : وانتي شيدخلك .. جوالي رن ولا حترق انتي بس تسكتين فاهمه ..
جنى : حاضر ..
رد على الجوال ..
معاذ : الووو ..
جواد : ياخي وينك ..؟
معاذ : شنو تبغي انت ..؟
جواد : ابوي يسأل عنك .. ويقولك تعال بسرعه البيت ..
معاذ : غريبه .. شنو يبغي ..؟
جواد : عمي بو رغد موجود ..
معاذ : اوووه مالي خلق اجي ..
جواد : والله كيفك بس ابوي يعصب عليك حيل .. اذا ماجيت وسلمت على عمك ..
معاذ : طيب طيب قوله الحين راح يجي ..
جواد : لا تتاخر ..
معاذ : يلا باي ..
وسكر ..
معاذ : انا بمشى الحين وبكره بجي ..
جنى : ليش ؟؟
معاذ : ليش امشي ولا ليش اجي بكره ؟؟
جنى : ليش تجي بكره .. ما كتفيت من الي سويته اليوم ..
معاذ : لا ما كتفيت .. وبعدين انا كم مره قلتلك لا تتكلمين ماابغي اسمع صوتك .. شكلك ماراح تفهمين الا بالغة الضرب ..
جنى بصراخ : تبغي تضرب اضرب .. صار الوضع عادي .. ماعاد يهمني .. لان الميت مايحس بأي ألم .. وانت قتلتني .. في اليوم الي غتصبتني فيه .. فما اعتقد ان في شي ثاني راح يأثر فيني الحين .. يلا اضرب .. لان هذا الشي الوحيد الي انت شاطر فيه .. اصلا انا بدأت اشك اذا انت رجال .. لان مو من شيم الرجال ضرب الحريم .. والي مايقدرون يدافعون عن نفسهم ..
معاذ جن جنونه وصار يضربها بكل وحشيه ..
معاذ : اجل انا مو رجال .. ان ماقتلتك بيديني مااكون معاذ ..
جنى تبكي وتصارخ : اقتلني .. الموت ارحم من وجودي مع واحد سافل وواطي ومنحط مثلك .. انت اصلا حثالة المجتمه .. أنت تتصور انك أعلا منا لأنك عندك فلوس .. ترى احنا الي اعلا منك بحترامنا وطاعتنا لربنا .. انت نهايتك راح تصير حطب لنار جهنم ..
معاذ مسك رقبتها : سكتي ولا قتلتلك ..
جنى جلست تحاول توخره عنها لما حست بانها تختنق .. مع انها تبغي تموت .. بس مثل مايقلون الحياه حلوه .. فصار جسمها يدافع عن نفسه بنفسه .. بس بعد ثواني مو عدم حصول الجسم للاكسجين .. فبدأت قوى جسمها تخبو .. وتضعف .. الي ان تحولت الي جثه هامده ..


نهاية البارت التاسع ...